Rome 6:4 - Nǫ̀htsı̨ Nı̨htł'è

⁴ Gok'ètaìdzǫ ekò wexè ełaàts'ı̨ı̨dè lats'ejà ı̨lè eyıts'ǫ wexè gokw'ǫǫ̀ nìtǫǫ̀ lats'ejà ı̨lè. Hanìkò Nǫ̀htsı̨-Gotà enıìyah hǫt'e sìı Zezì-Krı naìdà ayį̀į̀là hǫt'e, eyıts'ǫ goxı̨ sı eładı̨ k'ę̀ę̀ ts'eeda ats'ede ha.

Rome 6:4 ပူးပေါင်းရင်းမြစ်များ

John 11:40

Zezì yets'ǫ̀ hadı, “Negha ehkw'ı-ahodı nı̨dè Nǫ̀htsı̨ enıìyah t'à nàtsoo elı̨ı̨ sìı neɂį̀ anehłe ha, nèehsı̨ ı̨lè,” yèhdı.

John 2:11

Zezì kǫ̀ta Cana wheda ekò eyı t'akwełǫ̀ǫ̀ enıìyah whehtsı̨ ı̨lè. Enıìyah deè elı̨ı̨ sìı dǫ gıaɂı̨į̀ agǫ̀ǫ̀là, eyıt'à wecheekeè weghǫ gınì nàtsoò agejà.

Zezì Wecheekeèdeè 2:24

Hanìkò Nǫ̀htsı̨ sìı naìdà ayį̀į̀là, łǫ̀ǫ̀ weweè t'à daı̨ɂà-le. Nǫ̀htsı̨ t'asìı wegha dìì-le t'à, łǫ̀ǫ̀ ełaı̨wo ayį̀į̀là-le.

Zezì Wecheekeèdeè 2:32

Nǫ̀htsı̨ sìı Zezì naìdà ayį̀į̀là. Goxı̨ hazǫǫ̀ godaà agòjà hǫt'e.

Rome 6:19

Naxınì nàtso-le t'à, nezı̨į̀ wenıahdì ha k'ę̀ę̀ hoghànaxeehtǫ. Naxızhį̀į̀ t'à hołı̨ı̨ hoahtsı̨ ı̨lè. Naxınì hołı̨ı̨ nıwǫǫ sìı wek'èaht'e ı̨lè, eyıt'à denahk'e hołı̨ı̨ hoahtsı̨ ı̨lè. Hanìkò dıì sìı naxızhį̀į̀ t'à ehkw'ı eghàlaahda, hanì-ı̨dè degaı k'ę̀ę̀ aahda ha.

Rome 6:3

Goxı̨ hazǫǫ̀ Zezì-Krı wıızì t'à gok'ètaìdzǫǫ sìı wexè ełaàts'ı̨ı̨dè lats'ejà hǫt'e, eyı wek'èahsǫ-le nì?

Rome 6:8

Eyıt'à Zezì-Krı wexè ełaàts'ı̨ı̨dè nı̨dè wexè ts'eeda ha sìı gogha ehkw'ı-ahodı hǫt'e.

Rome 6:9

Zezì-Krı ełaı̨wo gots'ǫ naìdà wek'èts'eezǫ hǫt'e, k'achı̨ ełaàwı hǫı̨lı̨ ha nıìle. Ełaàts'ewıı sìı k'achı̨ yets'ǫ̀ k'àhowo hǫı̨lı̨ ha nıìle.

Rome 7:6

Hanìkò dıì sìı eyı nàowo ts'ǫ̀ ełaàts'ı̨ı̨dè k'ę̀ę̀ goıtà t'à eyı nàowo gots'ǫ̀ k'àhowo-le ajà. Eyıt'à Yedàyeh Nezı̨ı̨ wenàowoò gòò t'à ts'eedaà ats'ejà, Moses wenàowoò wezǫą dek'eèhtł'èe sìı wek'ę̀ę̀ ts'eeda-le ats'ejà.

Rome 8:11

Nǫ̀htsı̨ ededı̨ sìı Zezì naìdà ayį̀į̀là hǫt'e, eyıts'ǫ edets'ǫ Yedàyeh Nezı̨ı̨ t'à naxızhį̀į̀ ełaàde ha sìı naìdà ayele ha, Yedàyeh Nezı̨ı̨ naxıdzeè yìı nàdè ne t'à.

1 Corınth 6:14

Nǫ̀htsı̨ t'asìı wegha dìì-le t'à gots'ǫ̀ K'àowo naìdà ayį̀į̀là, goxı̨ sı nats'ìdà agole ha hǫt'e.

2 Corınth 13:4

Nàtso-le k'ę̀ę̀ dechı̨et'aa k'e wedıìtsò t'ıį̀t'e, hanìkò dıì Nǫ̀htsı̨ dahxà nàtso eda hǫt'e. Eyı lanì goxı̨ sı wexè nàts'etso-le lats'ı̨ı̨t'e, hanìkò Nǫ̀htsı̨ dahxà naxıgha eghàlats'eeda gha nàts'etsoò ts'eeda hǫt'e.

2 Corınth 5:17

Eyıt'à dǫ Zezì-Krı xè edaa sìı dǫgòò ìhłè hǫt'e. Wenàowoò zǫą sìı wedę adlà, wenàowogòò wetł'axǫǫ̀ ajà.

Ephesus 4:17

Eyıt'à gots'ǫ̀ K'àowo wedahxà yatı nàtsoo t'à dıı hanaxèehsı̨: Dǫ Nǫ̀htsı̨ k'ègeezǫ-le sìı k'achı̨ gık'ę̀ę̀ aahda-le, gınìłı̨ı̨ k'ę̀ę̀ geeda ne t'à.

Ephesus 5:8

Įnę̀ę sìı naxı̨ sı naxıxè togoòtł'ò ı̨lè, hanìkò dıì sìı gots'ǫ̀ K'àowo wets'ıhɂǫ̀ naxıxè dzęh agòjà. Eyıt'à dǫ gıxè dzęh agǫ̀ht'e lanì aahda.

Colosse 3:10

Goht'ǫ gòò yìı aahde laahjà, Nǫ̀htsı̨ gòèhtsı̨ı̨ sìı deghàà wek'èahsǫǫ̀ aahjà, eyıts'ǫ wexèht'eè aahdaà aahjà.

Colosse 4:1

K'aodèe yàahłı̨ı̨ sìı dǫ naxıgha eghàlageedaa sìı gıts'ǫ̀ ehkw'ı eghàlaahda, naxı̨ sı yak'e naxıts'ǫ̀ K'àowo gǫ̀hłı̨ wek'èahsǫ ne t'à.

1 Peter 3:21

Eyı tı sìı wet'à naxık'ètaìdzǫ lanì hǫt'e, wet'à edaxàwhahde ne t'à. Naxızhį̀į̀ k'e tsǫ̀ whìle adle gha naxık'ètaìdzǫ nıìle, hanìkò wet'à Nǫ̀htsı̨ ts'ǫ̀ sıì naxınì ehkw'ıì ade gha naxık'ètaìdzǫ hǫt'e. Zezì-Krı k'achı̨ naìdà eyıts'ǫ naxık'ètaìdzǫ t'à edaxàwhahde hǫt'e.

1 John 2:6

Amìı “Nǫ̀htsı̨ wek'ę̀ę̀ ehda,” hadıı sìı Zezì dànì ı̨ı̨dàa sìı k'ę̀ę̀ eda ha hǫt'e.