Rome 8:25 - Nǫ̀htsı̨ Nı̨htł'è

²⁵ Hanìkò t'asìı wekanıts'eèɂàa sìı ı̨łaà gots'ǫ-le nı̨dè, ts'èwhı̨į̀ wek'enats'eèhɂı̨.

Rome 8:25 ပူးပေါင်းရင်းမြစ်များ

Dànì Kèhoį̀wo 49:18

“Sets'ǫ̀ K'àowo, edaxàsı̨ı̨htè ha nedanaehɂı̨.

Luke 21:19

Naxıgha ehkw'ı-ahodı t'à naxınì nàtso nı̨dè, welǫ whìle ts'ǫ̀ aahda ha.

Luke 8:15

Ekò dǫ gıdzeè nezı̨ı̨ sìı wet'à-t'asìı-dehshee dèè nezı̨ı̨ k'e nàı̨tł'ı lagı̨ı̨t'e. Yatı gıìkw'o xè edegha yatı gìhchı eyıts'ǫ gıdeechı-le, eyıt'à t'asìı nezı̨ı̨ łǫ geehshe,” Zezì gòhdı.

Rome 12:12

Įdaà naxıxè sìghà hòɂǫ ha t'à naxınà welè, naxıgha hoìla nı̨dè wexè ts'èwhı̨į̀ aahda eyıts'ǫ t'aats'ǫǫ̀ yaahtı.

Rome 2:7

Dǫ t'aats'ǫǫ̀ Nǫ̀htsı̨ gha nezı̨į̀ k'ehogeɂaa sìı gıxè enıìyah hòɂǫ ha, Nǫ̀htsı̨ goghǫ sìghà anıwǫ ha, eyıts'ǫ welǫ whìle ts'ǫ̀ geeda gha aget'ı̨ hǫt'e. Hanıı dǫ sìı Nǫ̀htsı̨ welǫ whìle ts'ǫ̀ geedaà agole ha hǫt'e.

Rome 8:23

T'asìı hòèlı̨ı̨ zǫ hanì dagı̨ı̨ɂa nıìle, goxı̨ sı Yedàyeh Nezı̨ı̨ hòt'a goyìı eghàlaeda ats'ı̨ı̨t'ee sìı godzeè t'à hǫts'eetse hǫt'e. Łǫ̀ǫ̀ Nǫ̀htsı̨ weza ts'ı̨ı̨lı̨ ha gòìhchı ha, eyıts'ǫ gozhį̀į̀ deghàà edaxàzhe ha wekanıts'eèɂà xè wek'enats'eèhɂı̨.

Colosse 1:11

Nǫ̀htsı̨ sìı enıìyah t'à nàtso hǫt'e, eyıt'à naxı̨ sı nàahtsoò anaxele ha. Hanì-ı̨dè weghǫ naxınì nàtso ha eyıts'ǫ ts'èwhı̨į̀ dahwhǫ ha. Naxınà xè

1 Thessalonıca 1:3

Naxıgha ehkw'ı-ahodı t'à hòtł'ò eghàlaahdaa sìı weghǫ t'aats'ǫǫ̀ Nǫ̀htsı̨-Gotà masì wèts'edı hǫt'e. Gots'ǫ̀ K'àowo Zezì-Krı weghǫ naxınì nàtso t'à ełeghǫnıahtǫ xè wek'ę̀ę̀ hòtł'ò eghàlaahda eyıts'ǫ weghǫnaaht'è-le.

2 Thessalonıca 3:5

Nǫ̀htsı̨ dànì goghǫneètǫǫ wek'ę̀ę̀ gots'ǫ̀ K'àowo naxıdzeè t'à ełeghǫnıahtǫǫ̀ anaxııle, eyıts'ǫ Zezì-Krı wegha hoìla kò dànì edınì nàtso ayį̀į̀hwhǫ k'ę̀ę̀ gots'ǫ̀ K'àowo naxınì nàtsoò ayııle.

Hebrew 10:36

Naxıxè hoìla kò ı̨łaà naxınì nàtso ha hǫt'e. Nǫ̀htsı̨ wınì k'ę̀ę̀ aahda tł'axǫǫ̀ nı̨dè naxıgha edeyatıì k'ę̀ę̀ eghàlaeda ha hǫt'e.

Hebrew 6:12

Gots'eahdì aahde ha naxıts'ı̨ı̨hwhǫ-le, hanìkò dǫ gıgha ehkw'ı-ahodı xè ts'èwhı̨į̀ nageèhɂı̨ t'à ayìı gıdawheɂǫ gıghǫ̀t'à ha sìı gıxèahɂı̨ ha naxıts'ı̨ı̨hwhǫ.

Hebrew 6:15

Eyıt'à Abraham whaà yedanaèhɂı̨ tł'axǫǫ̀, Nǫ̀htsı̨ ayìı yegha dàle ha dıı sìı weghǫ̀t'ǫ.

John Wenazhıı 1:9

Sı̨ sìı nèot'ı̨ John aht'e. Naxıxèht'eè Zezì wedahxà ts'èwhı̨į̀ daehɂa, eyıts'ǫ naxıxèht'eè Nǫ̀htsı̨ wenàowoò k'ę̀ę̀ ehda. Nǫ̀htsı̨ weyatıì eyıts'ǫ Zezì wegodıì t'à gohde ts'ıhɂǫ̀ dıı dzęę̀ k'e dı Patmos gòyeh k'e whıhda hǫt'e.

John Wenazhıı 13:10

Amìı wedaànìı̨tǫ wegha hòɂǫǫ sìı wedaànìı̨tǫ ha hǫt'e. Amìı behcho t'à ełaàwı wegha hòɂǫǫ sìı behcho t'à ełaàwı ha hǫt'e. Eyıt'à Nǫ̀htsı̨ wets'ǫ dǫ ts'èwhı̨į̀ dagı̨ı̨ɂa xè edınì nàtsoò agı̨ı̨hwhǫ ha hǫt'e.

John Wenazhıı 14:12

Hanì hòɂǫ ha t'à Nǫ̀htsı̨ wets'ǫ dǫ degaı sìı ts'èwhı̨į̀ nageèhɂı̨ ha hǫt'e. Nǫ̀htsı̨ wenàowoò k'èagııt'è eyıts'ǫ Zezì ts'ǫ̀ edınì nàtsoò agııle.