Rome 9:30 - Nǫ̀htsı̨ Nı̨htł'è

³⁰ Eyıt'à ayìı awèts'edı? Dıı awèts'edı hǫt'e: Dǫ Israel got'ı̨į̀ agı̨ı̨t'e-le kò, eyıts'ǫ Nǫ̀htsı̨ gha ehkw'ı agı̨ı̨t'e gha hòtł'ò eghàlagı̨ı̨dà-le kò, gıgha ehkw'ı-ahodı t'à Nǫ̀htsı̨ xè ehkw'ı agı̨ı̨t'eè agejà.

Rome 9:30 ပူးပေါင်းရင်းမြစ်များ

Rome 10:10

Naxıdzeè t'à Nǫ̀htsı̨ naxıgha ehkw'ı adı nı̨dè, ehkw'ı anaxedle ha hǫt'e, eyıts'ǫ naxıwà t'à “Segha ehkw'ı-ahodı,” dahdı nı̨dè Nǫ̀htsı̨ edaxànaxeehtè ha hǫt'e.

Rome 10:20

Eyıts'ǫ nakwenàoɂǫǫ Isaıah eyı ghǫ edèdaedı-le xè dıı hadıì xàyaı̨htı, “Dǫ sehagı̨ı̨wǫ-le sìı segogį̀į̀hɂǫǫ̀ agèhłà, eyıts'ǫ dǫ seghǫ dageehke-le sìı sek'ègeezǫǫ̀ agèhłà,” hadı, dek'eèhtł'è.

Rome 10:6

Hanìkò gogha ehkw'ı-ahodı t'à ehkw'ı agòìdlà nı̨dè, dıı hats'edı ha: “ ‘Amìı ı̨dòo yak'e ts'ǫ̀ ade ha, (Zezì-Krı hodàts'eechı ha t'à)?’ naxıdzeè yìı haahdı-le,” edèts'edı ha.

Rome 3:5

Ehkw'ı-le eghàlats'eeda nı̨dè Nǫ̀htsı̨ wexè ehkw'ı hòɂǫǫ sìı dǫ ts'ǫ̀ deɂǫ̀ǫ̀ nezı̨į̀ wègoèht'į̀ hǫt'e. Eyı ghǫ dàts'edı welì? Nǫ̀htsı̨ nàgoehkwa nı̨dè gots'ǫ̀ ehkw'ı-le eghàlaeda at'ı̨ dahwhǫ nì? (Hanì daɂeehke nı̨dè dǫ gǫǫzǫ-le laehsı̨.)

Rome 4:11

Eyı tł'axǫǫ̀ k'ǫǫ̀t'a Abraham wekwǫ̀ nàat'a hǫt'e. Abraham wegha ehkw'ı-ahodı t'à wekwǫ̀ nàat'a hǫt'e. Eyıts'ǫ Nǫ̀htsı̨ ehkw'ı edaa k'ę̀ę̀ yııhtàa sìı wekwǫ̀ nàat'a weghàà wek'èhoedzǫ gha adlà hǫt'e. Hanìkò wekwǫ̀ nàat'a kwe-t'ıì Nǫ̀htsı̨ ehkw'ı edaa k'ę̀ę̀ yııhtà ı̨lè. Hanì ts'ıhɂǫ̀ dǫ gıkwǫ̀ nàt'à-le kò gıgha ehkw'ı-ahodıı sìı Abraham hazǫǫ̀ gogha gotà elı̨ lanì hǫt'e. Hanì-ı̨dè Nǫ̀htsı̨ sìı eyı dǫ hazǫǫ̀ ehkw'ı geedaa k'ę̀ę̀ goıhtà hǫt'e.

Rome 4:13

Nǫ̀htsı̨ dıı hadı ı̨lè, Abraham, weza eyıts'ǫ wets'ıhɂǫ̀ǫ-dǫǫ̀ gı̨ı̨lı̨ı̨ sìı dıı nèk'e k'àhogedè agole ha, gòhdı ı̨lè. Moses wenàowoò k'èagı̨ı̨t'e t'à gıxè hagode ha, gòhdı nıìle, hanìkò gıgha ehkw'ı-ahodı t'à ehkw'ı geedaa k'ę̀ę̀ goıhtà ts'ıhɂǫ̀ gıxè hagode ha, gòhdı.

Rome 4:22

Abraham Nǫ̀htsı̨ yegha ehkw'ı adı t'à “Nǫ̀htsı̨ dǫ ehkw'ı geedaa k'ę̀ę̀ yııhtà.”

Rome 4:9

K'àowocho Davıd amìı ghǫ eetł'è-adı? Dǫ gıkwǫ̀ nàt'àa gı̨ı̨lı̨ı̨ sìı ededı̨ zǫ gıxè sìghà ha nì? Hanì-le-ı̨dè dǫ gıkwǫ̀ nàt'à-le sìı ededı̨ sı gıxè sìghà hòɂǫ ha nì? Abraham weghǫ dıı hats'edı ı̨lè, Nǫ̀htsı̨ yegha ehkw'ı adı t'à Nǫ̀htsı̨ ehkw'ı edaa k'ę̀ę̀ yı̨ı̨htà, ts'edı ı̨lè.

Rome 5:1

Eyıt'à gogha ehkw'ı-ahodı ts'ıhɂǫ̀ ehkw'ı agòìdlà, eyıts'ǫ gots'ǫ̀ K'àowo Zezì-Krı wets'ıhɂǫ̀ Nǫ̀htsı̨ wexè ts'èwhı̨į̀ ts'eeda.

