Rome 9:20 - Nǫ̀htsı̨ Nı̨htł'è

²⁰ Hanìkò ayìıcho aaht'e dahwhǫ t'à hanì Nǫ̀htsı̨ ts'ǫ̀ ek'èt'à goahde welì? “Ededı̨ gòèhtsı̨ı̨ sìı wek'èch'a gots'ede ha nì? ‘Dànìghǫ dıı hanì sèwheęhtsı̨ nǫǫ̀?’ hats'edıì dawets'eehke ha nì?”

Rome 9:20 ပူးပေါင်းရင်းမြစ်များ

Matthew 20:15

Xàè sesǫǫ̀mbaà dàhłe ha dehwhǫǫ sìı sı̨ sets'ǫ̀ hoèlı̨ hǫt'e. Dıı dǫ gıts'ǫ̀ nezı̨į̀ k'ehohɂa ha dehwhǫ t'à naxıgha nezı̨-le nì?’ gòhdı.

Luke 12:14

Eyıt'à Zezì yets'ǫ̀ hadı, “Amìı naxıgha dǫ-sınìyaehtıı-dǫǫ̀ sèhtsı̨?” yèhdı.

Rome 14:4

Eyı dǫ wets'ǫ̀ k'àowo anet'e nıìle t'à wesınìyaąhtı ha nıìle. Dǫ nezı̨ı̨ elı̨, hanì-le-ı̨dè dǫ nezı̨-le elı̨ı̨ sìı wets'ǫ k'àowo wets'ǫ̀ hoèlı̨ hǫt'e. Gots'ǫ̀ K'àowo dǫ nezı̨ı̨ elı̨į̀ ayele ha dìì-le t'à dǫ nezı̨ı̨ elı̨ k'ę̀ę̀ wııtà ha.

Rome 2:1

Eyıt'à, wek'èts'eezǫ-le, dahdı ha dìì hǫt'e. Dànì dǫ eyıì-le gısınìyaahtıı sìı eyı weghàà edesınìyaahtı hǫt'e, naxı̨ dǫ eyıì-le gısınìyaahtıı sìı hotıì gıxèht'eè eghàlaahda hǫt'e t'à.

Rome 2:3

Naxı̨ ekìı dǫ aaht'ee sìı dǫ eyıì-le gıxèht'eè hołı̨ı̨ hoahtsı̨ kò gısınìyaahtı nı̨dè Nǫ̀htsı̨ naxısınìyaehtı ha-le dahwhǫ nì?

Rome 9:21

Dǫ ehtł'è t'à tǫ ehtsı̨ı̨ sìı dànì awehłe nıwǫǫ sìı k'ę̀ę̀ yehtsı̨ hǫt'e. Tǫ mǫ̀hdaa dzę taàt'eè wet'àhot'ı̨ gha yehtsı̨ eyıts'ǫ tǫ mǫ̀hdaa wèdaat'ı̨ xè nàsı̨deè wet'àhot'ı̨ gha yehtsı̨ hǫt'e. Eyıt'à dǫ ehtł'è t'à tǫ ehtsı̨ı̨ sìı ayìı gha awehłe nıwǫǫ sìı wets'ǫ̀ hoèlı̨ ne sǫnaà?

Rome 9:22

Eyı lanì Nǫ̀htsı̨ wexè hòɂǫ hǫt'e. Nǫ̀htsı̨ dǫ ts'ǫ̀ wek'èch'a gık'èezǫ ha, eyıts'ǫ dànì t'asìı wegha dìì-le wexè hòɂǫǫ sìı dǫ gık'èezǫ ha nıwǫ nı̨dè wets'ǫ̀ hoèlı̨ hǫt'e. Whaà gots'ǫ dǫ xè wek'èch'a kò goxè ts'èwhı̨į̀ nıwǫ ı̨lè, hanìkò godıhohtsı̨ ha nıwǫ nı̨dè ededı̨ wets'ǫ̀ hoèlı̨ hǫt'e.

1 Corınth 1:20

Dǫ gogı̨ı̨zǫǫ edegeewǫǫ sìı amìı agı̨ı̨t'e edegeewǫ? Dǫ enı̨htł'è-deè ghàgeètǫ gı̨ı̨wǫǫ sìı amìı agı̨ı̨t'e edegeewǫ? Dıı nèè gots'ǫ nàowo t'à gogedee gı̨ı̨lı̨ı̨ sìı amìı agı̨ı̨t'e edegeewǫ? Nǫ̀htsı̨ sìı dıı nèè gots'ǫ nàowo sìı ezhı̨ne k'ę̀ę̀ ayį̀į̀là.

1 Corınth 7:16

Nı̨ dǫ ts'èkeè nelı̨ı̨ sìı nedǫǫ̀ edaxàwı̨ı̨htè ha hotıì wek'èı̨zǫ nıìle. Nı̨ ts'èko wedǫǫ̀ nelı̨ı̨ sìı nets'èkeè edaxàwı̨ı̨htè ha hotıì wek'èı̨zǫ nıìle.

1 Tımothy 6:5

Eyıts'ǫ dǫ gınì hołı̨ı̨ xè t'aats'ǫǫ̀ ełek'èch'a eghàlageedaà agohɂı̨. Dǫ haget'ı̨ı̨ sìı nàowo ehkw'ıı gıghǫ wedıhòłı̨, eyıts'ǫ Nǫ̀htsı̨ gha ts'eeda nı̨dè wet'à sǫǫ̀mba łǫ gots'ǫ at'į̀ gı̨ı̨wǫ.

2 Tımothy 2:20

Dǫ ahxee wekǫ̀ goyìı sìı kw'à mǫ̀hdaa sǫǫ̀mbaekwo eyıts'ǫ sǫǫ̀mba degoo t'à hòèlı̨ı̨ whela hǫt'e. Eyıts'ǫ mǫ̀hdaa dechı̨ eyıts'ǫ kwe t'à hòèlı̨. Kw'à dètìı sìı t'asìı wet'àaɂà gha gıt'à-at'ı̨, ekò kw'à dètì-le sìı t'asìı-ts'ıì gha gıt'à-at'ı̨.

Tıtus 2:9

Dǫ gıts'ǫ k'àowo gǫ̀hłı̨ı̨ sìı edets'ǫ̀ k'àowo k'èagı̨ı̨t'e ha hoghàgı̨ı̨htǫ. T'asìı hazǫǫ̀ t'à edets'ǫ̀ k'àowo wınì nezı̨ı̨ gha eghàlagııdà, eyıts'ǫ gots'ǫ̀ ek'èt'à gogııde-le,

James 2:20

Gonezǫ-le dìì! Gogha ehkw'ı-ahodı hanìkò wek'ę̀ę̀ ts'eeda-le nı̨dè wet'àhoòɂà nıìle. Dıı weghàà wek'èı̨zǫ anııhłe: