Rome 8:26 - Nǫ̀htsı̨ Nı̨htł'è

²⁶ Eyı xèht'eè edegha nàts'etso-le t'à Yedàyeh Nezı̨ı̨ gots'àdı xè hǫetse hǫt'e. Ayìı gha yats'ehtı ha sìı deghàà wek'èts'eezǫ nıìle, hanìkò Yedàyeh Nezı̨ı̨ hǫetse ladı xè gogha yahtı hǫt'e. Dànì hǫetsee sìı wegha yatı whìle hǫt'e.

Rome 8:26 ပူးပေါင်းရင်းမြစ်များ

Matthew 10:20

Xàè naxıyatıì t'à goahde ha nıìle; Nǫ̀htsı-Naxıtà wets'ǫ Įnì Degaı naxıwà t'à gode ha.

Matthew 20:22

Zezì eyı ts'èko eyıts'ǫ weza ts'ǫ̀ hadı, “Ayìı aahkèe sìı wek'èahsǫ nıìle. Lıbò wets'ǫ ehdǫ ha sìı wets'ǫ aahdǫ ha dìì-le nì?” gòhdı. “Hęɂę, hats'ede ha dìì-le,” gıìhdı.

Luke 22:44

Sıì wegha dìì agòjà t'à denahk'e hòtł'ò Nǫ̀htsı̨ ts'ǫ̀ yahtı. Wınìtì edoò lanì dèè k'e det'e.

John 14:16

Setà naxıgha weehkè ha, setł'axǫǫ̀ naxıts'àdıı elı̨ ha sìı naxıts'ǫ̀ ayele ha, welǫ whìle ts'ǫ̀ naxıts'ǫ̀-èlı̨ ha.

Rome 15:1

Goxı̨ eyı hanıı ghǫ goınì nàtso nı̨dè dǫ gınì nàtso-le sìı gıts'àts'edı ha hǫt'e, eyıts'ǫ t'ats'ı̨ı̨wǫ k'ę̀ę̀ zǫ k'ehots'eɂa ha nıìle.

Rome 7:24

Eyıt'à sıì sexè gots'eèdı hǫt'e! Dıı sezhį̀į̀ wet'à ełaehwhı ha sìı amìı yech'à edaxàsį̀ı̨htı̨ lì?

Rome 8:15

Įnì naxıts'ǫ̀ ajàa sìı naxınì dejı̨ ha anaxį̀į̀là nıìle, hanìkò Yedàyeh Nezı̨ı̨ naxık'e ajà t'à Nǫ̀htsı̨ weza aahłı̨ hǫt'e. Yedàyeh Nezı̨ı̨ wedahxà, “Abà, Setà,” ts'edı hǫt'e.

2 Corınth 5:2

Hanìkò ı̨łaà dıı nèk'e ts'eeda et'ıì godzeè etse, yak'e gokǫ̀ yìı nàts'edè ha ts'ı̨ı̨wǫ t'à.

2 Corınth 5:4

Įłaà dıı nèk'e nı̨hbàa yìı ts'eeda et'ıì godzeè etse xè dats'ı̨ı̨ɂa hǫt'e. Etets'eèt'ı̨ ha ts'ı̨ı̨wǫ-le, hanìkò yak'e gokǫ̀ yìı nàts'edè ha ts'ı̨ı̨wǫ. Gozhį̀į̀ ełaàwıı sìı gozhį̀į̀ welǫ whìle ts'ǫ̀ eda ts'ǫ̀ łatats'eedè ha ts'ı̨ı̨wǫ.

Galatıa 4:6

Weza ats'ı̨ı̨t'e t'à Nǫ̀htsı̨ Edeza wets'ǫ Įnì Degaı godzeè yìı ayį̀į̀là. Yedàyeh Nezı̨ı̨ ededı̨ sìı godzeè yìı “Abà, Setà,” hadı.

Ephesus 2:18

Goxı̨ dǫ nàke xàɂaa ts'ı̨ı̨lı̨ı̨ sìı ededı̨ wet'à Yedàyeh Nezı̨ı̨ goghàı̨ɂǫ t'à, Nǫ̀htsı̨-Gotà ts'ǫ̀ ats'ede ha gogha dìì-le ayį̀į̀là hǫt'e.

Ephesus 6:18

Eyıts'ǫ Yedàyeh Nezı̨ı̨ naxıts'àdı t'à t'asìı hazǫǫ̀ xàɂaa gha yaahtı eyıts'ǫ naxıts'àdı ha weahkè. Eyıt'à hotıì kexoahdı eyıts'ǫ t'aats'ǫǫ̀ Nǫ̀htsı̨ wets'ǫ dǫ hazǫǫ̀ gha yaahtı.

Hebrew 4:15

Gogha yahtıı-wet'àaɂàa-deè elı̨ı̨ sìı dànì nàts'etso-le t'à dǫ ts'ı̨ı̨lı̨ı̨ sìı yek'èezǫ hǫt'e. Goxèht'eè t'asìı hazǫǫ̀ t'à weèdzà ı̨lè hǫt'e, hanìkò hołı̨ı̨ wı̨ı̨zìı wek'e wheɂǫ-le.

Hebrew 5:2

Hanì yahtıı-wet'àaɂàa-deè elı̨ı̨ sìı dǫ t'asìı k'ègeezǫ-le t'à ts'ıɂǫ̀ geedèe sìı gok'èezǫ xè etegoèhɂı̨ hǫt'e, ededı̨ sı goxèht'eè nàtso-le hǫt'e t'à.

James 4:3

Weahkè sǫnı kò t'asìı naxıghǫ̀t'à-le nı̨dè naxınì ekǫ-le t'à weahkè ts'ıhɂǫ̀ hǫt'e. T'asìı naxıghǫ̀t'ǫ nı̨dè sìgoèt'ı̨ı̨ zǫ ts'ǫ̀ wek'ehoahwhı ha dahwhǫ.