Rome 9:11 - Nǫ̀htsı̨ Nı̨htł'è

^11-12 Gıza ełèchǫekèa gıgǫ̀hłı̨ kwe, ehkw'ı hogehtsı̨ hanì-le-ı̨dè ekǫ-le hogehtsı̨ kwe-t'ıì Nǫ̀htsı̨ Rebekah ts'ǫ̀ dıı hadı ı̨lè, “Goı̨de sìı gochı gha eghàlaeda ha,” yèhdı ı̨lè. Eyı weghàà Nǫ̀htsı̨ dǫ ayìı hòèhtsı̨ı̨ sìı weghàà dǫ ìhchı nıìle wek'èts'eezǫ, hanìkò Nǫ̀htsı̨ edınì k'ę̀ę̀ dǫ ìhchı hǫt'e.

Rome 9:11 ပူးပေါင်းရင်းမြစ်များ

Rome 4:17

Dıı hanì dek'eèhtł'è k'ę̀ę̀, “Dǫ hazǫǫ̀ xàɂaa gha gotà nèwhıhtsı̨ hǫt'e,” dek'eèhtł'è. Nǫ̀htsı̨ sìı dǫ ełaı̨dèe nagìdà agohɂı̨, eyıts'ǫ dǫ t'asìı gı̨ı̨lı̨-le sìı gıt'àaɂàa agohɂı̨ hǫt'e. Ededı̨ Abraham gha ehkw'ı adı t'à gotà elı̨į̀ ayį̀į̀là hǫt'e.

Ephesus 2:3

Goxı̨ sı hołı̨ı̨ k'ę̀ę̀ ts'eedaà ekò gıxèts'ı̨ht'e ı̨lè. Hołı̨ı̨ ghats'eewı eyıts'ǫ gonìłı̨ı̨ t'à dàts'ı̨ı̨wǫǫ sìı k'èats'ı̨ı̨t'e ı̨lè. Dǫ hazǫǫ̀ gıxèht'eè gonìłı̨ı̨ k'èxa nàgoehkwa ha gogha hòɂǫ ı̨lè.

Ephesus 2:9

Hòtł'ò eghàlats'ı̨ı̨dà t'à gǫǫ̀t'ǫ nıìle, eyıt'à dǫ wı̨ı̨zìı yeghǫ xàdahodì ha nıìle.

Ephesus 3:11

Welǫ whìle gots'ǫ̀ dànì hòɂǫ ha nıwǫ k'ę̀ę̀ eghàlaı̨dà, gots'ǫ̀ K'àowo Zezì-Krı wexè deghàà ayį̀į̀là hǫt'e.

1 Thessalonıca 1:4

Sèot'ı̨ı̨, Nǫ̀htsı̨ naxıghǫneètǫ t'à naxį̀į̀hchì wek'èts'eezǫ hǫt'e.

1 Thessalonıca 2:12

Naxınì nàtsoò ats'ı̨ı̨là, ts'ǫǫ̀dahwhǫ nı̨dè naxıghǫnàdats'eetì, eyıts'ǫ Nǫ̀htsı̨ wınì k'ę̀ę̀ hotıì ehkw'ı aahda, k'èdaà hanaxèts'edı ı̨lè. Ededı̨ sìı yak'e wenàowoò k'ę̀ę̀ hòɂǫǫ eyıts'ǫ welǫ whìle ts'ǫ̀ enıìyah wehòhɂǫǫ sìı ts'ǫ̀ naxıkayaı̨htı hǫt'e.

2 Tımothy 1:9

Nǫ̀htsı̨ ededı̨ edaxàgoı̨la hǫt'e, wets'ǫ dǫ degaı ts'ı̨ı̨lı̨ ha gokayaı̨htı hǫt'e. T'asìı wı̨ı̨zìı hots'èhtsı̨ t'à agǫ̀ǫ̀là nıìle, hanìkò hanıwǫ t'à eyıts'ǫ wesǫnıwǫ ts'ıhɂǫ̀ agǫ̀ǫ̀là hǫt'e. Dıı nèè hòɂǫ kwe Zezì-Krı wet'ǫ̀ǫ̀ Nǫ̀htsı̨ hòt'a edesǫnıwǫǫ̀ goghàyı̨ı̨ɂǫ ı̨lè.

Tıtus 3:5

edaxàgoı̨la. Ehkw'ı eghàlats'ı̨ı̨dà t'à agǫ̀ǫ̀là nıìle, hanìkò wedzeè eteèɂı̨ t'à agǫ̀ǫ̀là. Dıı hanì edaxàgoı̨la hǫt'e: Gohołı̨į̀ k'enaı̨htso xè dǫ eładı̨ı̨ ts'ı̨ı̨lı̨į̀ agǫ̀ǫ̀là eyıts'ǫ Yedàyeh Nezı̨ı̨ wet'ǫ̀ǫ̀ dǫ gòò gòèhtsı̨.

1 Peter 5:10

Nǫ̀htsı̨ t'aats'ǫǫ̀ naxıts'ǫ̀ sǫnıwǫǫ sìı Zezì-Krı wedahxà welǫ whìle ts'ǫ̀ enıìyah k'ę̀ę̀ aahda ha naxıkayaı̨htı hǫt'e. Whaà-lea gots'ǫ̀ daahɂa tł'axǫǫ̀ xàè ededı̨ naxıxè sìghà hòɂǫǫ̀ ayele ha eyıts'ǫ t'aats'ǫǫ̀ naxınì nàtsoò ayele ha hǫt'e.

2 Peter 1:10

Eyıt'à sèot'ı̨ı̨, naxıkayaetı xè naxììchì k'ę̀ę̀ aahda, eyı ghǫ naxınì nàtsoò aahłe hanì-ı̨dè naxıxè hagode ha. Hanì edeghàlaahda nı̨dè hołı̨ı̨ naxıdaèht'è hǫı̨lı̨ ha nıìle.

John Wenazhıı 17:14

Sahzǫ̀ą ts'ǫ̀ ełegegǫ ha, hanìkò Sahzǫ̀ą goghǫehnè ha. Ededı̨ sìı k'àowo hazǫǫ̀ gha K'àowo elı̨ eyıts'ǫ k'àowocho hazǫǫ̀ gha K'àowocho elı̨. Eyı Sahzǫ̀ą wecheekeè gìhchìı xè weyatıì k'ègedìı sìı wexè agı̨ı̨t'e,” yak'eet'ı̨į̀ hasèhdı.