Rome 8:14 - Nǫ̀htsı̨ Nı̨htł'è

¹⁴ amìı Nǫ̀htsı̨ wets'ǫ Įnì gıts'ǫ̀ k'àhowoo sìı Nǫ̀htsı̨ weza agı̨ı̨t'e t'à.

Rome 8:14 ပူးပေါင်းရင်းမြစ်များ

Matthew 5:9

Amìı dǫ xè ts'èwhı̨į̀ hogehtsı̨ı̨ sìı gıxè sìghà hǫt'e; Nǫ̀htsı̨ weza gìyeh ha.

John 1:12

Hanìkò dǫ hazǫǫ̀ ehkw'ı adı gı̨ı̨hwhǫ xè wexè aget'ı̨ ha gı̨ı̨wǫǫ sìı Nǫ̀htsı̨ weza gı̨ı̨lı̨ k'ę̀ę̀ gııtà agǫ̀ǫ̀là.

Rome 8:19

Dıı nèe eyıts'ǫ t'asìı hazǫǫ̀ wek'e hòèlı̨ı̨ sìı ı̨daà Nǫ̀htsı̨ weza gìgoèht'į̀ agedle ha sìı ts'ǫ̀ kanıgeèɂà hǫt'e.

Rome 8:5

Dǫ edınìłı̨ı̨ k'ę̀ę̀ geedaa sìı gınìłı̨ı̨ t'anıwǫǫ sìı k'ę̀ę̀ gınì nàtsoò adegį̀į̀là. Hanìkò dǫ Yedàyeh Nezı̨ı̨ k'ę̀ę̀ geedaa sìı Yedàyeh Nezı̨ı̨ dànıwǫǫ sìı k'ę̀ę̀ gınì nàtsoò adegį̀į̀là.

Rome 8:9

Ekò naxı̨ sìı naxınìłı̨ı̨ naxıts'ǫ̀ k'àhowo nıìle, hanìkò Nǫ̀htsı̨ wets'ǫ Įnì naxıts'ǫ̀-èlı̨ nı̨dè Yedàyeh Nezı̨ı̨ naxıts'ǫ̀ k'àowo hǫt'e. Amìı Zezì-Krı wets'ǫ Įnì wets'ǫ̀-èlı̨-le nı̨dè Zezì-Krı wets'ǫ dǫ elı̨ nıìle.

Rome 9:26

Eyıts'ǫ dıı hanì dek'eèhtł'è: “Nǫ̀htsı̨ edı̨į̀ nèk'e dǫ gots'ǫ̀ dıı hadı, ‘Sets'ǫ dǫ aaht'e nıìle,’ gòhdı ı̨lèe sìı, eyı nèk'e et'ıì, ‘Nǫ̀htsı̨ Edaa weza agı̨ı̨t'e,’ gòhdı ha,” dek'eèhtł'è.

Rome 9:8

Eyıt'à dıı hats'edı ha dìì-le, Abraham wets'ıhɂǫ̀ǫ-dǫǫ̀ hazǫǫ̀ Nǫ̀htsı̨ weza gha gııtà nıìle, hanìkò Nǫ̀htsı̨ chekoa Abraham ghàyele ha dıı sìı eyı zǫ Abraham weza gha gııtà ha hǫt'e.

2 Corınth 6:18

“Naxıtà ehłı̨ ha, eyıts'ǫ naxı̨ seza eyıts'ǫ setì aahłı̨ ha, Nǫ̀htsı̨ t'asìı wegha dìì-le sìı hadı,” hǫt'e.

Galatıa 3:26

Zezì-Krı naxıgha ehkw'ı-ahodı dahxà naxı̨ hazǫǫ̀ Nǫ̀htsı̨ weza aaht'e.

Galatıa 4:5

Dǫ hazǫǫ̀ eyı nàowo tł'a geèhkw'ee sìı edaxàgole gha gots'ǫ̀ ajà, hanì-ı̨dè xàè Nǫ̀htsı̨ weza ts'ı̨ı̨lı̨ gha goghàhòt'à ha t'à ajà.

Galatıa 4:6

Weza ats'ı̨ı̨t'e t'à Nǫ̀htsı̨ Edeza wets'ǫ Įnì Degaı godzeè yìı ayį̀į̀là. Yedàyeh Nezı̨ı̨ ededı̨ sìı godzeè yìı “Abà, Setà,” hadı.

Galatıa 5:16

Eyıt'à, Yedàyeh Nezı̨ı̨ dahxà aahda ha naxèehsı̨. Haaht'e nı̨dè naxınìłı̨ı̨ t'anıwǫ k'ę̀ę̀ aahda ha nıìle.

Galatıa 5:18

Hanìkò Yedàyeh Nezı̨ı̨ k'enaxehɂı̨ nı̨dè, Moses wenàowoò tł'a dahkw'e nıìle.

Ephesus 1:5

ı̨nę̀ę whaà gots'ǫ Zezì-Krı wedahxà weza ts'ı̨ı̨lı̨ gha gòį̀hchì hǫt'e. Hanì ha nıwǫ xè wegha nezı̨.

Ephesus 5:9

(Dzęh ts'eeda nı̨dè t'asìı nezı̨ı̨ zǫ eghàlats'eeda, ehkw'ı k'ehots'eɂa eyıts'ǫ nàowo ehkw'ıı xè ts'eeda.)

1 John 3:1

Nǫ̀htsı̨-Gotà sıì goghǫneètǫ t'à Nǫ̀htsı̨ weza gòyeh agǫ̀ǫ̀là. Eyı sıì gogha enıìyah hǫt'e! Weza ats'ı̨ı̨t'e t'ıį̀t'e. Dıı nèk'e ts'ǫ dǫ Nǫ̀htsı̨ k'ègeezǫ-le t'à gok'ègeezǫ-le hǫt'e.

1 John 3:24

Amìı yenàowoò k'èı̨t'ee sìı Nǫ̀htsı̨ xè eda hǫt'e, eyıts'ǫ Nǫ̀htsı̨ yexè eda hǫt'e. Yedàyeh Nezı̨ı̨ goghàı̨ɂǫ t'à goxè eda wek'èts'eezǫ hǫt'e.

John Wenazhıı 21:7

T'aa hołı̨ı̨ ghǫ hoehnèe sìı eyı hazǫǫ̀ weghǫ̀zhe ha hǫt'e. Wenǫ̀htsı̨ ehłı̨ ha eyıts'ǫ ededı̨ seza elı̨ ha.