Rome 8:39 - Nǫ̀htsı̨ Nı̨htł'è

³⁹ Įdòo yat'a k'àhogedèe, ı̨zhıì dèè gotł'a k'àhogedèe eyıts'ǫ Nǫ̀htsı̨ t'asìı hazǫǫ̀ whehtsı̨ gots'ǫ t'asìı wı̨ı̨zìı sìı Nǫ̀htsı̨ dànì goghǫneètǫ ch'à ı̨łak'aà agogele ha dìì hǫt'e, gots'ǫ̀ K'àowo Zezì-Krı wets'ıhɂǫ̀.

Rome 8:39 ပူးပေါင်းရင်းမြစ်များ

Matthew 24:24

Dǫ mǫ̀hdaa hogets'ì t'à dıı hagedı ha, ‘Chrıst aht'e,’ hanì-le-ı̨dè ‘Nakwenàoɂǫǫ aht'e,’ hagedı xè enıìyah nechàa hogehtsı̨ ha. Dǫ ghǫdageehnè ha dìì-le nı̨dè Nǫ̀htsı̨ dǫ gòį̀hchìı sìı eyı kò goghǫdageehnè ha.

John 16:27

Į̀le, seghǫnıahtǫ eyıts'ǫ Nǫ̀htsı̨ yak'e whedaa gots'ǫ aht'ı̨ naxıgha ehkw'ı-ahodı t'à, Setà ededı̨ xàè naxıghǫneètǫ hǫt'e.

John 17:26

Nek'ègeezǫ agèhłà, deɂǫ̀ǫ̀ nek'ègeezǫǫ̀ agehłe ha. Hanì-ı̨dè dànì seghǫneètǫǫ sìı ededı̨ sìı hanì ełeghǫnegeètǫǫ̀ agede ha, eyıts'ǫ sı̨ gıxè ı̨łè zǫ laht'e ha,” Zezì hadıì Edetà ts'ǫ̀ xàyahtı.

John 3:16

“Nǫ̀htsı̨ dıı nèk'e dǫ hazǫǫ̀ sıì goghǫneètǫ t'à, edeza ı̨łàet'ee dǫ tł'aàyį̀ı̨htı̨. Amìı ehkw'ı adı yı̨ı̨hwhǫǫ sìı wedıhołè ha-le, welǫ whìle ts'ǫ̀ eda ha.

Rome 1:7

Naxı̨ kǫ̀godeè Rome nàahdèe sìı naxıts'ǫ̀ eehtł'è aht'ı̨. Nǫ̀htsı̨ naxıghǫneètǫ eyıts'ǫ wets'ǫ dǫ degaı aahłı̨ gha naxıkayaetı hǫt'e. Nǫ̀htsı̨-Gotà eyıts'ǫ Zezì-Krı naxıxè sǫgı̨ı̨wǫ welè, eyıts'ǫ naxıxè sìghà hòɂǫ agııle.

Rome 11:33

Nǫ̀htsı̨ sıì gǫǫzǫ xè t'asìı hazǫǫ̀ k'èhoezǫ ts'ıhɂǫ̀ Nǫ̀htsı̨ gogha enıìyah hǫt'e! Wınì nıts'eedì ha dìì eyıts'ǫ edı̨į̀ wetı̨lıì nıɂàa sìı wek'èts'eezǫ-le!

Rome 5:8

Hanìkò Nǫ̀htsı̨ sıì goghǫneètǫ t'à dıı hanì gogha eghàlaı̨dà: Įłaà hołı̨ı̨-hots'ehtsı̨ı̨-dǫǫ̀ ats'ı̨ı̨t'e kò Zezì-Krı gogha ełaı̨wo ı̨lè.

Rome 6:23

Hołı̨ı̨ hots'ehtsı̨ k'èxa ełaàts'ede hǫt'e. Hanìkò gots'ǫ̀ K'àowo Zezì-Krı wet'ǫ̀ǫ̀ Nǫ̀htsı̨ welǫ whìle ts'ǫ̀ ts'eedaà agǫ̀ǫ̀là hǫt'e.

Rome 8:1

Hanìkò amìı Zezì-Krı xè aget'ı̨ı̨ sìı ełaàgede gha gısınìyaetı ha-le.

