Rome 7:18 - Nǫ̀htsı̨ Nı̨htł'è

¹⁸ T'asìı nezı̨ı̨ wı̨ı̨zìı sets'ǫ̀-èlı̨ nıìle wek'èehsǫ, sınì hazǫǫ̀ hołı̨ı̨ zǫ hǫt'e. Ayìı nezı̨ı̨ sìı weghàlaehda ha dehwhǫ, hanìkò t'asìı nezı̨ı̨ weghàlaehda ha segha dìì hǫt'e.

Rome 7:18 ပူးပေါင်းရင်းမြစ်များ

Dànì Kèhoį̀wo 6:5

Gots'ǫ̀ K'àowo dıı nèk'e dǫ sıì hołı̨ı̨ k'ę̀ę̀ geedaà agejàa, gok'èezǫ. Ekìı t'aats'ǫǫ̀ dedzeè t'à hołı̨ı̨ zǫ ghǫ nànıgedè agejà.

Dànì Kèhoį̀wo 8:21

Gots'ǫ̀ K'àowo t'asìı wets'ǫ̀ wek'eek'ǫ̀ǫ sìı wegha nezı̨ t'à edets'ǫ̀ hadı, “Dǫ negechà-lea gots'ǫ t'aats'ǫǫ̀ ededzeè t'à hołı̨ı̨ nàowoò zǫ danıgedè kò, k'achı̨ wı̨ı̨zìı dèè k'e hanì hoìla agohłe ha nıìle. Eyıts'ǫ k'achı̨ wı̨ı̨zìı t'asìı hazǫǫ̀ edaa sìı gıdıhohtsı̨ ha nıìle.

Matthew 15:19

Nàowołı̨ı̨ t'à nànıts'edèe sìı godzeè yìı gots'ǫ at'ı̨ hǫt'e. Godzeè t'à dıı hanì nezı̨į̀ nànıts'edè-le: dǫ ełaàts'ehwhıı, ełexè hołı̨ı̨ hots'ehtsı̨ı̨, hołı̨ı̨ k'ę̀ę̀ ełek'alats'edèe, ets'eeɂį̀ı̨, dǫ ghǫ hots'ets'ìı, eyıts'ǫ dǫ gıızì jıı ts'ehtsı̨.

Luke 11:13

Naxı̨ hołı̨ı̨-hoahtsı̨ı̨-dǫǫ̀ aaht'e kò, naxızaa t'asìı nezı̨ı̨ gıghàahłe k'èhoahsǫ. Naxıtà yak'e whedaa sìı naxınahk'e t'asìı nezı̨ı̨ naxıghàɂà ha hǫt'e. Dǫ Yedàyeh Nezı̨ı̨ geekè nı̨dè gots'ǫ̀ ayele ha hǫt'e!” Zezì gòhdı.

John 3:6

Dǫzhį̀į̀ t'à dǫzhį̀į̀ wegǫ̀hłı̨ hǫt'e, hanìkò Yedàyeh Nezı̨ı̨ t'à dǫ wets'ǫ ı̨nì wegǫ̀hłı̨ hǫt'e.

Rome 13:14

Hanìkò dıı haaht'ı̨: Gots'ǫ̀ K'àowo Zezì-Krı wınì k'ę̀ę̀ aahda. Dànì gonìłı̨ı̨ k'ę̀ę̀ k'ehots'eɂaa sìı ghǫ nànıahdè-le.

Rome 7:15

Dàht'ı̨į̀-aht'ı̨ı̨ sìı deghàà wenıehdì nıìle. Ayìı dàhłe ha dehwhǫǫ sìı k'ę̀ę̀ eghàlaehda-le, hanìkò ayìı wedzaehwhǫǫ sìı eyı weghàlaehda.

Rome 7:19

T'asìı nezı̨ı̨ weghàlaehda ha dehwhǫǫ sìı weghàlaehda-le. Nàowołı̨ı̨ k'ę̀ę̀ eghàlaehda ha-le dehwhǫ kò k'èdaà nàowołı̨ı̨ k'alahwho.

Rome 7:25

Nǫ̀htsı̨ masì weehwhǫ, gots'ǫ̀ K'àowo Zezì-Krı wet'ǫ̀ǫ̀ edaxàseetè ha hǫt'e! Eyıt'à sedzeè yìı Nǫ̀htsı̨ wenàowoò sets'ǫ̀ k'àhowo hǫt'e, hanìkò sınìłı̨ı̨ ts'ıhɂǫ̀ hołı̨ı̨-nàowoò sets'ǫ̀ k'àhowo hǫt'e.

Rome 7:5

Goınìłı̨ı̨ gots'ǫ̀ k'àhowo ekò, Moses wenàowoò weghǫ ets'ıìkw'o t'à gonìłı̨ı̨ yek'èch'a eghàlaeda ha nıwǫ. Eyıts'ǫ gozhį̀į̀ t'à hołı̨ı̨ hots'èhtsı̨ı̨, gonìłı̨ı̨ k'ę̀ę̀ eghàlats'eeda ı̨lèe sìı wet'à ełaàts'ede ı̨lè.

Galatıa 5:17

Gonìłı̨ı̨ sìı Yedàyeh Nezı̨ı̨ k'èch'a anıwǫ hǫt'e eyıts'ǫ Yedàyeh Nezı̨ı̨ sìı gonìłı̨ı̨ k'èch'a anıwǫ hǫt'e. Ełek'èch'a agı̨ı̨wǫ t'à ayìı dàahłe ha dahwhǫǫ sìı haahłe ha dìì hǫt'e.

Galatıa 5:24

Amìı Zezì-Krı wets'ǫ agı̨ı̨t'ee sìı edenàowoò eyıts'ǫ edekwǫ̀ t'à hołı̨ı̨ k'ę̀ę̀ eghàlageeda ha gı̨ı̨wǫǫ sìı eyı hazǫǫ̀ dechı̨et'aa k'e wedıìtsò agį̀į̀là hǫt'e.

Phılıppı 2:13

Nǫ̀htsı̨ ededı̨ naxıdzeè yìı eghàlaeda t'à. Ededı̨ sìı wenàowoò nezı̨ı̨ k'ę̀ę̀ dahwhǫǫ̀ anaxehɂı̨ eyıts'ǫ wek'ę̀ę̀ aahdaà anaxehɂı̨.

Phılıppı 3:12

Įłaà eyı hazǫǫ̀ deghàà hahłà nıìle, eyıts'ǫ ı̨łaà deghàà degaı aht'e nıìle, hanìkò ı̨łaà eyı wegha sınì nàtsoò aahwhǫ, eyı gha Zezì-Krı sį̀į̀hchì ı̨lèe t'à.

Tıtus 3:3

Įnę̀ę sìı goxı̨ sı gots'ı̨ı̨zǫ-le ı̨lè, ek'èats'ı̨ı̨t'e-le ı̨lè, goghǫyageeɂà eyıts'ǫ gonàowołı̨ı̨ k'ę̀ę̀ zǫ ts'eeda ı̨lè. T'aats'ǫǫ̀ hołı̨ı̨ hots'ehtsı̨ xè ełeghǫ ts'ohots'eedı ı̨lè. Dǫ dzats'ı̨ı̨hwhǫ eyıts'ǫ dǫ godzagı̨ı̨hwhǫ hanì ts'eeda ı̨lè.

1 Peter 4:2

Eyı ts'ıhɂǫ̀ dıı nèk'e eda gots'ǫ̀ wınìłı̨ı̨ k'ę̀ę̀ eda-le, hanìkò Nǫ̀htsı̨ wınì k'ę̀ę̀ eda.