Zezì Wecheekeèdeè 12:9 - Nǫ̀htsı̨ Nı̨htł'è

⁹ Peter dǫ-danìı̨laa-kǫ̀ gots'ǫ yek'èè xàèhtła. Hanìkò yak'eet'ı̨į̀ xè dàgot'ı̨ı̨ sìı deghàà yenıedì-le, ekìı wenazhıı agot'ı̨ nıwǫ.

Zezì Wecheekeèdeè 12:9 ပူးပေါင်းရင်းမြစ်များ

Dànì Kèhoį̀wo 45:26

Edetà ts'ǫ̀ hagedı, “Joseph ı̨łaà eda! Egypt nèk'e gha k'àowo elı̨,” gıìhdı. Jacob wetł'ahk'eè agòjà t'à wegha ehkw'ı-ahodı-le.

Dànì Kèhoį̀wo 6:22

Noah, Nǫ̀htsı̨ t'ayèhdıı sìı hotıì yeyatıì k'ę̀ę̀ eghàlaı̨dà.

John 2:5

Zezì wemǫ dǫ eyı eghàlageedaa sìı ts'ǫ̀ hadı, “Ayìı dànaxèhdı sìı haahłe,” gòhdı.

Zezì Wecheekeèdeè 10:17

Peter wenazhıı dàgòjàa sìı ı̨łaà yeghǫ nànıwo ekò k'àowo Cornelıus dǫ ekǫ goèhɂà ı̨lèe sìı Sımon wekǫ̀ nègı̨ı̨de. Mǫ̀ht'a kwı̨į̀ gà nàgeèhza.

Zezì Wecheekeèdeè 10:3

Įłàà taı nìı̨ɂǫ ekò Cornelıus wenazhıı xègoèht'į̀. Yak'eet'ı̨į̀ yeghǫ nììtła yaɂı̨, yets'ǫ̀ hadı, “Cornelıus!” yèhdı.

Zezì Wecheekeèdeè 11:5

“Kǫ̀ta Joppa whıhda, yahtı ekò senazhıı xègoèht'į̀. Lìbalà nechàa lanı dèè k'e ts'ǫ̀ ajà weghàehda. Įdòo gots'ǫ, wedzıì dı̨ yats'ıtǫ̀ lanì sets'ǫ̀ ı̨zhıì ajà.

Zezì Wecheekeèdeè 12:8

Yak'eet'ı̨į̀ yets'ǫ̀ hadı, “Negoht'ǫǫ̀ yìı̨tła eyıts'ǫ nekè yìı̨tà.” Eyıt'à Peter hajà. Eyıts'ǫ yak'eet'ı̨į̀ hayèhdı, “Neɂeè edek'e nìı̨ɂa gà sek'èı̨tła,” yèhdı.

Zezì Wecheekeèdeè 26:19

“Eyıt'à k'àowocho, yak'e gots'ǫ senazhıı hagòjàa sìı wek'èɂaeht'è hǫt'e.

Zezì Wecheekeèdeè 9:10

Damaskus ekǫ Nǫ̀htsı̨ wecheekeè ı̨łè nàdè, Ananıas wìyeh. Gots'ǫ̀ K'àowo wenazhıı wègoèht'į̀ xè yets'ǫ̀ gode, “Ananıas!” yèhdı. “Hęɂę, sets'ǫ̀ K'àowo, neèhkw'ǫ,” Ananıas yèhdı.

Hebrew 11:8

Abraham Nǫ̀htsı̨ nǫǫde nı̨dè dèè eyıì-le yeghàɂà ha sìı ekǫ ts'ǫ̀ aąde yèhdı yets'ǫ̀ goı̨de ekò Abraham wegha ehkw'ı-ahodı ı̨lè. Edı̨į̀ ts'ǫ̀ at'ı̨ı̨ sìı yek'èezǫ-le kò Nǫ̀htsı̨ k'èı̨t'e ts'ıhɂǫ̀ ekǫ ts'ǫ̀ ajà ı̨lè.