Zezì Wecheekeèdeè 13:6 - Nǫ̀htsı̨ Nı̨htł'è

⁶ Eyı dı hazǫǫ̀ k'e k'egıadèe tł'axǫǫ̀ kǫ̀ta Paphos ts'ǫ̀ agejà. Ekǫ Israel got'ı̨į̀ ı̨łè Bar-Zezu wìyeh (Elımas sı wìyeh) gıaɂı̨. Nakwenàoɂǫǫ ehkw'ı adı-le xè ı̨k'ǫǫ̀-elı̨ı̨ hǫt'e.

Zezì Wecheekeèdeè 13:6 ပူးပေါင်းရင်းမြစ်များ

Matthew 16:17

Zezì yets'ǫ̀ hadı, “Jonah weza Sımon nexè sìghà hǫt'e. Dǫ dahxà eyı wek'èı̨zǫ nıìle, hanìkò Setà yak'e whedaa sìı wedahxà wek'èı̨zǫ hǫt'e.

Matthew 24:24

Dǫ mǫ̀hdaa hogets'ì t'à dıı hagedı ha, ‘Chrıst aht'e,’ hanì-le-ı̨dè ‘Nakwenàoɂǫǫ aht'e,’ hagedı xè enıìyah nechàa hogehtsı̨ ha. Dǫ ghǫdageehnè ha dìì-le nı̨dè Nǫ̀htsı̨ dǫ gòį̀hchìı sìı eyı kò goghǫdageehnè ha.

Matthew 7:15

“Nakwenàoɂǫǫ ehkw'ı gogede-le sìı gıxoahdı. Sahzǫ̀ą nezı̨ı̨ degeetsı̨, hanìkò dìga wets'àhoejı̨ı̨ lagı̨ı̨t'e.

Mark 10:46

Ekìıyeè k'e kǫ̀ta Jerıcho nègı̨ı̨de. Zezì eyıts'ǫ wecheekeè eyı kǫ̀ta ts'ǫǫ̀ nageèhde ekò dǫ łǫ gok'èè geède. Dǫ wedaà goìlee Bartımaeus wìyeh sìı tı̨lıbàa wheda xè t'asìı gha nàdaetì. (“Bartımaeus” gedı nı̨dè “Tımaeus weza” gedıì-agedı.)

Zezì Wecheekeèdeè 13:13

Paul eyıts'ǫ dǫ yexè aget'ı̨ı̨ sìı kǫ̀ta Paphos gots'ǫ Pamphylıa nèk'e kǫ̀ta Perga ts'ǫ̀ geèɂe. Ekǫ John-Mark gots'ǫǫ̀ naèhtła, Jerusalem ts'ǫ̀ anajà.

Zezì Wecheekeèdeè 13:8

Hanìkò Elımas, ı̨k'ǫǫ̀-elı̨ı̨-dǫǫ̀ (eyı k'ę̀ę̀ wıızì wheɂǫǫ) sìı, k'àowo wegha ehkw'ı-ahodı ha-le nıwǫ t'à, gok'èch'a xàyaı̨htı.

2 Corınth 11:13

Hanıı dǫ sìı ehkw'ı dǫ hoghàgogeehtǫ nıìle, eghǫyageeɂàa-dǫǫ̀ agı̨ı̨t'e, Zezì-Krı wecheekeèdeè edegeetsı̨ hǫt'e.

2 Tımothy 3:8

Jannes eyıts'ǫ Jamber lagı̨ı̨t'e. Įnę̀ę whaà eyı dǫ nàke Moses k'èch'a gogı̨ı̨de ı̨lè, eyıts'ǫ nàowo ehkw'ıı k'èch'a eghàlagı̨ı̨dà ı̨lè. Hanıı dǫ edınìłı̨ı̨ k'ę̀ę̀ nànıgedèe sìı Zezì-Krı gıgha ehkw'ı-ahodı-le t'à Nǫ̀htsı̨ sìı gıdę agǫ̀ǫ̀là.

1 John 4:1

Seàgı̨ą, ı̨nì hazǫǫ̀ naxıgha ehkw'ı agııdì-le, hanìkò ı̨nì hazǫǫ̀ gıyatıì t'à gıahdzà, asį̀į̀ Nǫ̀htsı̨ wets'ǫ agı̨ı̨t'e lì. Nakwenàoɂǫǫ ehkw'ı gogede-le łǫ dıı nèk'e dǫ ta gį̀ı̨de hǫt'e, eyıt'à, hotıì gıyatıì xoahdı.

John Wenazhıı 19:20

Hanìkò tıts'aàdìı nechàa dagıachì eyıts'ǫ wets'ǫ nakwenàoɂǫǫ ehkw'ı gode-le sìı eyı sı dagıachì. Eyı nakwenàoɂǫǫ sìı tıts'aàdìı nechàa dahxà enıìyah hòèhtsı̨ t'à dǫ łǫ tıts'aàdìı nechàa wıızì gık'e wheɂǫǫ eyıts'ǫ kwe wek'ę̀ę̀ hòèlı̨ ts'ǫ̀ nàgògı̨ı̨hgèe sìı ts'ıɂǫ̀ geèdeè agǫ̀ǫ̀là. Eyı tıts'aàdìı nechàa eyıts'ǫ wets'ǫ nakwenàoɂǫǫ-łı̨ı̨ ı̨łaà geeda et'ıì, kwe dèk'ǫ̀ǫ ta ts'ǫ̀ gogeèhde.