Rome 9:19 - Nǫ̀htsı̨ Nı̨htł'è

¹⁹ Naxı̨ sets'ǫ̀ dıı haahdı ha tahkò: “Hanì hòɂǫ nı̨dè, dànìghǫ Nǫ̀htsı̨ ı̨łaà gok'e nìdahoeɂà? Nǫ̀htsı̨ hanıwǫ nı̨dè dǫ wı̨ı̨zìı yınì k'èch'a ade ha dìì,” sèahdı ha tahkò.

Rome 9:19 ပူးပေါင်းရင်းမြစ်များ

Dànì Kèhoį̀wo 50:20

Sets'ǫ̀ hoìla eghàlaahda gha aaht'ı̨ ı̨lè, hanìkò wet'à gogha nezı̨į̀ hòɂǫ gha Nǫ̀htsı̨ ayį̀į̀là, dǫ łǫ edaxàgole gha ayį̀į̀là.

Mark 14:21

Hotıì Nǫ̀htsı̨ Nı̨htł'è k'e dànì dek'eèhtł'è k'ę̀ę̀ Dǫ-wet'àaɂàa-deè ełaàwı ha hǫt'e, hanìkò amìı k'aodèe gotł'aàyehtè ha sìı wegha hoìla nechà ha hǫt'e. Eyı dǫ wegǫ̀hłı̨-le nı̨dè denahk'e wegha nezı̨ ha ı̨lè,” gòhdı.

Zezì Wecheekeèdeè 2:23

Eyı Zezì sìı naxıghàwììtı̨ hǫt'e. Nǫ̀htsı̨ hanì ha nıwǫ t'à eyıts'ǫ hawedle ha nadąą̀ yek'èezǫ t'à naxıghàyı̨ı̨htı̨ hǫt'e. Naxı̨ dǫjıı naxıts'àgı̨ı̨dì t'à dechı̨et'aa k'e wedeàhtsò xè ełaàwèahwho hǫt'e.

Rome 11:19

Eyıt'à dıı haahdı ha sǫnı, “Wetł'axǫǫ̀ nìsı̨ı̨htè ha t'à ts'ı wekw'ıhchı̨į̀ dahchı̨atǫ̀ hǫt'e,” dahdı ha tahkò.

1 Corınth 15:12

Zezì-Krı ełaı̨wo gots'ǫ naìdà naxèts'edı nı̨dè, dànìghǫ naxıta gots'ǫ dǫ mǫ̀hdaa, dǫ ełaı̨dèe sìı nagìdà ha nıìle, gedı?

1 Corınth 15:35

Hanìkò dıı hasèahdı ha tahkò: “Dǫ ełaı̨dèe sìı nagìdà ha nı̨dè gızhį̀į̀ dàhòt'ı̨ı̨ t'à nagìdà ha?” sèahdı ha sǫnı.

James 1:13

Dǫ hołı̨ı̨ t'à weèdzà nı̨dè, “Nǫ̀htsı̨ asehɂı̨,” hadı ha-le. Nǫ̀htsı̨ ededı̨ sìı hołı̨ı̨ t'à weèdzà ha hòɂǫ nıìle, eyıts'ǫ ededı̨ hołı̨ı̨ t'à dǫ èhdzà nıìle.

James 2:18

Hanìkò dǫ sets'ǫ̀ dıı hadı nı̨dè, “Nı̨ negha ehkw'ı-ahodı, hanìkò sı̨ nezı̨į̀ eghàlaehda,” sèhdı nı̨dè, wets'ǫ̀ dıı haehsı̨ ha. “Negha ehkw'ı kò wek'ę̀ę̀ eghàlaı̨da-le sìı weghàıhdà, ekò sı̨ ayìı dàhɂı̨ weghàà segha ehkw'ı-ahodıı sìı weghàı̨daà anehłe ha,” haehsı̨ ha.