Rome 6:21 - Nǫ̀htsı̨ Nı̨htł'è

²¹ Ayìı weghàlaahda ı̨lèe sìı dıì weghǫ į̀į̀zhaahłı̨ hǫt'e. Hołı̨ı̨ hòahtsı̨ t'à naxıgha sìghà hòɂǫ nıìle. Eyı hołı̨ı̨ wets'ıhɂǫ̀ ełaàts'ede hǫt'e.

Rome 6:21 ပူးပေါင်းရင်းမြစ်များ

Rome 1:32

Nǫ̀htsı̨ wenàowoò ehkw'ıı k'ę̀ę̀ ha nı̨dè dǫ hanì geedaa sìı ełaàgııde ha hǫt'e. Eyı nàowo k'ègeezǫ kò ı̨łaà hanì eghàlageeda, eyıts'ǫ dǫ hanì hołı̨ı̨ hogehtsı̨ı̨ sìı ghǫ sìghà agedı.

Rome 5:12

Dǫ ı̨łè wehołı̨į̀ t'à dıı nèk'e hołı̨ı̨ kèhǫǫ̀wo wek'èts'eezǫ hǫt'e. Hołı̨ı̨ ts'ıhɂǫ̀ eyı dǫ ełaı̨wo, eyıts'ǫ dǫ hazǫǫ̀ hołı̨ı̨ hogehtsı̨ ts'ıhɂǫ̀ wexèht'eè ełaàgede ha hǫt'e.

Rome 6:16

Dǫ naxıts'ǫ̀ k'àhowo ha weghàdèahtè nı̨dè wek'èaht'e ha hǫt'e, wek'èhoahsǫ-le nì? Hołı̨ı̨ dahwhǫǫ sìı naxıts'ǫ̀ k'àhowo nı̨dè wet'à ełaahde ha. Hanìkò Nǫ̀htsı̨ k'èaht'e nı̨dè wet'à ehkw'ı aahda ha hǫt'e.

Rome 6:23

Hołı̨ı̨ hots'ehtsı̨ k'èxa ełaàts'ede hǫt'e. Hanìkò gots'ǫ̀ K'àowo Zezì-Krı wet'ǫ̀ǫ̀ Nǫ̀htsı̨ welǫ whìle ts'ǫ̀ ts'eedaà agǫ̀ǫ̀là hǫt'e.

Rome 7:5

Goınìłı̨ı̨ gots'ǫ̀ k'àhowo ekò, Moses wenàowoò weghǫ ets'ıìkw'o t'à gonìłı̨ı̨ yek'èch'a eghàlaeda ha nıwǫ. Eyıts'ǫ gozhį̀į̀ t'à hołı̨ı̨ hots'èhtsı̨ı̨, gonìłı̨ı̨ k'ę̀ę̀ eghàlats'eeda ı̨lèe sìı wet'à ełaàts'ede ı̨lè.

Rome 8:13

Naxınìłı̨ı̨ k'ę̀ę̀ aahda nı̨dè ełaahde ha, hanìkò Yedàyeh Nezı̨ı̨ wedahxà naxızhį̀į̀ wets'ǫ hołı̨ı̨-nàowoò ełaı̨dè aahłà nı̨dè aahda ha,

Rome 8:6

Hołı̨ı̨-hohtsı̨ı̨-dǫǫ̀ edınìłı̨ı̨ t'à ełaàwı ha hǫt'e, hanìkò dǫ Yedàyeh Nezı̨ı̨ yınì ts'ǫ̀ k'àowo sìı eda xè wexè sìghà hǫt'e.

2 Corınth 4:2

Hanìkò deɂı̨į̀ k'ehots'eɂa eyıts'ǫ t'asìı weghǫ į̀į̀zhats'ı̨ı̨lı̨ı̨ sìı wedę ha ts'ı̨ı̨wǫ. Dǫ ghǫyats'eeɂà t'à eghàlats'eeda nıìle, eyıts'ǫ Nǫ̀htsı̨ weyatıì ładı̨į̀ ats'ehɂı̨ nıìle. Hanìkò dǫ ededzeè t'à gogeèhkw'ǫ ha ts'ı̨ı̨wǫ t'à Nǫ̀htsı̨ wenadąą̀ nàowo ehkw'ıı ghǫ hotıì ehkw'ı gots'ede hǫt'e.

