Zezì Wecheekeèdeè 16:2 - Nǫ̀htsı̨ Nı̨htł'è

² Kǫ̀ta Lystra eyıts'ǫ kǫ̀ta Iconıum gots'ǫ Nǫ̀htsı̨ wecheekeè Tımothy ghǫ nezı̨į̀ gogede.

Zezì Wecheekeèdeè 16:2 ပူးပေါင်းရင်းမြစ်များ

Zezì Wecheekeèdeè 1:15

Ekìıyeè k'e Peter dǫ gıgha ehkw'ı-ahodıı sìı gots'ǫ̀ gode ha gota nàwo. (Dǫ ı̨łèakw'eènǫ-daats'ǫ̀-naènǫ haàtłǫǫ goyìı geèhkw'e.)

Zezì Wecheekeèdeè 13:51

Dǫ gots'ǫ̀ ehkw'ı eghàlagı̨ı̨dà-le weghàà edek'ègeezǫ ha t'à, Paul eyıts'ǫ Barnabas edekètł'a ehtł'è whìle agį̀į̀là. Eyı tł'axǫǫ̀ kǫ̀godeè Iconıum ts'ǫ̀ geède.

Zezì Wecheekeèdeè 14:1

Iconıum ekǫ Paul eyıts'ǫ Barnabas Israel got'ı̨į̀ gıts'ǫ ełègehdèe-kǫ̀ ts'ǫ̀ agejà, t'aats'ǫǫ̀ hagıat'į̀ k'ę̀ę̀. Ekǫ nezı̨į̀ dǫ ts'ǫ̀ gogı̨ı̨de t'à, Israel got'ı̨į̀ łǫ eyıts'ǫ dǫ eyıì-le xàɂaa łǫ, gıgha ehkw'ı-ahodıì agejà.

Zezì Wecheekeèdeè 14:21

Kǫ̀ta Derbe godı nezı̨ı̨ t'à dǫ hoghàgogeèhtǫ, dǫ łǫ gıgha ehkw'ı-ahodıì agejà. Eyı tł'axǫǫ̀ kǫ̀ta Lystra, Iconıum eyıts'ǫ Antıoch ts'ǫ̀ anagejà.

Zezì Wecheekeèdeè 14:6

Hanìkò Zezì wecheekeèdeè egıìkw'o t'à Lyconıa nèk'e ts'ǫ̀ agejà. Ekǫ kǫ̀godeè Lystra, Derbe eyıts'ǫ wemǫǫ̀ kǫ̀ta yàgòlaa sìı ı̨łaà godı nezı̨ı̨ t'à dǫ hoghàgogeehtǫ.

Zezì Wecheekeèdeè 16:40

Paul eyıts'ǫ Sılas dǫ-danìı̨laa-kǫ̀ gots'ǫ xàgeède tł'axǫǫ̀ Lydıa wekǫ̀ ts'ǫ̀ t'akwełǫ̀ǫ̀ agejà. Ekǫ Nǫ̀htsı̨ wecheekeè xè gıakw'è. Yatı nezı̨ı̨ t'à nàgetsoò agogį̀į̀là tł'axǫǫ̀ nageèhde.

Zezì Wecheekeèdeè 6:3

Sèot'ı̨ı̨, amìı Yedàyeh Nezı̨ı̨ gıts'ǫ̀-èlı̨ı̨ sìı eyıts'ǫ gogı̨ı̨zǫǫ sìı naxıta gots'ǫ dǫ łǫ̀hdı̨ ààhchı. Eyı la gıtł'aà wheɂǫǫ̀ aahłe.

Phılıppı 2:22

Hanìkò Tımothy ededı̨ sìı hòtł'ò eghàlaı̨dà, wek'èahsǫ hǫt'e. Seza lanì eyıts'ǫ sı̨ wetà laht'e, hanì t'à ełexè eghàladıìda, godı nezı̨ı̨ t'à dǫ xè gots'ado.

1 Tımothy 3:7

Dǫ gıgha ehkw'ı-ahodı-le sìı gıghǫ nezı̨į̀ agı̨ı̨wǫ ha hǫt'e. Hanì-le-ı̨dè edahxǫ godı nezı̨-le t'à gıghǫ gode t'à, wehłı̨ı̨ yedaèt'è ha sǫnı.

1 Tımothy 5:10

eyıts'ǫ dǫ ts'ǫ̀ nezı̨į̀ eghàlageeda gha gık'èhoedzǫ nı̨dè, nezı̨į̀ chekoa geèhsǫ nı̨dè, wekǫ̀ dǫ gha enìxànı̨ı̨tǫ nı̨dè, gıdzeè nezı̨ı̨ xè Nǫ̀htsı̨ wets'ǫ dǫ gha eghàlageeda nı̨dè, dǫ gıgha hoìlaa sìı ts'àgedıı, eyıts'ǫ gınì nàtso xè t'aats'ǫǫ̀ dǫ ts'ǫ̀ nezı̨į̀ eghàlageeda nı̨dè, gıızì dek'eèhtł'è ha hǫt'e.

1 Tımothy 5:25

Eyı xèht'eè, Nǫ̀htsı̨ gha nezı̨į̀ eghàlats'ı̨ı̨dà nı̨dè hoɂıì wègaat'ı̨ ha hǫt'e, ekò goılaà mǫ̀hdaa hoɂıì wègaat'ı̨-le kò wek'èhoedzǫǫ̀ adle ha hǫt'e.

2 Tımothy 3:11

Dànì sexè hoìla xè dasegį̀ı̨hɂa, eyıts'ǫ kǫ̀ta Antıoch, kǫ̀ta Iconıum eyıts'ǫ kǫ̀ta Lystra eyı hazǫǫ̀ sexè hagòjàa sìı hazǫǫ̀ wek'èı̨zǫ hǫt'e. Hanìkò gots'ǫ̀ K'àowo sìı eyı hazǫǫ̀ ch'à edaxàseèhtı̨.

2 Tımothy 3:15

Chekoa nechà-lea nelı̨ gots'ǫ Nǫ̀htsı̨ Nı̨htł'è k'èı̨zǫ hǫt'e. Eyı yatı t'à gonezǫǫ̀ anejà, eyıts'ǫ Zezì-Krı negha ehkw'ı-ahodıı sìı wet'à edaxàneetè ha hǫt'e.

Hebrew 11:2

T'akwe whaà gocho hanì gıgha ehkw'ı-ahodı t'à Nǫ̀htsı̨ goghǫ nezı̨į̀ xàyaı̨htı ı̨lè.