Rome 8:18 - Nǫ̀htsı̨ Nı̨htł'è

¹⁸ Įdaà nìhǫǫwo-ı̨dè Nǫ̀htsı̨ dànì enıìyah k'ę̀ę̀ gots'ǫ̀ eghàlaeda ha sìı weghǫ nànıhwho nı̨dè, dıì dats'ı̨ı̨ɂaa sìı segha t'asìı nıìle.

Rome 8:18 ပူးပေါင်းရင်းမြစ်များ

Zezì Wecheekeèdeè 20:24

Hanìkò edegha ehda ha segha wet'àaɂà-le. Gots'ǫ̀ K'àowo la nechàa seghàı̨ɂǫǫ sìı welǫ ts'ǫ̀ weghǫ naht'è ha, eyı zǫ dehwhǫ. Nǫ̀htsı̨ gots'ǫ̀ sǫnıwǫǫ sìı eyı godı nezı̨ı̨ t'à dǫ ts'ǫ̀ gohde ha hǫt'e.

Rome 8:19

Dıı nèe eyıts'ǫ t'asìı hazǫǫ̀ wek'e hòèlı̨ı̨ sìı ı̨daà Nǫ̀htsı̨ weza gìgoèht'į̀ agedle ha sìı ts'ǫ̀ kanıgeèɂà hǫt'e.

Colosse 3:4

Eyıt'à Zezì-Krı wets'ıhɂǫ̀ aahda, eyıts'ǫ K'àowocho enıìyah k'ę̀ę̀ wègoèht'į̀ nı̨dè naxı̨ sı wexè naxègaat'ı̨ ha hǫt'e.

2 Thessalonıca 2:14

Godı nezı̨ı̨ hoghànaxets'eèhtǫ eyı wet'à Nǫ̀htsı̨ naxıkayaı̨htı hǫt'e, hanì-ı̨dè gots'ǫ̀ K'àowo Zezì-Krı dànì wexè enıìyah hòɂǫǫ sìı wexè hanì naxıxè hòɂǫǫ̀ ayele ha hǫt'e.

Tıtus 2:13

Enıìyah deè nàhòwo ha ı̨łaà wek'enats'eèhɂı̨ et'ıì hanì nezı̨į̀ ts'eeda ha hǫt'e. Zezì-Krı Gonǫ̀htsı̨ eyıts'ǫ Edaxàgolee deè elı̨ı̨ sìı gots'ǫ̀ wègoèt'į̀ ha wek'enats'eèhɂı̨ hǫt'e.

Hebrew 11:35

Eyı xèht'eè ts'èko weza ełaı̨dèe sìı nagìdà agììdlà. Dǫ mǫ̀hdaa gıweè ts'ǫ̀ gıkwǫ̀ǫyaà-gogehɂı̨, hanìkò denahk'e hoı̨zı̨ ts'ǫ̀ nagìdà ha gı̨ı̨wǫ t'à, hanì dagı̨ı̨ɂaa sìı ch'à agede ha gı̨ı̨wǫ-le.

1 Peter 1:13

Eyıt'à nezı̨į̀ k'ehoahɂa gha naxınì nàtsoò aahłe. Nàowołı̨ı̨ ch'à edek'èahdì. Zezì-Krı wègoèht'į̀ nı̨dè Nǫ̀htsı̨ naxıts'ǫ̀ sǫnıwǫǫ̀ ade ha eyı ghǫ hòtł'ò naxıgha ehkw'ı-ahodı welè.

1 Peter 4:13

Hanìkò Zezì-Krı wexè daahɂaa sìı ghǫ naxınà welè, hanì-ı̨dè Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sıì naxınà ha hǫt'e.

1 Peter 5:1

Naxıgha k'aodèe gı̨ı̨lı̨ı̨ sìı gıdanatıehɂà ha. Naxıxèht'eè k'àowo aht'e eyıts'ǫ sedaà Zezì-Krı daı̨ɂà hǫt'e. Zezì-Krı enıìyah t'à K'àowocho k'ę̀ę̀ wègoèht'į̀ nı̨dè sı̨ sı wexè aht'ı̨ ha hǫt'e.

1 John 3:2

Seàgı̨ą, dıì Nǫ̀htsı̨ weza ats'ı̨ı̨t'e, ı̨daà dǫ dàhòt'ı̨ı̨ ts'ı̨ı̨lı̨ ha sìı ı̨łaà wek'èts'eezǫ nıìle. Hanìkò Zezì-Krı dànì wègaat'ı̨ k'ę̀ę̀ wets'eɂį̀ ha ne t'à nììtła nı̨dè wexèht'eè lats'ede ha wek'èts'eezǫ.