Rome 9:3 - Nǫ̀htsı̨ Nı̨htł'è

³ Sı̨ sexè hoìla eyıts'ǫ Zezì-Krı wets'ǫǫ̀ ɂǫ̀seèhdo k'èxa Israel got'ı̨į̀ xàè sèot'ı̨ agı̨ı̨t'ee sìı edaxàgı̨ı̨de nı̨dè, sınà ha hǫt'e.

Rome 9:3 ပူးပေါင်းရင်းမြစ်များ

Dànì Kèhoį̀wo 29:14

Eyı tł'axǫǫ̀ Laban yets'ǫ̀ hadı, “Ehkw'ı t'à xàè ełèot'ı̨ ats'ı̨ı̨t'e,” yèhdı.

Zezì Wecheekeèdeè 13:26

“Sèot'ı̨ı̨, Abraham wets'ǫ dǫ yàahłı̨ı̨ eyıts'ǫ naxı̨, dǫ eyıì-le xàɂaa Nǫ̀htsı̨ ghǫ hòtł'ò aahwhǫǫ sìı dıı edaxàts'eedèe wegodıì goxı̨ gots'ǫ̀ adlà hǫt'e.

Zezì Wecheekeèdeè 22:5

Yahtıı-wet'àaɂàa-deè eyıts'ǫ k'aodèe gı̨ı̨lı̨ı̨ sìı eyı gık'èezǫ t'à seghǫ gogede ha dìì-le. Kǫ̀ta Damaskus k'aodèe gı̨ı̨lı̨ı̨ ts'ǫ̀ segha gı̨ı̨tł'è ı̨lè. Damaskus ekǫ Zezì wenàowoò k'ę̀ę̀ agı̨ı̨wǫǫ sìı dageechı gà Jerusalem gıxè hoìla ha ekǫ ts'ǫ̀ agehłe ha dehwhǫ ı̨lè.

Zezì Wecheekeèdeè 28:21

Paul ts'ǫ̀ hagedı, “Judea nèk'e gots'ǫ neghǫ enı̨htł'è ts'aɂı̨-le, eyıts'ǫ ekǫ gots'ǫ gòet'ı̨ nègı̨ı̨dee sìı neghǫ ekǫ-le xàyagı̨ı̨htı nıìle.

Rome 1:3

Eyı godı nezı̨ı̨ sìı Nǫ̀htsı̨ Weza weghǫ hǫt'e. Ededı̨ sìı dıı nèk'e k'àowocho Davıd wets'ıhɂǫ̀ǫ-dǫǫ̀ hǫt'e, hanìkò ełaı̨wo gots'ǫ naìdà t'à Įnì Degaı wedahxà Nǫ̀htsı̨ Weza hǫt'e wek'èts'eezǫǫ̀ agǫ̀ǫ̀là. Eyı sìı Zezì-Krı gots'ǫ̀ K'àowo hǫt'e.

Rome 11:1

Eyıt'à Nǫ̀htsı̨ edets'ǫ dǫ ɂǫ̀goèhde nì? Į̀le ne! Sı̨ xàè Israel got'ı̨į̀ aht'e, Abraham wets'ıhɂǫ̀ǫ-dǫǫ̀ aht'e, eyıts'ǫ Benjamın wets'ıhɂǫ̀ǫ-dǫǫ̀ aht'e.

Rome 11:14

Naxıgha eghàlaehda t'à edahxǫ xàè sèot'ı̨ naxıghǫ ts'ohogeedıì ageehłe ha dehwhǫ, hanì-ı̨dè mǫ̀hdaa edaxàgeedaà ageehłe ha welì.

Rome 16:11

Sèot'ı̨ Herodıon ededı̨ sı hawèahdı. Narcıssus wekǫ̀ dǫ hazǫǫ̀ gots'ǫ̀ K'àowo gıgha ehkw'ı adıı sìı segha, “Naxıxè sìghà welè,” gìahdı.

Rome 16:21

Tımothy sexè eghàlaedaa sìı, “Naxıxè sìghà welè,” naxèhdı, eyıts'ǫ Lucıyus, Jason eyıts'ǫ Sosıpater, xàè sèot'ı̨ agı̨ı̨t'ee sìı, “Naxıxè sìghà welè,” gedı.

