Rome 9:4 - Nǫ̀htsı̨ Nı̨htł'è

⁴ Ededı̨ sìı xàè wets'ǫ dǫ gı̨ı̨lı̨ ha eyıts'ǫ xàè weza gı̨ı̨lı̨ ha Nǫ̀htsı̨ gòį̀hchì hǫt'e. Enıìyah t'à Gınǫ̀htsı̨ elı̨ı̨ sìı gık'èezǫǫ̀ agǫ̀ǫ̀là, goxè nakenawhehtsı̨, Moses wenàowoò goghàı̨ɂǫ, Nǫ̀htsı̨ ts'ǫ̀ yagehtı ha Nǫ̀htsı̨kǫ̀-gocho goghàyı̨ı̨ɂǫ, eyıts'ǫ edaxàgole ha edeyatıì goghàı̨ɂǫ ı̨lè.

Rome 9:4 ပူးပေါင်းရင်းမြစ်များ

Dànì Kèhoį̀wo 15:18

Ekò k'e gots'ǫ̀ K'àowo Abram xè nàowo nàtsoo whehtsı̨, hayèhdı, “Egypt nèk'e ts'ǫ̀ nıwà-le deh nıɂàa gots'ǫ, yeè dehcho Yufrates wìyeh ts'ǫ̀ dèè haı̨hcho nets'ıhɂǫ̀ǫ-dǫǫ̀ gıghàehɂǫ hǫt'e.

Dànì Kèhoį̀wo 17:10

Nàowo nàtsoo nı̨ nexè eyıts'ǫ netł'axǫǫ̀ nets'ıhɂǫ̀ǫ-dǫǫ̀ gıxè whehtsı̨ı̨ sìı dıı hanì wek'èaht'e ha: Naxıta dǫzhìı hazǫǫ̀ gıkwǫ̀ nàt'à ha hǫt'e.

Dànì Kèhoį̀wo 17:2

Nexè nàowo nàtsoo whıhtsı̨ı̨ sìı wek'ę̀ę̀ agodeè ahłe ha: Nets'ıhɂǫ̀ǫ-dǫǫ̀ łǫ gǫ̀hłı̨į̀ ahłe ha,” gots'ǫ̀ K'àowo yèhdı.

Dànì Kèhoį̀wo 17:7

Nexè nàowo nàtsoo whıhtsı̨ı̨ sìı welǫ whìle ts'ǫ̀ wheɂǫǫ̀ ahłe ha, eyıts'ǫ netł'axǫǫ̀ nets'ıhɂǫ̀ǫ-dǫǫ̀ gıxè wheɂǫ ha, eyıts'ǫ gıza xè wheɂǫǫ̀ ahłe ha. Nenǫ̀htsı̨ ehłı̨ ha, eyıts'ǫ netł'axǫǫ̀ nets'ıhɂǫ̀ǫ-dǫǫ̀ sı Gınǫ̀htsı̨ ehłı̨ ha.

Dànì Kèhoį̀wo 32:28

Eyı tł'axǫǫ̀ eyı dǫ hadı, “Jǫ gots'ǫ ı̨daà Jacob nìyeh ha-le, Israel nìyeh ha. Nǫ̀htsı̨ eyıts'ǫ dǫ k'anewo xè honeèhnǫ t'à hanìyeh ha,” yèhdı.

Matthew 21:33

“K'achı̨ godı eyıì-le t'à naxıxè gohdo ha: K'àowo ı̨łè ededèè k'e jìechots'ıì dehshe ha nèyı̨ı̨la. Eyı dèè wemǫǫ̀ kwe t'à kwı̨į̀ nawheɂaà ayį̀į̀là, jìecho tàtsǫgeèhɂee k'è gòhtsı̨ eyıts'ǫ wegodoo dǫ jìechots'ıì xoehdı ha dagòɂǫǫ k'è gòhtsı̨. Eyı haàtłǫǫ hayį̀į̀là tł'axǫǫ̀ dèè-k'ègedìı-dǫǫ̀ gık'e eghàlaeda ha ededèè goghǫnìyį̀ı̨ɂǫ, eyı tł'axǫǫ̀ nıwà kǫ̀taèhtła.

John 1:17

Nǫ̀htsı̨ sìı Moses wet'ǫ̀ǫ̀ nàowo wet'à ts'eedaa sìı gots'ǫ̀ ayį̀į̀là ı̨lè, hanìkò Zezì-Krı wets'ıhɂǫ̀ wesǫnıwǫ deè eyıts'ǫ nàowo ehkw'ıı gots'ǫ̀ ajà.

John 1:47

Zezì, Nathanael naetłe yaɂı̨ ekò yets'ǫ̀ hadı, “Dıı dǫ Israel got'ı̨į̀ wedeèdlı̨ı̨ elı̨ hǫt'e, eyıts'ǫ eghǫyats'eeɂàa wı̨ı̨zìı wets'ǫ̀-èlı̨-le,” Zezì yeghǫ hadı.

Zezì Wecheekeèdeè 2:39

Nǫ̀htsı̨ sìı naxıgha, naxıza gıgha, dǫ hazǫǫ̀ nıwà nàgedèe sìı gıgha, eyıts'ǫ t'aa Nǫ̀htsı̨ gokayahtı ha sìı hanì gogha yatı nìı̨ɂǫ hǫt'e,” gòhdı.

