Zezì Wecheekeèdeè 15:3 - Nǫ̀htsı̨ Nı̨htł'è

³ Nǫ̀htsı̨ wecheekeè ekǫ ts'ǫ̀ gogeèhɂà. Phoenıcıa nèk'e eyıts'ǫ Samarıa nèk'e gok'egı̨į̀de ekò dànì dǫ eyıì-le xàɂaa Nǫ̀htsı̨ ts'ǫ̀ agejàa sìı ghǫ goxè gogedo. Eyıt'à Nǫ̀htsı̨ wecheekeè hazǫǫ̀ sıì gınà dìì.

Zezì Wecheekeèdeè 15:3 ပူးပေါင်းရင်းမြစ်များ

Luke 15:32

Goınà xè sǫts'ı̨ı̨wǫ ha t'ıį̀t'e. Nechı wewhìle ı̨lè, hanìkò dıì edaà anajà. Dıkǫehtła ı̨lè, hanìkò dıì wenagòt'ǫ,’ yèhdı,” Zezì hadıì goxè godo.

Zezì Wecheekeèdeè 1:15

Ekìıyeè k'e Peter dǫ gıgha ehkw'ı-ahodıı sìı gots'ǫ̀ gode ha gota nàwo. (Dǫ ı̨łèakw'eènǫ-daats'ǫ̀-naènǫ haàtłǫǫ goyìı geèhkw'e.)

Zezì Wecheekeèdeè 13:48

Dǫ eyıì-le xàɂaa eyı nàgeèhzaa sìı hagedı egıìkw'o ekò sıì gınà ahodı eyıts'ǫ gots'ǫ̀ K'àowo weyatıì ghǫ nezı̨į̀ agedı. Dǫ hazǫǫ̀ welǫ whìle ts'ǫ̀ geeda ha Nǫ̀htsı̨ goghàhòı̨ɂǫǫ sìı hazǫǫ̀ gıgha ehkw'ı-ahodı.

Zezì Wecheekeèdeè 13:52

Hanìkò Nǫ̀htsı̨ wecheekeè kǫ̀ta Pısıdıan-Antıoch nàgedèe sìı sıì gınà xè Yedàyeh Nezı̨ı̨ t'à nàgetsoò agejà.

Zezì Wecheekeèdeè 14:27

Kǫ̀godeè Antıoch nègı̨ı̨ɂe ekò Nǫ̀htsı̨ wecheekeè hazǫǫ̀ xè ełegıadì. Nǫ̀htsı̨ dànì goxè eghàlaı̨dà eyıts'ǫ dànì Nǫ̀htsı̨ dǫ eyıì-le xàɂaa gınì nàtsoò agǫ̀ǫ̀làa sìı hazǫǫ̀ gots'ǫ̀ hagedı.

Zezì Wecheekeèdeè 15:1

Dǫ mǫ̀hdaa Judea nèk'e gots'ǫ kǫ̀ta Antıoch nègı̨ı̨de. Eyı dǫ nìı̨dee sìı Nǫ̀htsı̨ wecheekeè hoghàgogeehtǫ, hagògedı, “Moses wenàowoò k'ę̀ę̀ naxıkwǫ̀ k'e nàt'à-le nı̨dè edaxàahdè ha dìì,” gògedı.

Zezì Wecheekeèdeè 15:12

Barnabas eyıts'ǫ Paul gogede ekò dǫ hazǫǫ̀ ełèwhedee sìı ts'èwhı̨į̀ egeèhkw'ǫ. Dànì Nǫ̀htsı̨ gots'àı̨dì t'à dǫ eyıì-le xàɂaa gha enıìyah hogèhtsı̨ı̨ sìı ghǫ gıìkw'o.

Zezì Wecheekeèdeè 15:22

Eyıt'à Zezì wecheekeèdeè, k'aodèe gı̨ı̨lı̨ı̨ eyıts'ǫ Nǫ̀htsı̨ wecheekeè hazǫǫ̀ Paul eyıts'ǫ Barnabas gıxè dǫ kǫ̀ta Antıoch ts'ǫ̀ gogeehɂà ha dǫ mǫ̀hdaa gìhchı ha gı̨ı̨wǫ. Eyıt'à Zhıdàà (Barsabas sı wìyeh) eyıts'ǫ Sılas sı gį̀į̀hchì. Eyı dǫ nàke gogha k'aodèe gı̨ı̨lı̨ı̨ hǫt'e.

Zezì Wecheekeèdeè 15:32

Zhıdàà eyıts'ǫ Sılas ededı̨ nakwenàoɂǫǫ gı̨ı̨lı̨ t'à dǫ gınì nàtso ha nezı̨į̀ gots'ǫ̀ gogı̨ı̨de.

