Zezì Wecheekeèdeè 14:9 - Nǫ̀htsı̨ Nı̨htł'è

⁹ Paul gode ekò eyı dǫ yeèhkw'ǫ. Paul hotıì yeghàeda, k'aàt'ıì ade ha wınì nàtsoo yek'èezǫ,

Zezì Wecheekeèdeè 14:9 ပူးပေါင်းရင်းမြစ်များ

Zezì Wecheekeèdeè 3:4

Peter eyıts'ǫ John hotıì gıghàeda. Peter hadı, “Hotıì goghàı̨da,” yèhdı.

Matthew 15:28

Zezì yets'ǫ̀ hadı, “Ts'èko, sıì negha ehkw'ı-ahodı! Ayìı sı̨ı̨kèe sìı neghǫ̀t'à ha,” yèhdı. Eyıt'à ekòet'ıì wetì k'aàt'ıì ajà.

Mark 10:52

Zezì yets'ǫ̀ hadı, “Naı̨tłe! Negha ehkw'ı-ahodı t'à k'aàt'ıì anejà,” yèhdı. Ekòet'ıì k'eet'į̀ ajà eyıts'ǫ Zezì k'èè naèhtła.

Mark 2:5

Zezì eyı dǫ gıgha ehkw'ı-ahodı gok'èezǫ t'à dǫ wekw'ǫǫ̀ ełaı̨dèe ts'ǫ̀ hadı, “Àgı̨ą, nehołı̨į̀ neghǫ nahoazha,” yèhdı.

Matthew 13:58

Dǫ gıgha ehkw'ı-ahodı-le t'à, ekǫ enıìyah łǫ hòèhtsı̨-le.

Matthew 9:22

Zezì yets'ǫ̀ ets'aèhtła, yaɂı̨ t'à hayèhdı, “Ts'èko, nedzeè t'à nınà welè. Negha ehkw'ı-ahodı t'à k'aàt'ıì anejà,” yèhdı. Eyı ts'èko ekòet'ıì k'aàt'ıì ajà.

Matthew 8:10

Zezì eyı k'àowo dàdıı sìı yıìkw'o ekò sıì wegha enıìyah dìì. Dǫ łǫ yek'èè k'edèe sìı ts'ǫ̀ hadı, “Ehkw'ı anaxèehsı̨, Israel nèk'e dǫ wınì hanànıhtso ghǫ eèhkw'o whìle.

Mark 8:25

K'achı̨ Zezì edılà eyı dǫ wedaà k'e ayı̨į̀là. Ekòet'ıì wedaà k'aàt'ıì ajà eyıts'ǫ nezı̨į̀ t'asìı hazǫǫ̀ ghàedaà ajà.

Zezì Wecheekeèdeè 10:4

Cornelıus yaɂı̨ t'à, sıì dèhyeh. “Sets'ǫ̀ K'àowo, ayìı ghǫ aı̨dı?” yèhdı. Yak'eet'ı̨į̀ yets'ǫ̀ hadı, “T'aats'ǫǫ̀ Nǫ̀htsı̨ ts'ǫ̀ xàyaı̨htı eyıts'ǫ dǫ-teèt'ı̨ı̨ ts'ànedı t'à Nǫ̀htsı̨ nenadì.