Rome 8:1 - Nǫ̀htsı̨ Nı̨htł'è

¹ Hanìkò amìı Zezì-Krı xè aget'ı̨ı̨ sìı ełaàgede gha gısınìyaetı ha-le.

Rome 8:1 ပူးပေါင်းရင်းမြစ်များ

John 14:20

Eyı dzęę̀ k'e nı̨dè sı̨ Setà wexè ı̨łè zǫ aht'e wek'èahsǫ ha; naxı̨ sexè ı̨łè zǫ aaht'e eyıts'ǫ sı̨ naxıxè ı̨łè zǫ aht'e wek'èahsǫ ha.

John 15:4

Sexè aahda nı̨dè sı̨ sı naxıxè nàhdè ha. Kw'ıhchı̨į̀ wı̨ı̨zìı ts'ı dę whatsǫǫ̀ wek'e jìecho dehshe ha dìì. Ts'ı k'e kw'ıhchı̨į̀ dehshe nı̨dè zǫ, wek'e jìecho dehshe hǫt'e. Eyı xèht'eè naxı̨ sı sedę aahda ha dìì.

John 5:24

“Ehkw'ı anaxèehsı̨, amìı seyatıì ıìkw'o xè t'aa sı̨ı̨hɂàa sìı ehkw'ı adı yı̨ı̨hwhǫǫ sìı welǫ whìle ts'ǫ̀ eda ha, eyıts'ǫ hoìla awedle ha-le. Ełaı̨wo gots'ǫ eda ts'ǫ̀ łataèhtła hǫt'e.

Rome 16:3

Aquıla eyıts'ǫ wets'èkeè Prıscılla segha, “Naxıxè sìghà welè,” gìahdı. Sexè Zezì-Krı gha eghàlageedaa-dǫǫ̀ agı̨ı̨t'e.

Rome 16:7

Sèot'ı̨ Andronıcus eyıts'ǫ ts'èko Junıyas ededı̨ sı hagìahdı. Eyı nàke sìı sexè dǫ-danìı̨laa-kǫ̀ geke ı̨lè. Nǫ̀htsı̨ wecheekeèdeè nezı̨į̀ goghǫ gogede eyıts'ǫ sekwe-t'ıì Zezì-Krı gıgha ehkw'ı-ahodı ı̨lè.

Rome 5:1

Eyıt'à gogha ehkw'ı-ahodı ts'ıhɂǫ̀ ehkw'ı agòìdlà, eyıts'ǫ gots'ǫ̀ K'àowo Zezì-Krı wets'ıhɂǫ̀ Nǫ̀htsı̨ wexè ts'èwhı̨į̀ ts'eeda.

Rome 5:16

Eyıts'ǫ dıı haehsı̨ ha dehwhǫ: Nǫ̀htsı̨ wet'à edaxàts'eedèe goghàyı̨ı̨ɂǫǫ sìı dǫ ı̨łè wehołı̨į̀ ts'ıhɂǫ̀ dǫ gıts'ǫ̀ dànàhòwoo sìı xèht'eè nıìle. Dǫ ı̨łè hołı̨ı̨ hòèhtsı̨ t'à dǫ hazǫǫ̀ gısınìyaetıı xè hoìla agììdlà, hanìkò dǫ hołı̨ı̨ łǫ hogèhtsı̨ tł'axǫǫ̀ Nǫ̀htsı̨ wet'à edaxàts'eedèe goghàyı̨ı̨ɂǫǫ sìı t'à ehkw'ı anagììdlà.

Rome 7:17

Eyı weghàà xàè sı̨ aht'ı̨-le wek'èehsǫ, hanìkò hołı̨ı̨ seyìı wheɂǫǫ sìı hołı̨ı̨ k'ę̀ę̀ eghàlaehdaà asehɂı̨.

Rome 7:20

Sı̨ hahwhǫ-le kò haht'ı̨ nı̨dè, sı̨ xàè aht'ı̨ nıìle, hanìkò hołı̨ı̨ seyìı wheɂǫǫ sìı eyı at'ı̨ hǫt'e.

Rome 8:11

Nǫ̀htsı̨ ededı̨ sìı Zezì naìdà ayį̀į̀là hǫt'e, eyıts'ǫ edets'ǫ Yedàyeh Nezı̨ı̨ t'à naxızhį̀į̀ ełaàde ha sìı naìdà ayele ha, Yedàyeh Nezı̨ı̨ naxıdzeè yìı nàdè ne t'à.

Rome 8:14

amìı Nǫ̀htsı̨ wets'ǫ Įnì gıts'ǫ̀ k'àhowoo sìı Nǫ̀htsı̨ weza agı̨ı̨t'e t'à.

Rome 8:2

Zezì-Krı wedahxà Yedàyeh Nezı̨ı̨ wet'à ts'eedaa sìı hołı̨ı̨-nàowoò eyıts'ǫ ełaàts'ewıı nàowoò ch'à edaxàgohtè hǫt'e.

Rome 8:34

Eyıt'à amìı ełaàts'ehde gha gosınìyaehtı ha? Dǫ wı̨ı̨zìı-le! Zezì-Krı gogha ełaı̨wo, gogha naìdà, eyıts'ǫ dıì Nǫ̀htsı̨ gà nàgots'ehnèe wheda xè gok'edaedı hǫt'e.