Rome 9:14

Nǫ̀htsı̨ sìı ehkw'ı k'ehoɂa-le ts'edı ha nì? Į̀le, hats'edı ha honàedı nıìle!

Rome 9:31

Israel got'ı̨į̀ Moses wenàowoò t'à ehkw'ıì agede ha hogeèhdzà, hanìkò ı̨łaà Nǫ̀htsı̨ gha ehkw'ıì agede ha dìì.

Galatıa 2:16

Hanìkò dıı wek'èts'eezǫ hǫt'e: dǫ Moses wenàowoò k'èdìı t'à ehkw'ıì awedle ha nıìle, hanìkò Zezì-Krı wegha ehkw'ı-ahodı zǫ t'à ehkw'ıì awedle ha hǫt'e. Eyıt'à Israel got'ı̨į̀ ats'ı̨ı̨t'ee sìı goxı̨ sı Zezì-Krı gogha ehkw'ı-ahodıì ats'ejà hǫt'e, hanì-ı̨dè Zezì-Krı gogha ehkw'ı-ahodı t'à Nǫ̀htsı̨ ehkw'ıì agole ha. Moses wenàowoò k'èts'edì t'à ehkw'ıì ats'ede ha nıìle, dǫ wı̨ı̨zìı Moses wenàowoò k'èdìı t'à ehkw'ıì awedle ha nıìle t'à.

Galatıa 3:24

Eyıt'à eyı nàowo sìı Zezì-Krı ts'ǫ̀ agole ha gogha k'àowo ı̨lè. Hanì-ı̨dè Zezì-Krı gogha ehkw'ı-ahodı t'à ehkw'ıì agodle ha.

Galatıa 3:8

Nǫ̀htsı̨, dǫ Israel got'ı̨į̀ agı̨ı̨t'e-le sìı gıgha ehkw'ı-ahodı nı̨dè ehkw'ıì agole ha, whaà gots'ǫ hanì Nǫ̀htsı̨ Nı̨htł'è k'e dek'eèhtł'è ı̨lè. Eyı Nı̨htł'è k'e godı nezı̨ı̨ weghǫ dıı hanì nadąą̀ dek'eèhtł'è: Nǫ̀htsı̨ Abraham ts'ǫ̀ dıı hadı: “Nı̨ net'à dǫ hazǫǫ̀ xàɂaa gıxè sìghà agode ha,” dek'eèhtł'è.

Galatıa 5:5

Hanìkò Zezì-Krı gogha ehkw'ı-ahodı nı̨dè wets'ǫ Įnì Degaı goxè wehòhɂǫ hǫt'e eyıts'ǫ deghàà ehkw'ıì ats'ede ha wek'èts'eezǫ. Hotıì eyı dzęę̀ danats'eèhɂı̨ hǫt'e.

Ephesus 2:12

Ekìıyeè k'e Zezì-Krı wets'ǫ̀ nıwà aaht'e ı̨lè, eyıts'ǫ Israel got'ı̨į̀ gha naxıtà-le ı̨lè, eyı wenaahdì. Eyıt'à ekìıyeè k'e Nǫ̀htsı̨ edets'ǫ dǫ xè nakenawhehtsı̨ı̨ sìı naxıgha ayį̀į̀là-le ı̨lè. Naxıgha ahxe whìle ı̨lè, eyıts'ǫ dıı nèk'e Nǫ̀htsı̨ wedę aahda ı̨lè.

1 Tımothy 6:11

Hanìkò Tımothy, nı̨ sìı Nǫ̀htsı̨ wets'ǫ dǫ anet'e, eyı hołı̨ı̨ nàowoò hazǫǫ̀ ch'à edek'ènedì. Nàowo ehkw'ıı zǫ neewǫ, Nǫ̀htsı̨ wınì k'ę̀ę̀ ı̨da, wets'ǫ̀ nınì nàtso anehwhǫ, dǫ ghǫneę̀tǫ, negha hoìla kò enaąt'è-le, eyıts'ǫ dǫ ts'ǫ̀ nedzeè nezı̨ welè.

Hebrew 11:7

Nǫ̀htsı̨ dàgode ha sìı ghǫ nadąą̀ Noah ts'ǫ̀ goı̨de ekò Noah wegha ehkw'ı-ahodı ı̨lè. Nǫ̀htsı̨ k'èch'a welè sǫ̀ǫ̀ nıwǫ t'à edets'èkeè eyıts'ǫ edeza edaxàgole ha elàcho whehtsı̨. Noah wegha ehkw'ı-ahodı t'à, dıı nèk'e dǫ ełaàgede gha gısınìyaetı ha wek'èhoedzǫ ayį̀į̀là eyıts'ǫ wegha ehkw'ı-ahodı t'à ehkw'ı eda k'ę̀ę̀ Nǫ̀htsı̨ yı̨ı̨htà.

1 Peter 4:3

Įnę̀ę hòt'a whaà hołı̨ı̨ nàowoò k'ę̀ę̀ aahda ı̨lè, dǫ Nǫ̀htsı̨ k'ègeezǫ-le lanì aahda ı̨lè: ełexè hołı̨ı̨ nàowoò k'ę̀ę̀ eghàlageedaa, hołı̨ı̨ ghats'eewıı, geèhdee, gıgha sìgoèt'ı̨ı̨ zǫ gı̨ı̨wǫǫ, eyıts'ǫ nǫ̀htsı̨ą hòèlı̨ı̨ ts'ǫ̀ yagehtı t'à sıì hołı̨ı̨ hogehtsı̨.