Zezì Wecheekeèdeè 16:3 - Nǫ̀htsı̨ Nı̨htł'è

³ Paul, Tımothy edexè kǫ̀ta ayele ha nıwǫ, eyıt'à Moses wenàowoò k'ę̀ę̀ wekwǫ̀ k'e nàat'a ayį̀į̀là. Israel got'ı̨į̀ eyı nàgedèe sìı Tımothy wetà Greece got'ı̨į̀ ne gık'èezǫ t'à ayį̀į̀là.

Zezì Wecheekeèdeè 16:3 ပူးပေါင်းရင်းမြစ်များ

Zezì Wecheekeèdeè 15:20

Hanìkò dıı hats'edıì gıts'ǫ̀ ts'ı̨ı̨tł'è nı̨dè nezı̨ ha, ‘Bò nǫ̀htsı̨ hòèlı̨ı̨ ghàgeedıı sìı aahdè-le. Hołı̨ı̨ k'ę̀ę̀ ełek'alaahdèe-le. Tıts'aàdìı gık'à dahdlì t'à ełǫǫ̀wıı sìı gıkwǫ̀ aahdè-le, eyıts'ǫ edoò aahdǫ-le,’ gìts'edı ı̨lè.

Zezì Wecheekeèdeè 15:37

Barnabas, John-Mark goxè awede nıwǫ.

Zezì Wecheekeèdeè 15:40

Paul t'aa Sılas edexè ayį̀į̀là. Nageedè kwe Nǫ̀htsı̨ nezı̨į̀ gok'èdì ha t'à Nǫ̀htsı̨ wecheekeè gok'eèyagı̨ı̨htı.

1 Corınth 7:19

Dǫ wekwǫ̀ nàt'àa, dǫ wekwǫ̀ nàt'à-le, eyı Nǫ̀htsı̨ wegha wet'àaɂà nıìle. Nǫ̀htsı̨ wenàowoò k'èts'edì eyı t'aa sıì wet'àaɂà hǫt'e.

1 Corınth 9:20

Israel got'ı̨į̀ Zezì gha geehnè ha dehwhǫ t'à gıxèht'eè ehda. Dǫ, Moses wenàowoò tł'a geèhkw'ee sìı Zezì gha geehnè ha dehwhǫ t'à, gıxèht'eè Moses wenàowoò tł'a whıhda laht'e (Moses wenàowoò tł'a whıhda-le kò).

Galatıa 2:3

Hanìkò Tıtus ededı̨ sexè at'ı̨ı̨ sìı Greece got'ı̨į̀ elı̨ kò wekwǫ̀ k'e nàweet'à ha gıìhdı-le.

Galatıa 2:8

Peter yecheekeèdeè elı̨ t'à Nǫ̀htsı̨ Israel got'ı̨į̀ gota eghàlaı̨dà hǫt'e. Eyı xèht'eè sı̨ wecheekeèdeè ehłı̨ t'à Nǫ̀htsı̨ Israel got'ı̨į̀ agı̨ı̨t'e-le sìı gota eghàlaeda hǫt'e.

Galatıa 5:6

Zezì-Krı gogha ehkw'ı-ahodı nı̨dè nàgoet'àa, nàgoet'à-le, ehk'ę̀ę̀ gogha wet'àaɂà-le. Edaxàts'eedè ha, gogha ehkw'ı-ahodıı eyı zǫ gogha wet'àaɂà hǫt'e, eyıts'ǫ ełeghǫnets'eètǫ sìı dǫ yek'èezǫ ats'ehɂı̨ hǫt'e.

Phılıppı 2:22

Hanìkò Tımothy ededı̨ sìı hòtł'ò eghàlaı̨dà, wek'èahsǫ hǫt'e. Seza lanì eyıts'ǫ sı̨ wetà laht'e, hanì t'à ełexè eghàladıìda, godı nezı̨ı̨ t'à dǫ xè gots'ado.