Rome 8:35

Zezì-Krı goghǫneètǫǫ sìı amìı eyı ch'à ı̨łak'aà agole ha? Dǫ wı̨ı̨zìı-le! Gogha hoìla nı̨dè, gogha hoezhì nı̨dè, dats'ı̨ı̨ɂa nı̨dè, bò whìle nı̨dè, gogha goht'ǫ whìle nı̨dè, gogha hoejı̨ nı̨dè, dǫ ełaàgòhde ha gı̨ı̨wǫ nı̨dè, asį̀į̀ eyı hazǫǫ̀ t'à Zezì goghǫneètǫ ch'à agogele ha? Į̀le ne!

2 Corınth 11:3

Hanìkò Eve gòocho yeghǫyaàɂǫ xèht'eè naxı̨ sı naxıghǫyaeɂà aweahłe ha sǫnı dehwhǫ t'à naxıghǫ dehjı̨. Naxıdzeè t'à Zezì-Krı ghàdeahtı̨ ı̨lèe sìı eyı ch'à naxınì ekǫ-le ayele ha sǫnı.

2 Corınth 2:11

Hanì-ı̨dè wehłı̨ı̨ goghǫehnè ha-le. T'aats'ǫǫ̀ goghǫyaeɂà k'ehoɂa wek'èts'eezǫ hǫt'e.

Ephesus 1:4

Dıı dèè hòèlı̨ kwe Zezì-Krı wets'ıhɂǫ̀ gòį̀hchì hǫt'e. Wegha degaı ts'ı̨ı̨lı̨ gha, eyıts'ǫ wenadąą̀ hołı̨ı̨ dę ts'eeda ha goı̨hwhǫ hǫt'e. Goghǫneètǫ t'à,

Phılıppı 3:12

Įłaà eyı hazǫǫ̀ deghàà hahłà nıìle, eyıts'ǫ ı̨łaà deghàà degaı aht'e nıìle, hanìkò ı̨łaà eyı wegha sınì nàtsoò aahwhǫ, eyı gha Zezì-Krı sį̀į̀hchì ı̨lèe t'à.

Phılıppı 3:3

Goxı̨ sìı hòt'a gokwǫ̀ nàat'a ı̨lè lanì, eyıts'ǫ Nǫ̀htsı̨ wets'ǫ Įnì Degaı wedahxà Nǫ̀htsı̨ ts'ǫ̀ yats'ehtı. Zezì-Krı weghàsǫts'eedı t'à, t'asìı deè ts'ı̨ı̨lı̨ı̨ sìı weghǫ xàhots'edì nıìle.

Phılıppı 3:8

Eyı zǫǫ̀-le! Zezì-Krı wek'èehsǫ ha, eyı denahk'e segha wet'àaɂà ne t'à, t'asìı hazǫǫ̀ segha wedę lajà. Sets'ǫ̀ K'àowo gha t'asìı hazǫǫ̀ ɂǫ̀ehde. Zezì-Krı ededı̨ zǫ weehwhǫ, eyıts'ǫ wexè ı̨łè laaht'e ha dehwhǫ t'à t'asìı hazǫǫ̀ segha t'asìı-ts'ıì lajà. Moses wenàowoò k'èaht'e t'à ehkw'ı ehda k'ę̀ę̀ sııtà ha dehwhǫ-le, hanìkò Zezì-Krı segha ehkw'ı adı t'à ehkw'ı ehda k'ę̀ę̀ sııtà ha dehwhǫ. Ehkw'ı ts'eeda k'ę̀ę̀ goıtàa sìı Nǫ̀htsı̨ wedahxà hǫt'e, eyıts'ǫ goxı̨ ehkw'ı adı wets'ı̨ı̨hwhǫ t'à.

2 Thessalonıca 2:4

Eyı dǫ wejıı sìı t'asìı hazǫǫ̀ dǫ Nǫ̀htsı̨ gìt'ı̨ı̨ sìı eyıts'ǫ t'asìı hazǫǫ̀ ts'ǫ̀ yagehtıı sìı k'èch'a k'ehoɂa xè gınahk'e ehłı̨ hadı ha. Eyıt'à Nǫ̀htsı̨kǫ̀-gocho goyìı wheda gà Nǫ̀htsı̨ aht'e edèhdı ha.

