Rome 9:32 - Nǫ̀htsı̨ Nı̨htł'è

³² Dànìghǫ ehkw'ıì agede ha dìì? Moses wenàowoò k'ègedì wet'ǫ̀ǫ̀ ehkw'ıì agede ha gı̨ı̨wǫ ı̨lè, hanìkò Nǫ̀htsı̨ gıgha ehkw'ı-ahodı-le t'à ehkw'ıì agede ha dìì. “Kwe wek'edats'ıìtàa” sìı wetegeètł'ıì lagejà.

Rome 9:32 ပူးပေါင်းရင်းမြစ်များ

Matthew 13:57

Weghǫ gık'èch'a agòjà. Eyıt'à Zezì gots'ǫ̀ hadı, “Nakwenàoɂǫǫ sìı wekǫ̀ta gots'ǫ dǫ eyıts'ǫ xàè wèot'ı̨ zǫ dǫ gìt'ı̨ nıìle,” gòhdı.

Luke 2:34

Sımeyon gok'eèyaı̨htı tł'axǫǫ̀ wemǫ Mary ts'ǫ̀ hadı, “Dıı chekoa wet'à Israel got'ı̨į̀ łǫ gıdıhołè ha eyıts'ǫ dǫ łǫ edaxàgole gha, dıı chekoa wììchı hǫt'e. Dǫ nadąą̀ t'asìı enıìyah elı̨ ha, hanìkò dǫ gık'èch'a agedı ha.

Luke 7:23

Amìı wek'èch'a aht'ı̨-le sìı wexè sìghà hǫt'e,” Zezì gòhdı.

Rome 10:3

Dànì Nǫ̀htsı̨ ehkw'ı agohɂį̀ı̨ sìı gık'èezǫ-le, hanìkò edek'ę̀ę̀ ehkw'ıì agede ha gı̨ı̨wǫ. Eyı ts'ıhɂǫ̀ Nǫ̀htsı̨ wek'ę̀ę̀ ehkw'ı ats'edee nàowoò k'èagı̨ı̨t'e-le.

Rome 11:11

Israel got'ı̨į̀ hodàgeètł'ı t'à k'achı̨ negıìdè ha dìì nì? Į̀le ne! Hanìkò gıhołı̨į̀ ts'ıhɂǫ̀ Nǫ̀htsı̨ edaxàgolee wegodıì sìı dǫ eyıì-le xàɂaa gıts'ǫ̀ adlà. Hanì t'aa Nǫ̀htsı̨ sìı Israel got'ı̨į̀ dǫ eyıì-le xàɂaa ts'ǫ̀ dagı̨ı̨ɂaà agǫ̀ǫ̀là.

Rome 4:16

Eyıt'à Nǫ̀htsı̨ gogha ehkw'ı adı nı̨dè, Nǫ̀htsı̨ ayìı goghàɂà ha dıı sìı goghǫet'a ha hǫt'e. Nǫ̀htsı̨ gots'ǫ̀ wesǫnıwǫ ts'ıhɂǫ̀ goghàyeɂà hǫt'e, eyıts'ǫ dǫ hazǫǫ̀ Abraham wets'ıhɂǫ̀ǫ-dǫǫ̀ agı̨ı̨t'ee sìı hanì gıxè hòɂǫ ha hǫt'e. Hanìkò dǫ Moses wenàowoò gıghǫ̀t'ǫ zǫ gha nıìle, Abraham k'ę̀ę̀ Nǫ̀htsı̨ gıgha ehkw'ı-ahodıı sìı ededı̨ sı gıgha hǫt'e. Eyıt'à Abraham hazǫǫ̀ gogha gotà elı̨ hǫt'e.

1 Corınth 1:23

Hanìkò goxı̨ sìı Zezì-Krı dechı̨et'aa k'e ełaı̨wo ghǫ gots'ede hǫt'e. Israel got'ı̨į̀ gık'èch'a ats'edı eyıts'ǫ Greece got'ı̨į̀ gıgha ezhı̨ne k'ę̀ę̀ gots'ede.

1 Peter 2:6

Nǫ̀htsı̨ Nı̨htł'è k'e dıı hanì dek'eèhtł'è: “Aàhkw'o! Jerusalem ekǫ kwe wheɂǫ ahłà. Eyı kwe ìhchì hǫt'e eyıts'ǫ segha wet'àaɂà hǫt'e. Amìı yegha ehkw'ı adıı sìı yek'eelı̨ hǫı̨lı̨ ha nıìle,” hanì dek'eèhtł'è.

1 Peter 2:8

eyıts'ǫ dıı hanì dek'eèhtł'è: “Eyı kwe wet'à dǫ dagıìtà eyıts'ǫ wet'à dèè k'e nàgeetł'ì hǫt'e,” hanì dek'eèhtł'è. Godı nezı̨ı̨ k'ę̀ę̀ geeda-le ts'ıhɂǫ̀ dagıìtà. Gıts'ǫ̀ hagot'ı̨ı̨ sìı hanì gıgha hòɂǫǫ̀ adlà hǫt'e.