Rome 9:24 - Nǫ̀htsı̨ Nı̨htł'è

²⁴ Goxı̨ kò gokayaı̨htı hǫt'e; Israel got'ı̨į̀ zǫ gıta ts'ǫ dǫ agǫ̀ǫ̀là-le, hanìkò dǫ eyıì-le xàɂaa ededı̨ sı gıta gots'ǫ dǫ gokayaı̨htı hǫt'e.

Rome 9:24 ပူးပေါင်းရင်းမြစ်များ

Dànì Kèhoį̀wo 49:10

Judah, k'àowocho-geè t'aats'ǫǫ̀ wetł'aà wheɂǫ ha. Amìı wets'ǫ nee sìı nììtła gots'ǫ̀ k'àowocho-geè t'aats'ǫǫ̀ Judah wexè hòɂǫ ha, eyıts'ǫ dǫ hazǫǫ̀ xàɂaa gık'èı̨t'e ha.

Zezì Wecheekeèdeè 15:14

Įdì whaà-le ekò Sımon gots'ǫ̀ goı̨de ı̨lè. Dànì Nǫ̀htsı̨ t'akwełǫ̀ǫ̀ dǫ Israel got'ı̨į̀ agı̨ı̨t'e-le kò gıta ts'ǫ dǫ gòį̀hchìı ı̨lè, eyı weghàà dǫ hazǫǫ̀ edaxàgole ha nıwǫ wek'èts'eezǫǫ̀ agǫ̀ǫ̀là.

Rome 10:12

Israel got'ı̨į̀ eyıts'ǫ dǫ eyıì-le xàɂaa sìı Nǫ̀htsı̨ eładı̨ gots'ǫ̀ eghàlaeda nıìle. Dǫ hazǫǫ̀ ełèht'eè gots'ǫ̀ K'àowo elı̨ hǫt'e, eyıts'ǫ dǫ hazǫǫ̀ weghǫ gınì nàtsoo sìı deɂǫ̀ǫ̀ gıxè sìghà hòɂǫ agohɂį̀.

1 Corınth 1:9

Nǫ̀htsı̨-Gotà, Edeza Zezì-Krı wexè ı̨łè laaht'e ha naxıkayaı̨htıı sìı t'aats'ǫǫ̀ gots'ǫ̀ edeyatıì k'èdì hǫt'e.

Galatıa 3:28

Zezì-Krı wexè naxı̨ hazǫǫ̀ ı̨łè laaht'e hǫt'e t'à, Israel got'ı̨į̀ eyıts'ǫ Greece got'ı̨į̀ gıxè eładı̨į̀ hòɂǫ-le, dǫ edets'ǫ̀ k'àowo-le, eyıts'ǫ dǫ edets'ǫ̀ k'àowo gıxè eładı̨į̀ hòɂǫ-le, dǫzhìı eyıts'ǫ ts'èko gıxè eładı̨į̀ hòɂǫ-le.

Colosse 3:11

Zezì-Krı wegha ts'eeda nı̨dè hazǫǫ̀ ełèts'ı̨ı̨ht'e hǫt'e. Israel got'ı̨į̀, Greece got'ı̨į̀ ełexègı̨ı̨ht'ee, nàgoet'àa, nàgoet'à-le, nàowo eładı̨ı̨ k'ę̀ę̀ geedaa dǫǫ̀, dǫ edets'ǫ̀ k'agedè-le, edets'ǫ̀ k'agedèe, hazǫǫ̀ ełexègı̨ı̨ht'e. Zezì-Krı ededı̨ zǫ gogha K'àowo elı̨, eyıts'ǫ goxı̨ hazǫǫ̀ godzeè yìı eda.

Hebrew 3:1

Eyıt'à sèot'ı̨ degaı, yak'e ts'ǫ̀ naxıkayaetıı sìı Zezì ts'ǫ̀ naxınì nàtsoò aahłe. Ededı̨ Nǫ̀htsı̨ wecheekeèdeè elı̨ı̨ xè gogha yahtıı-wet'àaɂàa-deè elı̨ı̨ sìı gogha ehkw'ı adı hǫt'e.

1 Peter 5:10

Nǫ̀htsı̨ t'aats'ǫǫ̀ naxıts'ǫ̀ sǫnıwǫǫ sìı Zezì-Krı wedahxà welǫ whìle ts'ǫ̀ enıìyah k'ę̀ę̀ aahda ha naxıkayaı̨htı hǫt'e. Whaà-lea gots'ǫ̀ daahɂa tł'axǫǫ̀ xàè ededı̨ naxıxè sìghà hòɂǫǫ̀ ayele ha eyıts'ǫ t'aats'ǫǫ̀ naxınì nàtsoò ayele ha hǫt'e.

John Wenazhıı 19:9

Eyı tł'axǫǫ̀ yak'eet'ı̨į̀ sets'ǫ̀ hadı, “Dıı dek'enìı̨tł'è: ‘Amìı eyı sahzǫ̀ą honìdza wets'ǫ nàsı̨ nàgedè ha gıxayaetıı sìı gıxè sìghà hǫt'e,’ ” sets'ǫ̀ hadı. K'achı̨ sets'ǫ̀ hadı, “Dıı sìı xàè Nǫ̀htsı̨ weyatıì hǫt'e,” hadı.