1 John 4:16

Eyıt'à Nǫ̀htsı̨ goghǫneètǫ hotıì wek'èts'eezǫ, eyıts'ǫ gogha ehkw'ı-ahodı. Nǫ̀htsı̨ sìı ełeghǫnets'eètǫǫ elı̨ hǫt'e. Amìı ełeghǫnets'eètǫǫ k'ę̀ę̀ edaa sìı Nǫ̀htsı̨ yedzeè yìı nàdè hǫt'e, eyıts'ǫ ededı̨ sı Nǫ̀htsı̨ xè nàdè hǫt'e.

1 John 4:19

Nǫ̀htsı̨ ededı̨ t'akwełǫ̀ǫ̀ goghǫneètǫ ts'ıhɂǫ̀ goxı̨ sı ełeghǫnets'eètǫ hǫt'e.

John Wenazhıı 12:9

Eyı tıts'aàdìıcho dek'oo sìı ı̨nę̀ę whaà gots'ǫ gòocho hǫt'e. Eyı sìı wehłı̨ı̨ hanì-le-ı̨dè “Satan” wìyeh hǫt'e. Ededı̨ sìı dıı nèk'e dǫ hazǫǫ̀ ekǫ-le ts'ǫ̀ goèhɂa. Wets'ǫ yak'eet'ı̨łı̨ı̨ xè dıı nèk'e ts'ǫ̀ gogeèhde.

John Wenazhıı 13:14

Tıts'aàdìı wekwì łǫ̀hdı̨ wedahxà hanì enıìyah deè hòèhtsı̨ t'à dıı nèk'e dǫ goghǫyaàɂǫ. Weyatıì k'e tıts'aàdìı nechàa behcho t'à gego hanìkò xàı̨dàa sìı kwe t'à wek'ę̀ę̀ wègaat'ı̨ı̨ nàı̨hɂaà agı̨į̀là. Eyıt'à tıts'aàdìı wekwì łǫ̀hdı̨ ghàsǫgeedıì agǫ̀ǫ̀là.

John Wenazhıı 19:20

Hanìkò tıts'aàdìı nechàa dagıachì eyıts'ǫ wets'ǫ nakwenàoɂǫǫ ehkw'ı gode-le sìı eyı sı dagıachì. Eyı nakwenàoɂǫǫ sìı tıts'aàdìı nechàa dahxà enıìyah hòèhtsı̨ t'à dǫ łǫ tıts'aàdìı nechàa wıızì gık'e wheɂǫǫ eyıts'ǫ kwe wek'ę̀ę̀ hòèlı̨ ts'ǫ̀ nàgògı̨ı̨hgèe sìı ts'ıɂǫ̀ geèdeè agǫ̀ǫ̀là. Eyı tıts'aàdìı nechàa eyıts'ǫ wets'ǫ nakwenàoɂǫǫ-łı̨ı̨ ı̨łaà geeda et'ıì, kwe dèk'ǫ̀ǫ ta ts'ǫ̀ gogeèhde.

John Wenazhıı 2:24

Nǫ̀htsı̨ wecheekeè eyıì-le kǫ̀ta Thıyatıra nàgedèe sìı gıts'ǫ̀ yatı nèehɂà ha. Eyı ts'èko wek'ę̀ę̀ eghàlaahda-le eyıts'ǫ wehłı̨ı̨ wenàowoò weghàdeahtǫ-le. Dǫ mǫ̀hdaa eyı nàowo gıgha wet'àaɂà t'à dǫ gıghàdeetǫ ha gı̨ı̨wǫ. Naxı̨ eyı nàowo dahwhǫ-le sìı dıı yatı naxıghàehɂǫ, (weɂǫ̀ǫ̀ t'asìı naxıgha dezhìı sìı ts'ǫ̀ naxeehɂa ha-le):

John Wenazhıı 20:3

Įzhıì dèè goyìı gǫǫ̀ɂàa ekǫ goyìı yı̨ı̨hxà gà wets'ǫdaàdoò ayį̀į̀là. Dǫ wı̨ı̨zìı yets'ǫ̀ enìxàechı ha-le ayį̀į̀là. Eyıt'à ı̨łè-lemì xo gots'ǫ̀ eyı tıts'aàdìıcho dek'oo sìı dǫ hazǫǫ̀ xàɂaa ts'ıɂǫ̀ geedè agole ha-le. Eyı tł'axǫǫ̀ nı̨dè whaà-lea ts'ǫ̀ xàetłaà agele ha.

John Wenazhıı 20:7

Įłè-lemì xo k'ehǫǫwo nı̨dè wehłı̨ı̨ sìı wedaànìı̨tǫ ts'ǫ xàetłaà agele ha.