Rome 9:7 - Nǫ̀htsı̨ Nı̨htł'è

⁷ Eyıts'ǫ Abraham wets'ıhɂǫ̀ǫ-dǫǫ̀ gı̨ı̨lı̨ı̨ sìı hazǫǫ̀ Abraham weza gha gııtà nıìle. Hanìkò Nǫ̀htsı̨ Abraham xè yatı whehtsı̨ ekò dıı hadı ı̨lè, “Isaac wets'ıhɂǫ̀ǫ-dǫǫ̀ ededı̨ zǫ nets'ıhɂǫ̀ǫ-dǫǫ̀ gha gııtà ha,” Nǫ̀htsı̨ Abraham ts'ǫ̀ hadı ı̨lè.

Rome 9:7 ပူးပေါင်းရင်းမြစ်များ

Dànì Kèhoį̀wo 21:12

Hanìkò Nǫ̀htsı̨ yets'ǫ̀ hadı, “Eyı cheko eyıts'ǫ ts'èko negha eghàlaedaa sìı gıghǫ nànınewo-le. Nezaa Isaac ededı̨ wet'ǫ̀ǫ̀ nets'ıhɂǫ̀ǫ-dǫǫ̀ gǫ̀hłı̨ ha, eyıt'à Sarah dànèhdıı sìı k'èanet'e.

Matthew 3:9

‘Abraham gotà hǫt'e,’ dahdı t'à, naxıxè t'asagode ha-le dahwhǫ nì? Nǫ̀htsı̨ sìı jǫ kwe whela t'à Abraham gha chekoa ehtsı̨ ha dìì nıìle.

Luke 16:30

“Hanìkò Abraham ts'ǫ̀ hadı, ‘Į̀le setà, hanì ha dìì, hanìkò dǫ ełaı̨wo gots'ǫ naìdàa sìı gots'ǫ̀ gode nı̨dè gık'èı̨t'e ha ne,’ yèhdı.

Luke 3:8

Edek'eahłı̨ nı̨dè wek'ę̀ę̀ eghàlaahda. ‘Abraham gotà hǫt'e,’ dahdı-le. Nǫ̀htsı̨ sìı jǫ kwe whelaa t'à Abraham gha chekoa ehtsı̨ wegha dìì nıìle.

John 8:33

Dǫ hagıìhdı, “Abraham wets'ıhɂǫ̀ǫ-dǫǫ̀ ats'ı̨ı̨t'e, dǫ wı̨ı̨zìı gots'ǫ̀ k'àowo gòı̨lè nıìle. Eyıt'à dànìghǫ, t'asìı wı̨ı̨zìı naxıts'ǫ̀ k'àowo ha nıìle, nı̨ı̨dı?” gıìhdı.

Galatıa 4:23

Ts'èko yegha eghàlaedaa gots'ǫ weza ne sìı dıı nèè gots'ǫ dǫ k'ę̀ę̀ wegǫ̀hłı̨ hǫt'e, ekò weza ı̨łè ts'èko edets'ǫ̀ k'àowo gots'ǫ ne sìı Nǫ̀htsı̨ Abraham xè yatı whehtsı̨ k'ę̀ę̀ wegǫ̀hłı̨ hǫt'e.

Galatıa 4:28

Sèot'ı̨ı̨, naxı̨ sìı Abraham weza Isaac laaht'e, wexèht'eè Nǫ̀htsı̨ weyatıì t'à naxıgǫ̀hłı̨ hǫt'e.

Phılıppı 3:3

Goxı̨ sìı hòt'a gokwǫ̀ nàat'a ı̨lè lanì, eyıts'ǫ Nǫ̀htsı̨ wets'ǫ Įnì Degaı wedahxà Nǫ̀htsı̨ ts'ǫ̀ yats'ehtı. Zezì-Krı weghàsǫts'eedı t'à, t'asìı deè ts'ı̨ı̨lı̨ı̨ sìı weghǫ xàhots'edì nıìle.

Hebrew 11:18

Nǫ̀htsı̨ “Isaac ededı̨ wet'à zǫ nets'ıhɂǫ̀ǫ-dǫǫ̀ agı̨ı̨t'e gha gııtà ha,” yèhdı kò, Abraham ı̨łaà ełaàyèhwhı ha ı̨lè.