Rome 8:39

Įdòo yat'a k'àhogedèe, ı̨zhıì dèè gotł'a k'àhogedèe eyıts'ǫ Nǫ̀htsı̨ t'asìı hazǫǫ̀ whehtsı̨ gots'ǫ t'asìı wı̨ı̨zìı sìı Nǫ̀htsı̨ dànì goghǫneètǫ ch'à ı̨łak'aà agogele ha dìì hǫt'e, gots'ǫ̀ K'àowo Zezì-Krı wets'ıhɂǫ̀.

Rome 8:4

Hanì-ı̨dè Moses wenàowoò k'ę̀ę̀ t'asìı hazǫǫ̀ deghàà ehkw'ı hats'ele ha ı̨lèe sìı hòt'a godzeè yìı deghàà ajà. Dıì goınìłı̨ı̨ k'ę̀ę̀ ts'eeda nıìle, Yedàyeh Nezı̨ı̨ wek'ę̀ę̀ ts'eeda hǫt'e.

Rome 8:9

Ekò naxı̨ sìı naxınìłı̨ı̨ naxıts'ǫ̀ k'àhowo nıìle, hanìkò Nǫ̀htsı̨ wets'ǫ Įnì naxıts'ǫ̀-èlı̨ nı̨dè Yedàyeh Nezı̨ı̨ naxıts'ǫ̀ k'àowo hǫt'e. Amìı Zezì-Krı wets'ǫ Įnì wets'ǫ̀-èlı̨-le nı̨dè Zezì-Krı wets'ǫ dǫ elı̨ nıìle.

1 Corınth 1:30

Nǫ̀htsı̨ wets'ıhɂǫ̀ Zezì-Krı wexè aaht'e. Nǫ̀htsı̨ sìı Zezì-Krı t'à gots'ı̨ı̨zǫǫ̀ agǫ̀ǫ̀là, wet'ǫ̀ǫ̀ ehkw'ıì ats'ejà, wet'ǫ̀ǫ̀ degaı ts'ı̨ı̨lı̨, eyıts'ǫ wet'ǫ̀ǫ̀ welǫ whìle ts'ǫ̀ edaxàts'eedè hǫt'e.

1 Corınth 15:22

Adǫ̀ wets'ıhɂǫ̀, dǫ hazǫǫ̀ ełaàde hǫt'e, eyıts'ǫ Zezì-Krı wets'ıhɂǫ̀, dǫ hazǫǫ̀ nagìdà ha hǫt'e.

2 Corınth 12:2

Hoònǫ-daats'ǫ̀-dı̨ xo ekò Zezì wecheekeè ı̨łè yak'e denahk'e dagǫǫwà ts'ǫ̀ newıìtı̨ ı̨lè. Eyı dǫ edezhį̀į̀ yìı wheda, edezhį̀į̀ yìı wheda-le, wek'èehsǫ-le, Nǫ̀htsı̨ zǫ yek'èezǫ hǫt'e.

2 Corınth 5:17

Eyıt'à dǫ Zezì-Krı xè edaa sìı dǫgòò ìhłè hǫt'e. Wenàowoò zǫą sìı wedę adlà, wenàowogòò wetł'axǫǫ̀ ajà.

Galatıa 3:13

Moses wenàowoò k'èts'edì ha dìì t'à gosınìyaetı ch'à Zezì-Krı edaxàgoı̨la hǫt'e. Zezì gotł'axǫǫ̀ Nǫ̀htsı̨ yesınìyaı̨htı hǫt'e, dıı hanì dek'eèhtł'è t'à, “Dǫ dechı̨ k'e ełaàwìgwoo sìı hoìla gha wesınìyaetı hǫt'e,” dek'eèhtł'è.

Galatıa 3:26

Zezì-Krı naxıgha ehkw'ı-ahodı dahxà naxı̨ hazǫǫ̀ Nǫ̀htsı̨ weza aaht'e.

Galatıa 3:28

Zezì-Krı wexè naxı̨ hazǫǫ̀ ı̨łè laaht'e hǫt'e t'à, Israel got'ı̨į̀ eyıts'ǫ Greece got'ı̨į̀ gıxè eładı̨į̀ hòɂǫ-le, dǫ edets'ǫ̀ k'àowo-le, eyıts'ǫ dǫ edets'ǫ̀ k'àowo gıxè eładı̨į̀ hòɂǫ-le, dǫzhìı eyıts'ǫ ts'èko gıxè eładı̨į̀ hòɂǫ-le.

Galatıa 5:16

Eyıt'à, Yedàyeh Nezı̨ı̨ dahxà aahda ha naxèehsı̨. Haaht'e nı̨dè naxınìłı̨ı̨ t'anıwǫ k'ę̀ę̀ aahda ha nıìle.

Galatıa 5:25

Yedàyeh Nezı̨ı̨ k'ę̀ę̀ ts'eeda nı̨dè Yedàyeh Nezı̨ı̨ dànıwǫǫ sìı wek'èats'ııt'è.

Ephesus 1:1

Sı̨ Paul, Nǫ̀htsı̨ wedahxà Zezì-Krı wecheekeèdeè aht'e. Dıı enı̨htł'è kǫ̀ta Ephesus Nǫ̀htsı̨ wets'ǫ dǫ nàgedèe eyıts'ǫ Zezì-Krı ghǫ t'aats'ǫǫ̀ gınì nàtsoo sìı gıts'ǫ̀ eehtł'è hǫt'e.