Rome 3:2

Eyı gıgha sıì wet'àaɂà hǫt'e! Nǫ̀htsı̨ weyatıì wedeèdlı̨ı̨ k'ègedì ha gıghǫ̀t'ǫ sìı deɂǫ̀ǫ̀ gıgha wet'àaɂà hǫt'e.

Rome 8:15

Įnì naxıts'ǫ̀ ajàa sìı naxınì dejı̨ ha anaxį̀į̀là nıìle, hanìkò Yedàyeh Nezı̨ı̨ naxık'e ajà t'à Nǫ̀htsı̨ weza aahłı̨ hǫt'e. Yedàyeh Nezı̨ı̨ wedahxà, “Abà, Setà,” ts'edı hǫt'e.

Rome 9:6

Nǫ̀htsı̨ weyatıì k'ę̀ę̀ agòjà-le ts'ı̨ı̨wǫ nı̨dè ehkw'ı ats'ı̨ı̨wǫ nıìle. Israel wets'ıhɂǫ̀ǫ-dǫǫ̀ gı̨ı̨lı̨ı̨ sìı hazǫǫ̀ Israel got'ı̨į̀ gha gııtà nıìle.

2 Corınth 11:22

Hebrew got'ı̨į̀ agı̨ı̨t'e ghǫ xàdahogedì nı̨dè sı̨ sı Hebrew got'ı̨į̀ aht'e. Israel got'ı̨į̀ agı̨ı̨t'e nì? Sı̨ sı Israel got'ı̨į̀ aht'e. Abraham wets'ıhɂǫ̀ǫ-dǫǫ̀ agı̨ı̨t'e nì? Sı̨ sı Abraham wets'ıhɂǫ̀ǫ-dǫǫ̀ aht'e hǫt'e.

Galatıa 3:16

Nǫ̀htsı̨, Abraham eyıts'ǫ wets'ıhɂǫ̀ǫ-dǫǫ̀ elı̨ı̨ sìı goxè sìghà ayele ha edeyatıì goghàı̨ɂǫ ı̨lè. Nǫ̀htsı̨ Nı̨htł'è k'e dıı hanì dek'eèhtł'è, “amìı wets'ıhɂǫ̀ǫ-dǫǫ̀ elı̨,” hadıı sìı dǫ łǫ ghǫ godeè-adı nıìle, hanìkò, “amìı wets'ıhɂǫ̀ǫ-dǫǫ̀ elı̨,” hadıı sìı dǫ ı̨łè zǫ ghǫ godeè-adı, eyı dǫ sìı Zezì-Krı hǫt'e.

Ephesus 2:12

Ekìıyeè k'e Zezì-Krı wets'ǫ̀ nıwà aaht'e ı̨lè, eyıts'ǫ Israel got'ı̨į̀ gha naxıtà-le ı̨lè, eyı wenaahdì. Eyıt'à ekìıyeè k'e Nǫ̀htsı̨ edets'ǫ dǫ xè nakenawhehtsı̨ı̨ sìı naxıgha ayį̀į̀là-le ı̨lè. Naxıgha ahxe whìle ı̨lè, eyıts'ǫ dıı nèk'e Nǫ̀htsı̨ wedę aahda ı̨lè.

Hebrew 9:1

T'akwełǫ̀ǫ̀ nakenahòdlı̨ı̨ sìı dànì Nǫ̀htsı̨ ts'ǫ̀ yats'ehtı ha, eyıts'ǫ dıı nèk'e dànì Nǫ̀htsı̨ gha degaı k'è gòɂǫǫ hołè ha, eyı hazǫǫ̀ gha nàowo dek'eèhtł'è ı̨lè hǫt'e.

Hebrew 9:10

Eyı nàowo t'à gıat'į̀ı̨ sìı t'asìı weghǫ shèts'ezhee, t'asìı ts'edǫ eyıts'ǫ edenàowoò k'ę̀ę̀ edek'enagehtse hanıı zǫ t'à agıat'į̀ ı̨lè. Nǫ̀htsı̨ nàowogòò goxè whehtsı̨ gots'ǫ̀ edezhį̀į̀ gha eyıts'ǫ edılà t'à hanì zǫ eghàlageeda ha dìì-le ı̨lè.

Hebrew 9:3

Eyıts'ǫ enìı̨t'ı weɂı̨į̀ nàke k'è gòɂǫǫ sìı Denahk'e Degaı K'è gòyeh.

Hebrew 9:5

Eyı sǫǫ̀mba ladzè wegodoo sìı Nǫ̀htsı̨ weyak'eet'ı̨į̀ hòèlı̨ı̨ nàke weghǫhk'eè nàgewo. Dǫ gıhołı̨į̀ k'èxa eyı ladzè weka edoò agehɂı̨ı̨ sìı wegodoo yak'eet'ı̨į̀ gı̨ı̨ts'ǫǫ̀ ełèedì. Hanìkò dıì sìı eyı hazǫǫ̀ wek'ayats'ehtı ha dìì.

Hebrew 9:6

T'asìı hazǫǫ̀ hanì sınìhogį̀ı̨ɂǫ tł'axǫǫ̀ yahtıı ets'ǫdaa gòɂǫǫ goyìı edılaà ghàlageeda ha, dzę taàt'eè goyageedè.