Rome 8:21 - Nǫ̀htsı̨ Nı̨htł'è

²¹ Hanìkò ı̨daà nı̨dè Nǫ̀htsı̨ t'asìı hazǫǫ̀ tsį̀wı ch'à edaxàyele ha hǫt'e. Nǫ̀htsı̨ weza agı̨ı̨t'ee sìı k'achı̨ hołı̨ı̨ gots'ǫ̀ k'àowo ha-le, t'asìı hazǫǫ̀ hòèlı̨ı̨ sìı gıxè whela ha eyıts'ǫ enıìyah xè sìghà geeda ha.

Rome 8:21 ပူးပေါင်းရင်းမြစ်များ

Zezì Wecheekeèdeè 3:21

Nǫ̀htsı̨ t'asìı hazǫǫ̀ ehkw'ı hòɂǫǫ̀ ayele gots'ǫ̀, Chrıst yak'e wheda ha hǫt'e. T'akwe whaà nakwenàoɂǫǫ degaı gı̨ı̨lı̨ı̨ sìı Nǫ̀htsı̨ gha gogı̨ı̨de t'à Nǫ̀htsı̨ edeyatıì k'ę̀ę̀ hohtsı̨ ha hadı ı̨lè.

Rome 8:19

Dıı nèe eyıts'ǫ t'asìı hazǫǫ̀ wek'e hòèlı̨ı̨ sìı ı̨daà Nǫ̀htsı̨ weza gìgoèht'į̀ agedle ha sìı ts'ǫ̀ kanıgeèɂà hǫt'e.

Rome 8:30

Nǫ̀htsı̨ nadąą̀ dǫ weza gı̨ı̨lı̨ ha gòį̀hchì ı̨lèe sìı gokayaı̨htı hǫt'e; dǫ gokayaı̨htıı sìı ehkw'ı agǫ̀ǫ̀là; eyıts'ǫ dǫ ehkw'ı agǫ̀ǫ̀làa sìı welǫ whìle ts'ǫ̀ gıxè enıìyah hòɂǫǫ̀ agǫ̀ǫ̀là.

1 Corınth 15:42

Dǫ naìdàa dzęę̀ k'e nı̨dè eyı lagǫ̀ht'e ha. Gozhį̀į̀ sìı t'asìı dehshee wejìì dèè goyìı ı̨hjı lade ha, hanìkò nats'ìdà nı̨dè gozhį̀į̀ welǫ whìle ts'ǫ̀ eda ha.

Hebrew 12:27

“K'achı̨ ı̨łàà,” hadıı sìı t'asìı hazǫǫ̀ wexè nàgoìdà ha sìı wedę adle ha dıì-adı. T'asìı hòèlı̨ı̨ sìı whìle adle ha, eyıts'ǫ t'asìı nàeda ha dìì sìı welǫ whìle ts'ǫ̀ whela ha.

2 Peter 3:13

Hanìkò Nǫ̀htsı̨ weyatıì k'ę̀ę̀ agode ha sìı gogha ehkw'ı-ahodı, yak'e wegòò eyıts'ǫ dèè wegòò gǫ̀hłı̨ ha t'à goınà xè wexats'eelı hǫt'e. Ekǫ nı̨dè nàowo ehkw'ıı zǫ k'ę̀ę̀ ts'eeda ha.

John Wenazhıı 21:1

Eyı tł'axǫǫ̀ yak'e wegòò eyıts'ǫ dèè wegòò wègoèht'į̀. T'akwełǫ̀ǫ̀ gots'ǫ yak'e eyıts'ǫ dèè sı whìle ajà, eyıts'ǫ tıcho sı whìle ajà.