Rome 8:2 - Nǫ̀htsı̨ Nı̨htł'è

² Zezì-Krı wedahxà Yedàyeh Nezı̨ı̨ wet'à ts'eedaa sìı hołı̨ı̨-nàowoò eyıts'ǫ ełaàts'ewıı nàowoò ch'à edaxàgohtè hǫt'e.

Rome 8:2 ပူးပေါင်းရင်းမြစ်များ

John 4:10

Zezì hayèhdı, “Nǫ̀htsı̨ ayìı dǫ ghàɂàa sìı wek'èı̨zǫ nı̨dè, eyıts'ǫ amìı tı neekèe sìı wek'èı̨zǫ nı̨dè, tı wı̨ı̨kè ha ı̨lè. Hanì-ı̨dè tı wet'à ts'eedaa neghàedı ha ı̨lè,” yèhdı.

John 4:14

Hanìkò amìı tı weghàehdıı sìı k'achı̨ tı wı̨ı̨zìı ghaewı ha nıìle. Tı weghàehdıı sìı weyìı gots'ǫ tı xàelı̨ı̨ lade ha; yet'à welǫ whìle ts'ǫ̀ eda ha,” yèhdı.

John 6:63

Yedàyeh Nezı̨ı̨ wet'à ts'eeda hǫt'e, dǫ wezhį̀į̀ t'asìı elı̨ nıìle. Ayìı ghǫ gohdee sìı Yedàyeh Nezı̨ı̨ wets'ǫ hǫt'e, eyı yatı wet'à ts'eeda hǫt'e.

John 8:32

Secheekeè aaht'e nı̨dè nàowo ehkw'ıı k'èhoahsǫ ha, nàowo ehkw'ıı k'èhoahsǫ nı̨dè k'achı̨ t'asìı wı̨ı̨zìı naxıts'ǫ̀ k'àowo ha nıìle,” Zezì gòhdı.

John 8:36

Eyıt'à Nǫ̀htsı̨ Weza sìı t'asìı naxıts'ǫ̀ k'àowo-le anaxį̀į̀là nı̨dè hòt'ałǫ̀ǫ̀ t'asìı wı̨ı̨zìı naxıts'ǫ̀ k'àowo ha nıìle.

Rome 16:3

Aquıla eyıts'ǫ wets'èkeè Prıscılla segha, “Naxıxè sìghà welè,” gìahdı. Sexè Zezì-Krı gha eghàlageedaa-dǫǫ̀ agı̨ı̨t'e.

Rome 3:27

Eyıt'à dànì edeghǫ xàdahots'edì welì? Xàdahots'edì ha honàedı nıìle! Ayìı nàowo t'à ehkw'ıì ats'ejà ts'edı welì? Moses wenàowoò k'èts'edì t'à ehkw'ı goıtà ts'edı ha nì? Į̀le ne, hanìkò Zezì gogha ehkw'ı adı t'à ehkw'ı ts'eedaa k'ę̀ę̀ goıtà ha hǫt'e.

Rome 5:21

Hanì hòɂǫ t'à hołı̨ı̨ ts'ıhɂǫ̀ dǫ ełaàgede ı̨lè, hanìkò Nǫ̀htsı̨ gots'ǫ̀ sǫnıwǫ t'à ehkw'ı geedaa k'ę̀ę̀ gııtà agole ha, eyıts'ǫ Zezì-Krı wet'ǫ̀ǫ̀ welǫ whìle ts'ǫ̀ geedaà agole ha.

Rome 6:14

K'achı̨ hołı̨ı̨ naxıts'ǫ̀ k'àhowo welè-le, Moses wenàowoò tł'a dahkw'e nıìle t'à, hanìkò Nǫ̀htsı̨ wesǫnıwǫ tł'a dahkw'e hǫt'e.

Rome 6:18

Hołı̨ı̨ naxıts'ǫ̀ k'àowo-le anaxììdlà; naxınì hołı̨ı̨ nıwǫǫ sìı wek'èaht'e ha naxıdaèt'è-le ajà. Ehkw'ı ts'eedaa nàowo sìı naxıts'ǫ̀ k'àowo ajà.

Rome 6:22

Hanìkò dıì sìı hołı̨ı̨ naxıts'ǫ̀ k'àowo-le ajà, eyıts'ǫ Nǫ̀htsı̨ naxıts'ǫ̀ k'àowoò aahjà. Hanì goxè hòɂǫ nı̨dè degaı ts'ı̨ı̨lı̨į̀ ats'ede ha, eyıts'ǫ welǫ whìle ts'ǫ̀ ts'eedaà agole ha.

Rome 7:21

Eyıt'à dıı hanì sexè hòɂǫ: Nàowo nezı̨ı̨ eghàlaehda ha dehwhǫ kò nàowołı̨ı̨ sedaèht'è.

