Rome 7:6 - Nǫ̀htsı̨ Nı̨htł'è

⁶ Hanìkò dıì sìı eyı nàowo ts'ǫ̀ ełaàts'ı̨ı̨dè k'ę̀ę̀ goıtà t'à eyı nàowo gots'ǫ̀ k'àhowo-le ajà. Eyıt'à Yedàyeh Nezı̨ı̨ wenàowoò gòò t'à ts'eedaà ats'ejà, Moses wenàowoò wezǫą dek'eèhtł'èe sìı wek'ę̀ę̀ ts'eeda-le ats'ejà.

Rome 7:6 ပူးပေါင်းရင်းမြစ်များ

Rome 1:9

T'aats'ǫǫ̀ naxıgha yahtı Nǫ̀htsı̨ yek'èezǫ hǫt'e. Sedzeè t'à Nǫ̀htsı̨ wegha hòtł'ò eghàlaehda, eyıts'ǫ Weza wegodıì nezı̨ı̨ t'à dǫ hoghàgeehtǫ.

Rome 12:2

Dıı nèk'e dǫ dànì geedaa sìı gık'ę̀ę̀ k'ehoahɂa-le, hanìkò naxınì eładı̨į̀ adlà k'ę̀ę̀ aahda. Hanì-ı̨dè Nǫ̀htsı̨ ayìı wınì k'ę̀ę̀ ne sìı deghàà wek'èahsǫǫ̀ aahde ha. Nǫ̀htsı̨ ayìı wegha nezı̨ı̨ xè degaı ne sìı, eyıts'ǫ ayìı wegha sìghà ne sìı wek'èahsǫǫ̀ aahde ha.

Rome 6:11

Eyı xèht'eè naxı̨ sı hołı̨ı̨ ts'ǫ̀ ełaahde k'ę̀ę̀ ededaànıahdè. Hanìkò Zezì-Krı wet'ǫ̀ǫ̀ Nǫ̀htsı̨ gha aahda k'ę̀ę̀ ededaànıahdè.

Rome 6:19

Naxınì nàtso-le t'à, nezı̨į̀ wenıahdì ha k'ę̀ę̀ hoghànaxeehtǫ. Naxızhį̀į̀ t'à hołı̨ı̨ hoahtsı̨ ı̨lè. Naxınì hołı̨ı̨ nıwǫǫ sìı wek'èaht'e ı̨lè, eyıt'à denahk'e hołı̨ı̨ hoahtsı̨ ı̨lè. Hanìkò dıì sìı naxızhį̀į̀ t'à ehkw'ı eghàlaahda, hanì-ı̨dè degaı k'ę̀ę̀ aahda ha.

Rome 6:2

Hanì ha honàedı nıìle! Goxı̨ hołı̨ı̨ hots'ehtsı̨ ts'ǫ̀ ełaàts'ı̨ı̨dè gha goıtà hǫt'e. Eyıt'à dànì k'èdaà hołı̨ı̨ hots'ehtsı̨ welì?

Rome 6:22

Hanìkò dıì sìı hołı̨ı̨ naxıts'ǫ̀ k'àowo-le ajà, eyıts'ǫ Nǫ̀htsı̨ naxıts'ǫ̀ k'àowoò aahjà. Hanì goxè hòɂǫ nı̨dè degaı ts'ı̨ı̨lı̨į̀ ats'ede ha, eyıts'ǫ welǫ whìle ts'ǫ̀ ts'eedaà agole ha.

Rome 6:4

Gok'ètaìdzǫ ekò wexè ełaàts'ı̨ı̨dè lats'ejà ı̨lè eyıts'ǫ wexè gokw'ǫǫ̀ nìtǫǫ̀ lats'ejà ı̨lè. Hanìkò Nǫ̀htsı̨-Gotà enıìyah hǫt'e sìı Zezì-Krı naìdà ayį̀į̀là hǫt'e, eyıts'ǫ goxı̨ sı eładı̨ k'ę̀ę̀ ts'eeda ats'ede ha.