2 Corınth 7:11

Nǫ̀htsı̨ wınì k'ę̀ę̀ naxıdzeè etse t'à eładı̨į̀ aahjàa sìı wedaànıahdè. Dıì wet'à Nǫ̀htsı̨ gha naxınì nàtsoò ajà, hołı̨ı̨ nàowoò wedę ha dahwhǫǫ̀ aahjà, dǫ hołı̨ı̨ hogehtsı̨ nı̨dè naxık'èch'a hǫt'e, wet'à dajıahdeè laahjà, eyı ts'ıhɂǫ̀ seahɂį̀ ha dahwhǫ, wet'à sedaànıahdè aahjà, t'asìı hazǫǫ̀ ekǫ-le sìı ı̨whąą̀ wesınìyaetı ha dahwhǫ. Eyı hazǫǫ̀ hołı̨ı̨ k'ę̀ę̀ k'ehokw'oo sìı naxı̨ naxıxè agot'ı̨ nıìle naxık'èedzǫǫ̀ aahłà hǫt'e.

Phılıppı 3:19

Dǫ hanì geedaa sìı gıdıhołè ha hǫt'e. Gıbò gınǫ̀htsı̨ elı̨ lanì, eyıts'ǫ hołı̨ı̨ hogehtsı̨ ghǫ xàdahogedì. Dıı nèk'e t'asìı whelaa zǫ ghǫ nànıgedè.

Hebrew 10:29

Dǫ Nǫ̀htsı̨ Weza wegha t'asìı elı̨-le, wedoò t'à nakenahòdlı̨ı̨ t'à wehołı̨į̀ whìle adlàa sìı wegha wet'àaɂà-le nı̨dè, eyıts'ǫ Nǫ̀htsı̨ wesǫnıwǫ t'à Yedàyeh Nezı̨ı̨ goghǫ̀t'ǫǫ sìı yek'èch'a eghàlaı̨dà nı̨dè eyı dǫ sìı denahk'e hòtł'ò nàweekwa ha hǫt'e.

Hebrew 6:8

Hanìkò dèè wek'e ı̨chį̀ghoò eyıts'ǫ tł'oh nezı̨-le dehshe nı̨dè, wet'àaɂà nıìle xè Nǫ̀htsı̨ yedıhohtsı̨ ha ts'ǫ̀ hawe. Nǫǫde ts'ǫ̀ wek'eek'ǫ̀ ha.

James 1:15

Dǫ hołı̨ı̨ ghaewıı sìı yek'ę̀ę̀ eghàlaeda, eyıts'ǫ k'èdaà hołı̨ı̨ nàowoò wegha nàtso at'į̀ t'à, eyı dǫ yet'à ełaàwı hǫt'e.

James 5:20

dıı yatı wedaànıahdè: Amìı hołı̨ı̨-hohtsı̨ı̨-dǫǫ̀ ehkw'ı edaà anayehɂį̀ı̨ sìı ełaàwı ch'à edaxàyehtè hǫt'e, eyıts'ǫ wehołı̨į̀ łǫ sìı weghǫ nahoezheè ayehɂı̨ hǫt'e.

1 Peter 4:17

Hòt'a dǫ hazǫǫ̀ gısınìyaetı ha nìkw'o; Nǫ̀htsı̨ wets'ǫ dǫ sìı t'akwełǫ̀ǫ̀ gısınìyaetı ha hǫt'e. Goxı̨ t'akwełǫ̀ǫ̀ gosınìyaetı ha nı̨dè dǫ Nǫ̀htsı̨ wegodıì nezı̨ı̨ k'ę̀ę̀ geeda-le sìı gıxè dàgǫ̀ht'e ha sǫnı?

1 John 2:28

Eyıt'à sèot'ı̨ı̨, Zezì-Krı t'aats'ǫǫ̀ wek'ę̀ę̀ aahda. Hanì-ı̨dè nììtłaa dzęę̀ k'e nı̨dè wenadąą̀ goınì nàtsoo xè edeghǫ į̀į̀zhats'ı̨ı̨lı̨ ha-le.

John Wenazhıı 16:6

Nets'ǫ dǫ eyıts'ǫ nakwenàoɂǫǫ gıdoò nałageèhtł'ı ts'ıhɂǫ̀ dıı hanì dǫ gısınìyanehtı. Ayìı dàgı̨ı̨la k'èxa edoò gedǫ agı̨į̀là,” yak'eet'ı̨į̀ hadı.

John Wenazhıı 20:14

Eyı tł'axǫǫ̀ ełaàts'edee eyıts'ǫ dǫ ełaı̨dèe k'èhodìı k'è gòɂǫǫ sìı kwe dèk'ǫ̀ǫ ta ts'ǫ̀ gogeèhde. Eyı kwe dèk'ǫ̀ǫ whehtǫǫ sìı nàekeè t'à ełaàts'ewı gha hǫt'e.