Rome 7:23

hanìkò nàowołı̨ı̨ sezhį̀į̀ yìı eghàlaedaa sìı nàowo nezı̨ı̨ sedzeè yìı wheɂǫǫ k'èch'a eghàlaeda wek'èehsǫ. Hołı̨ı̨-nàowoò seyìı eghàlaedaa sìı sets'ǫ̀ k'àhowo t'à sedaàtǫ laaht'e.

Rome 7:4

Eyıt'à sèot'ı̨ı̨, Zezì ełaı̨wo ts'ıhɂǫ̀ Moses wenàowoò ts'ǫ̀ ełaahdè k'ę̀ę̀ naxııtà. Hanì-ı̨dè eyıì-le wets'ǫ aaht'e ha, Zezì-Krı gogha naìdà wets'ǫ aaht'e ha, eyıt'à Nǫ̀htsı̨ wınì k'ę̀ę̀ aahda ha hǫt'e.

Rome 8:1

Hanìkò amìı Zezì-Krı xè aget'ı̨ı̨ sìı ełaàgede gha gısınìyaetı ha-le.

1 Corınth 15:45

Dıı hanì dek'eèhtł'è: “Adǫ̀ t'akwełǫ̀ǫ̀ gots'ǫ ne sìı Nǫ̀htsı̨ edaà ayį̀į̀là,” dek'eèhtł'è. Adǫ̀ nǫǫde sìı ı̨nì hǫt'e, wets'ıhɂǫ̀, dǫ eda hǫt'e.

2 Corınth 3:17

Gots'ǫ̀ K'àowo Įnì Degaı hǫt'e, eyıts'ǫ edı̨į̀ gots'ǫ̀ K'àowo wets'ǫ Įnì Degaı wehòhɂǫǫ sìı dǫ k'ahogedè agììdlà hǫt'e.

2 Corınth 3:6

Nakenahòdlı̨ı̨ wegòò k'ę̀ę̀ nezı̨į̀ eghàlats'eeda gha wecheekeè ts'ı̨ı̨lı̨į̀ agǫ̀ǫ̀là. Eyı nàowo gòò sìı nàowo zǫą xèht'eè nıìle, hanìkò Yedàyeh Nezı̨ı̨ wenàowoò hǫt'e. Nàowo zǫą dek'eèhtł'èe sìı ełaàts'edeè agohɂı̨, hanìkò Yedàyeh Nezı̨ı̨ wet'à ts'eeda hǫt'e.

Galatıa 2:19

Moses wenàowoò ts'ǫǫ̀hk'e ełaıhwho laht'e, hanì-ı̨dè Nǫ̀htsı̨ wegha ehda ha.

Galatıa 5:1

Zezì-Krı t'asìı wı̨ı̨zìı t'à dagoetł'ı̨ ha-le nıwǫ t'à edaxàgoı̨la hǫt'e. Eyıt'à naxınì nàtsoò aahłe, k'achı̨ dıı nek'e ts'ǫ t'asìı wı̨ı̨zìı naxıts'ǫ̀ k'àowo welè-le, eyı wet'à edegha hoìla hoahtsı̨-le.

Galatıa 6:2

Naxıgha hoìla nı̨dè ełets'àahdı. Haaht'ı̨ nı̨dè Zezì-Krı wenàowoò k'ę̀ę̀ deghàà aahda hǫt'e.

James 1:25

Nàowo wedeèdlı̨ı̨ sìı hołı̨ı̨ gots'ǫ̀ k'àowo-le ayehɂı̨ hǫt'e. Ayìı nezı̨į̀ ts'ıìkw'oo sìı t'aats'ǫǫ̀ wenats'edì xè wek'ę̀ę̀ eghàlats'eeda nı̨dè goxè sìghà hǫt'e.

John Wenazhıı 11:11

Hanìkò taı dzęę̀ daats'ǫ̀ tanı tł'axǫǫ̀ Nǫ̀htsı̨ gok'e ehsò t'à nagìdà agǫ̀ǫ̀là. Nàgeèhzaà agejà t'à amìı gogıaɂı̨ı̨ sìı sıì geèhyeh.

John Wenazhıı 22:1

Eyı tł'axǫǫ̀ yak'eet'ı̨į̀ deh nıɂàa ts'ǫ tı wet'à ts'eedaa sìı weghàehdaà asį̀į̀là. Eyı tı sìı eja lanì wenı̨ı̨dàà xègaat'ı̨ eyıts'ǫ Nǫ̀htsı̨ wedaèhchı̨cho gots'ǫ eyıts'ǫ Sahzǫ̀ą sı gots'ǫ tı nı̨ı̨lı̨ hǫt'e.