Rome 16:7

Sèot'ı̨ Andronıcus eyıts'ǫ ts'èko Junıyas ededı̨ sı hagìahdı. Eyı nàke sìı sexè dǫ-danìı̨laa-kǫ̀ geke ı̨lè. Nǫ̀htsı̨ wecheekeèdeè nezı̨į̀ goghǫ gogede eyıts'ǫ sekwe-t'ıì Zezì-Krı gıgha ehkw'ı-ahodı ı̨lè.

Rome 9:2

Israel got'ı̨į̀ gıghǫ sıì segha dìì, eyıt'à sedzeè nànııtì.

1 Corınth 12:3

Eyıt'à dıı hanaxèehsı̨: Yedàyeh Nezı̨ı̨ dǫdzeè yìı nàdè nı̨dè eyı dǫ, “Zezì ts'ǫ̀ hoìla welè,” hadı hǫı̨lı̨ ha nıìle. Eyıts'ǫ Yedàyeh Nezı̨ı̨ dǫdzeè yìı nàdè-le nı̨dè eyı dǫ, “Zezì sets'ǫ̀ K'àowo hǫt'e,” hadı ha nıìle.

1 Corınth 16:22

Amìı, gots'ǫ̀ K'àowo ghǫneètǫ-le sìı wexè hoìla welè. Gots'ǫ̀ K'àowo, gots'ǫ̀ anaąde!

2 Corınth 12:15

Eyıt'à t'asìı hazǫǫ̀ sets'ǫ sìı naxıts'ǫ̀ wek'ehoehwhı gha sınà, eyıts'ǫ naxıghàdèehtè gha sınà hǫt'e. Denahk'e naxıghǫneehtǫ nı̨dè dek'aɂį̀ seghǫnıahtǫ ha nì?

Galatıa 1:8

Gota ts'ǫ dǫ ı̨łè kò, hanì-le-ı̨dè yak'e gots'ǫ yak'eet'ı̨į̀ kò eyı godı nezı̨ı̨ t'à naxıts'ǫ̀ gots'ı̨ı̨dee sìı wenǫ̀ǫ̀ godı eyıì-le t'à naxıts'ǫ̀ gode nı̨dè welǫ whìle ts'ǫ̀ wexè hoìla welè!

Galatıa 1:9

Dıìhk'ǫ̀ą dàehsı̨ ı̨lèe sìı k'achı̨ hanaehsı̨ ha: Godı nezı̨ı̨ naxıgha ehkw'ı-ahodıı sìı wenǫ̀ǫ̀ godı eyıì-le t'à dǫ naxıts'ǫ̀ gode nı̨dè eyı dǫ welǫ whìle ts'ǫ̀ wexè hoìla ha hǫt'e!

Galatıa 3:10

Dǫ hazǫǫ̀ Moses wenàowoò k'ègedì t'à ehkw'ıì agede ha gı̨ı̨wǫǫ sìı hoìla agedle ha hǫt'e. Dıı hanì dek'eèhtł'è, “Dǫ hazǫǫ̀ Moses wenı̨htł'è k'e t'asìı hazǫǫ̀ dek'eèhtł'èe sìı t'aats'ǫǫ̀ gık'èı̨t'e-le nı̨dè wek'èxa hoìla agedle ha hǫt'e,” dek'eèhtł'è.

Galatıa 3:13

Moses wenàowoò k'èts'edì ha dìì t'à gosınìyaetı ch'à Zezì-Krı edaxàgoı̨la hǫt'e. Zezì gotł'axǫǫ̀ Nǫ̀htsı̨ yesınìyaı̨htı hǫt'e, dıı hanì dek'eèhtł'è t'à, “Dǫ dechı̨ k'e ełaàwìgwoo sìı hoìla gha wesınìyaetı hǫt'e,” dek'eèhtł'è.

Ephesus 6:5

Dǫ gıcheekeè yàahłı̨ı̨ sìı dıı nèk'e naxıgha k'àowo gǫ̀hłı̨ı̨ sìı gık'èaht'e, dahjı̨ xè gıts'ǫ̀ hotıì nezı̨į̀ naahɂa. Zezì-Krı wek'èaht'e lanì, naxıdzeè nezı̨ı̨ xè gıts'ǫ̀ ehkw'ı eghàlaahda.