Rome 7:1

Sèot'ı̨ı̨, naxı̨ sìı Moses wenàowoò wek'èahsǫ hǫt'e. Dǫ dıı nèk'e geeda gots'ǫ̀ eyı nàowo gıts'ǫ̀ k'àowo hǫt'e, wek'èahsǫ-le nì?

Rome 7:2

Ekìı-hò wedaànıts'ııdè: Moses wenàowoò k'ę̀ę̀ ts'èko wedǫǫ̀ eda gots'ǫ̀ wedǫǫ̀ xè ı̨łè zǫ lanì hǫt'e, hanìkò wedǫǫ̀ ełaı̨wo nı̨dè wet'à hots'et'ı̨ı̨ nàowoò wegha ıtà-le ajà.

Rome 7:4

Eyıt'à sèot'ı̨ı̨, Zezì ełaı̨wo ts'ıhɂǫ̀ Moses wenàowoò ts'ǫ̀ ełaahdè k'ę̀ę̀ naxııtà. Hanì-ı̨dè eyıì-le wets'ǫ aaht'e ha, Zezì-Krı gogha naìdà wets'ǫ aaht'e ha, eyıt'à Nǫ̀htsı̨ wınì k'ę̀ę̀ aahda ha hǫt'e.

2 Corınth 3:6

Nakenahòdlı̨ı̨ wegòò k'ę̀ę̀ nezı̨į̀ eghàlats'eeda gha wecheekeè ts'ı̨ı̨lı̨į̀ agǫ̀ǫ̀là. Eyı nàowo gòò sìı nàowo zǫą xèht'eè nıìle, hanìkò Yedàyeh Nezı̨ı̨ wenàowoò hǫt'e. Nàowo zǫą dek'eèhtł'èe sìı ełaàts'edeè agohɂı̨, hanìkò Yedàyeh Nezı̨ı̨ wet'à ts'eeda hǫt'e.

2 Corınth 5:17

Eyıt'à dǫ Zezì-Krı xè edaa sìı dǫgòò ìhłè hǫt'e. Wenàowoò zǫą sìı wedę adlà, wenàowogòò wetł'axǫǫ̀ ajà.

Galatıa 3:13

Moses wenàowoò k'èts'edì ha dìì t'à gosınìyaetı ch'à Zezì-Krı edaxàgoı̨la hǫt'e. Zezì gotł'axǫǫ̀ Nǫ̀htsı̨ yesınìyaı̨htı hǫt'e, dıı hanì dek'eèhtł'è t'à, “Dǫ dechı̨ k'e ełaàwìgwoo sìı hoìla gha wesınìyaetı hǫt'e,” dek'eèhtł'è.

Galatıa 6:15

Gokwǫ̀ nàt'àa, gokwǫ̀ nàt'à-le, eyı t'asìı gha ıtà nıìle, hanìkò eładı̨ı̨ dǫǫ̀ ts'ìhłèe sìı eyı deɂǫ̀ǫ̀ wet'àaɂà hǫt'e.

Ephesus 4:24

eyıts'ǫ dǫgòò lanì aahda ha hoghànaxeètǫ ı̨lè. Nǫ̀htsı̨ k'ę̀ę̀ hotıì ehkw'ı aahda xè degaı aaht'e ha naxıhòèlı̨ hǫt'e.

Phılıppı 3:3

Goxı̨ sìı hòt'a gokwǫ̀ nàat'a ı̨lè lanì, eyıts'ǫ Nǫ̀htsı̨ wets'ǫ Įnì Degaı wedahxà Nǫ̀htsı̨ ts'ǫ̀ yats'ehtı. Zezì-Krı weghàsǫts'eedı t'à, t'asìı deè ts'ı̨ı̨lı̨ı̨ sìı weghǫ xàhots'edì nıìle.

Colosse 3:10

Goht'ǫ gòò yìı aahde laahjà, Nǫ̀htsı̨ gòèhtsı̨ı̨ sìı deghàà wek'èahsǫǫ̀ aahjà, eyıts'ǫ wexèht'eè aahdaà aahjà.