Zezì Wecheekeèdeè 10:7 - Nǫ̀htsı̨ Nı̨htł'è

⁷ Yak'eet'ı̨į̀ yets'ǫǫ̀ ajà tł'axǫǫ̀ Cornelıus edecheekeè nàke gokagoı̨de, eyıts'ǫ eghǫǫ-dǫǫ̀ ı̨łè yegha eghàlaedaa sìı Nǫ̀htsı̨ ghǫ hòtł'ò anıwǫ, eyı sı ts'ǫ̀ goı̨de.

Zezì Wecheekeèdeè 10:7 ပူးပေါင်းရင်းမြစ်များ

Dànì Kèhoį̀wo 24:52

Dàgedıı sìı Abraham wecheekeè goìkw'o ekò (masì nıwǫ t'à) gots'ǫ̀ K'àowo ts'ǫ̀ nàgòı̨hgè.

Matthew 2:13

K'àowo taı nageèhde tł'axǫǫ̀ Joseph nàwhetı̨, yak'eet'ı̨į̀ wets'ǫ̀ wègoèht'į̀. Yak'eet'ı̨į̀ yets'ǫ̀ hadı, “Nıį̀tła! Bebìa, wemǫ xè Egypt nèk'e ts'ǫ̀ kwı̨ahdè. Nets'ǫ̀ haehsı̨ gots'ǫ̀ ekǫ nàahdè. K'àowocho Herod eyı bebìa ełaàhwhı ha nıwǫ t'à yehak'eèt'į̀,” yèhdı.

Luke 2:25

Ekìıyeè k'e eneèko ı̨łè Jerusalem nàdè ı̨lè, Sımeyon wìyeh. Nǫ̀htsı̨ ghàdìtı̨ xè ehkw'ı eda hǫt'e. Israel got'ı̨į̀ Edaxàgolee elı̨ı̨ sìı danaèhɂı̨ ı̨lè eyıts'ǫ Yedàyeh Nezı̨ı̨ wets'ǫ̀-èlı̨.

Luke 3:14

Eghǫǫ-dǫǫ̀, ededı̨ sı, John-Baptıst dageehke: “Ekò goxı̨ ayìı dàts'ele ha?” gıìhdı. Hagòhdı, “Sǫǫ̀mba gha dǫ k'alaahdè-le, eyıts'ǫ hoahts'ì t'à dǫ k'e nìdahoahɂà-le. Sǫǫ̀mba naxıts'àɂeedìı sìı eyı weghǫ hòt'a masì dahwhǫ,” gòhdı.

Zezì Wecheekeèdeè 10:6

Sımon ewò-sıìhɂı̨ı̨-dǫǫ̀ xè nàdè, wekǫ̀ tıchobàa gà gòɂǫ hǫt'e,” yèhdı.

Zezì Wecheekeèdeè 10:8

Yak'eet'ı̨į̀ dàyèhdıı sìı hazǫǫ̀ gots'ǫ̀ hadı, eyı tł'axǫǫ̀ kǫ̀ta Joppa ts'ǫ̀ goèhɂà.

1 Tımothy 6:2

K'àowo gı̨ı̨lı̨ı̨ eyıts'ǫ gıcheekeè į̀łah gıgha ehkw'ı-ahodı t'à ełèot'ı̨ agı̨ı̨t'e. Gıcheekeè gı̨ı̨lı̨ı̨ sìı dek'aɂį̀ gots'ǫ̀ nageɂa ha-le, hanìkò dǫ got'à hogeehwhıı sìı gıgha ehkw'ı-ahodı xè goghǫnegeètǫ agı̨ı̨t'e t'à denahk'e hòtł'ò gıgha eghàlageeda ha hǫt'e. Gıcheekeè gı̨ı̨lı̨ı̨ sìı eyı nàowo hoghàgı̨ı̨htǫ welì eyıts'ǫ hotıì weghàà aahda gìı̨dı.

Phılemon 1:16

Dıì sìı negha eghàlaedaa dǫǫ̀ zǫ elı̨ nıìle. Į̀le, negha eghàlaedaa dǫǫ̀ nahk'e nechı lanì sıì weghǫneę̀tǫ ha. Weghǫneehtǫ hǫt'e, hanìkò nı̨ denahk'e weghǫneę̀tǫ aąde ha. Negha nezı̨į̀ eghàlaedaa dǫǫ̀ elı̨ t'à eyıts'ǫ gots'ǫ̀ K'àowo wıızì dahxà nèot'ı̨ elı̨ t'à weghǫneę̀tǫ ha.