Zezì Wecheekeèdeè 15:4

Jerusalem nègı̨ı̨de ekò Zezì wecheekeèdeè, Nǫ̀htsı̨ wecheekeè eyıts'ǫ gogha k'aodèe gı̨ı̨lı̨ı̨ sìı gınà xè goxè ełègede. Paul eyıts'ǫ Barnabas dànì Nǫ̀htsı̨ goxè eghàlaı̨dàa sìı hazǫǫ̀ gots'ǫ̀ hagedı.

Zezì Wecheekeèdeè 17:15

Dǫ Paul xè agejàa sìı kǫ̀godeè Athens ts'ǫ̀ geèhchì. Eyı dǫ ek'èt'à nageedè kwe, Paul, edecheekeè Sılas eyıts'ǫ Tımothy godanatı̨ı̨ɂǫ, ı̨whąą̀ sets'ǫ̀ aahde nǫǫ̀, gòhdı.

Zezì Wecheekeèdeè 20:38

K'achı̨ seahɂį̀ ha-le gòhdı t'à gıgha dìì. Elàcho ts'ǫ̀ gık'èè goòhwho.

Zezì Wecheekeèdeè 21:5

K'achı̨ nats'eeɂè ha nìkw'o ekò Nǫ̀htsı̨ wecheekeè, gıts'èkeè eyıts'ǫ gıza goxè tabàa ts'ǫ̀ geède. Tabàa nàgòts'ı̨ı̨hgè gà gıxè yats'ı̨ı̨htı.

Zezì Wecheekeèdeè 28:15

Nǫ̀htsı̨ wecheekeè Rome nàgedèe sìı gıts'ǫ̀ ts'adè goghǫ gıìkw'o. Dǫ mǫ̀hdaa gots'ǫ̀ agede ha gı̨ı̨wǫ t'à kǫ̀ta Appıus gòyeh ts'ǫ̀ agejà, eyıts'ǫ mǫ̀hdaa Nats'eetee-kǫ̀ Taı gòyeh ts'ǫ̀ nègı̨ı̨de. Paul eyı dǫ goaɂı̨ ekò wınì nàtsoò anajà t'à Nǫ̀htsı̨ ts'ǫ̀ masì dı.

Zezì Wecheekeèdeè 8:14

Samarıa got'ı̨į̀ Nǫ̀htsı̨ yatıì gıgha ehkw'ı-ahodıì agòjàa Zezì wecheekeèdeè Jerusalem geèhkw'ee sìı eyı godı gıìkw'o ekò Peter eyıts'ǫ John gots'ǫ̀ gogeèhɂà.

Rome 15:24

Spaın nèk'e ts'ǫ̀ dehtła nı̨dè, naxık'eèhtła ha dehwhǫ. Hanì-ı̨dè whaà-lea ts'ǫ̀ naxıgà-ıhdà tł'axǫǫ̀-ı̨dè Spaın nèk'e ts'ǫ̀ ahde gha sets'àahdı ha dìì-le.

1 Corınth 16:11

Naxıta gots'ǫ dǫ wı̨ı̨zìı t'asìı elı̨-le yı̨ı̨hwhǫ sǫ̀ǫ̀. Ts'èwhı̨į̀ sets'ǫ̀ naweahɂà nǫǫ̀. Hanì-ı̨dè dǫ gıxè eghàlageeda xè wexaehłı ha.

1 Corınth 16:6

Whaà-lea ts'ǫ̀ naxıxè aht'e ha, hanì-le-ı̨dè xo ghàà naxıxè aht'e ha tahkò. Hanì-ı̨dè t'asį̀ı̨ ahde ha nı̨dè t'asìı t'à sets'àahdı ha dìì-le.

2 Corınth 1:16

Macedonıa nèk'e ts'ǫ̀ dehtła nı̨dè naxıts'àhtła ha dehwhǫ ı̨lè eyıts'ǫ Macedonıa nèk'e gots'ǫ ek'èt'à naehtła nı̨dè k'achı̨ naxıts'àhtła ha dehwhǫ ı̨lè. Hanì-ı̨dè naxı̨ Judea nèk'e ts'ǫ̀ aseahłe ha ı̨lè.

Tıtus 3:13

Zenas dǫ-k'edaedıı-dǫǫ̀ eyıts'ǫ Apollos kǫ̀ta eyıì-le gòlaa ts'ǫ̀ geedè gha t'asìı hazǫǫ̀ t'à gıts'àahdı nǫǫ̀.