Rome 8:36 - Nǫ̀htsı̨ Nı̨htł'è

³⁶ Dıı hanì dek'eèhtł'è: “Dzę ghàà nets'ıhɂǫ̀ ełaàts'ede ha lanì goxè hòɂǫ, sahzǫ̀ą ełaàgıìhwhı ha lanì gots'ǫ̀ nageɂa,” dek'eèhtł'è.

Rome 8:36 ပူးပေါင်းရင်းမြစ်များ

John 16:2

Gıts'ǫ ełègehdèe-kǫ̀ gots'ǫǫ̀ xànaxegeezhı ha ne. Whaà-le-t'ıì dǫ ełaànaxegìhde ha eyıts'ǫ Nǫ̀htsı̨ gha sìghà aget'ı̨ gı̨ı̨wǫ ha.

Zezì Wecheekeèdeè 20:24

Hanìkò edegha ehda ha segha wet'àaɂà-le. Gots'ǫ̀ K'àowo la nechàa seghàı̨ɂǫǫ sìı welǫ ts'ǫ̀ weghǫ naht'è ha, eyı zǫ dehwhǫ. Nǫ̀htsı̨ gots'ǫ̀ sǫnıwǫǫ sìı eyı godı nezı̨ı̨ t'à dǫ ts'ǫ̀ gohde ha hǫt'e.

Zezì Wecheekeèdeè 8:32

Eyı k'àowo sìı enı̨htł'è k'e dıı hanì dek'eèhtł'è yek'eyahtı ı̨lè: “Sahzǫ̀ą edeweè ts'ǫ̀ etłe lanì natł'ıgıaxà. Sahzǫ̀ą weghàà xaget'à kò t'asadı-le, eyı lanì xàyaı̨htı-le.

1 Corınth 15:30

Eyıts'ǫ goxı̨ sìı ayìıha t'aats'ǫǫ̀ hoejı̨į̀ edeghàlats'eeda welì?

1 Corınth 15:31

Sèot'ı̨ı̨, dzę taàt'eè seweè hołè ha lanì. Ehkw'ı anaxèehsı̨, Zezì-Krı naxıgha ehkw'ı-ahodı t'à naxıghǫ sıì sınà hǫt'e.

1 Corınth 4:9

Weghǫ nànıhwho nı̨dè goxı̨ Nǫ̀htsı̨ wecheekeèdeè ts'ı̨ı̨lı̨ı̨ sìı nǫǫde ts'ǫ̀ ts'eèhkw'e lanì agǫ̀ǫ̀là. Sǫnàts'edèe k'è dǫ gınadąą̀ goweè hołè ha gosınìyaetı lagǫ̀ǫ̀là. T'asìı hazǫǫ̀ hòèlı̨ı̨ yak'eet'ı̨į̀ dǫ hazǫǫ̀ gınadąą̀ hanì gògaat'ı̨į̀ agǫ̀ǫ̀là.

2 Corınth 1:9

Hòt'a ełaàts'ede ha hotıì hats'ı̨ı̨wǫ ı̨lè. Goxı̨ edets'àts'edı ts'ı̨ı̨wo ha-le t'à goxè hagòjà, hanìkò Nǫ̀htsı̨ dǫ naìdà ayehɂı̨ı̨ sìı ededı̨ wets'ǫ̀ hoèlı̨ ts'ı̨ı̨wǫ ha t'à goxè hagòjà hǫt'e.

2 Corınth 11:23

Zezì-Krı wecheekeè agı̨ı̨t'e nì? Sı̨ gınahk'e wecheekeèdeè aht'e. (Sıì ezhı̨ne k'ę̀ę̀ gohde laehsı̨.) Gınahk'e hòtł'ò eghàlaıhdà, gınahk'e dǫ-danìı̨laa-kǫ̀ ıhdà, gınahk'e nàsegı̨ı̨hkwa, eyıts'ǫ gınahk'e gǫı̨tłǫǫ̀ ełaıhwho-t'e.

2 Corınth 6:9

dǫ gok'ègeezǫ kò gok'ègeezǫ-le lanì gots'ǫ̀ nageɂa; ełaàts'ede ha welì lanì hanìkò ı̨łaà ts'eeda hǫt'e; nàgoakwa hanìkò ełaàts'ı̨ı̨dè-le,

Phılıppı 3:10

Zezì-Krı wek'èehsǫ ha dehwhǫ, eyıts'ǫ dànì nàtso xè naìdàa sìı wet'à ehda ha dehwhǫ. Dànì daı̨ɂàa eyıts'ǫ dànì ełaı̨woo sìı wexèht'eè laahde ha dehwhǫ,