Rome 6:9 - Nǫ̀htsı̨ Nı̨htł'è

⁹ Zezì-Krı ełaı̨wo gots'ǫ naìdà wek'èts'eezǫ hǫt'e, k'achı̨ ełaàwı hǫı̨lı̨ ha nıìle. Ełaàts'ewıı sìı k'achı̨ yets'ǫ̀ k'àhowo hǫı̨lı̨ ha nıìle.

Rome 6:9 ပူးပေါင်းရင်းမြစ်များ

Rome 5:14

Hanìkò Adǫ̀ dıı nèk'e nàı̨wo gots'ǫ, Moses ı̨dà gots'ǫ̀ dǫ hazǫǫ̀ ełaàgede ı̨lè. Adǫ̀ Nǫ̀htsı̨ nàowoò nàı̨zhì k'ę̀ę̀ nàowo nàgı̨ı̨zhì-le kò, gıts'ǫ̀ hagòjà. Eyıts'ǫ Adǫ̀ Zezì ı̨łaà nììtła ha ı̨lèe sìı yexèht'eè lanì hǫt'e, į̀łah dǫ łǫ gha t'akwełǫ̀ǫ̀ agı̨ı̨t'e.

Rome 6:10

Ełaı̨wo ekò, gohołı̨į̀ k'èxa ı̨łàà zǫ ełaı̨wı ha hǫt'e. Hanìkò dıì edaa sìı Nǫ̀htsı̨ gha eda hǫt'e.

Rome 6:14

K'achı̨ hołı̨ı̨ naxıts'ǫ̀ k'àhowo welè-le, Moses wenàowoò tł'a dahkw'e nıìle t'à, hanìkò Nǫ̀htsı̨ wesǫnıwǫ tł'a dahkw'e hǫt'e.

Rome 6:4

Gok'ètaìdzǫ ekò wexè ełaàts'ı̨ı̨dè lats'ejà ı̨lè eyıts'ǫ wexè gokw'ǫǫ̀ nìtǫǫ̀ lats'ejà ı̨lè. Hanìkò Nǫ̀htsı̨-Gotà enıìyah hǫt'e sìı Zezì-Krı naìdà ayį̀į̀là hǫt'e, eyıts'ǫ goxı̨ sı eładı̨ k'ę̀ę̀ ts'eeda ats'ede ha.

Hebrew 7:16

Eyı dǫ Moses wenàowoò k'ę̀ę̀ wecho yahtıı gı̨ı̨lè t'à yahtıı wehòèlı̨ nıìle, hanìkò welǫ whìle ts'ǫ̀ nàtsoò wehòhɂǫǫ dahxà yahtıı whelı̨ hǫt'e.

Hebrew 7:25

Eyıt'à Zezì ededı̨ wet'ǫ̀ǫ̀ amìı Nǫ̀htsı̨ ts'ǫ̀ at'ı̨ı̨ sìı deghàà edaxàgole ha wegha dìì-le hǫt'e. T'aats'ǫǫ̀ eda t'à dǫ gha Nǫ̀htsı̨ ts'ǫ̀ yahtı ha dìì-le hǫt'e.

John Wenazhıı 1:18

Sı̨ sìı ehda hǫt'e. Ełaıhwho ı̨lè hanìkò dıì welǫ whìle ts'ǫ̀ ehda hǫt'e. Dǫ ełaı̨dèe nèk'e gha ladlì k'èhdì.