Rome 6:14 - Nǫ̀htsı̨ Nı̨htł'è

¹⁴ K'achı̨ hołı̨ı̨ naxıts'ǫ̀ k'àhowo welè-le, Moses wenàowoò tł'a dahkw'e nıìle t'à, hanìkò Nǫ̀htsı̨ wesǫnıwǫ tł'a dahkw'e hǫt'e.

Rome 6:14 ပူးပေါင်းရင်းမြစ်များ

Matthew 1:21

Dǫzhìa nìı̨htè ha. Edèot'ı̨ gıhołı̨į̀ ch'à edaxàgole ha t'à, Zezì wìyeh awı̨ı̨le ha,” yèhdı.

John 1:14

Eyı yatı wehòhɂǫǫ sìı dǫ whelı̨ eyıts'ǫ gota nàı̨dè. Dànì enıìyah deè t'à wehòhɂǫǫ sìı wets'aɂı̨. Ededı̨ ı̨łàet'ee zǫ hanì enıìyah deè elı̨. Ededı̨ sìı Nǫ̀htsı̨-Gotà gots'ǫ nììtła hǫt'e, wesǫnıwǫ deè eyıts'ǫ nàowo ehkw'ıı wets'ǫ̀-èlı̨ hǫt'e.

John 1:17

Nǫ̀htsı̨ sìı Moses wet'ǫ̀ǫ̀ nàowo wet'à ts'eedaa sìı gots'ǫ̀ ayį̀į̀là ı̨lè, hanìkò Zezì-Krı wets'ıhɂǫ̀ wesǫnıwǫ deè eyıts'ǫ nàowo ehkw'ıı gots'ǫ̀ ajà.

John 8:36

Eyıt'à Nǫ̀htsı̨ Weza sìı t'asìı naxıts'ǫ̀ k'àowo-le anaxį̀į̀là nı̨dè hòt'ałǫ̀ǫ̀ t'asìı wı̨ı̨zìı naxıts'ǫ̀ k'àowo ha nıìle.

Rome 11:6

Wesǫnıwǫ ts'ıhɂǫ̀ hanì gots'ǫ̀ eghàlaı̨dà nı̨dè, wegha nezı̨į̀ hots'èhtsı̨ k'èxa agǫ̀ǫ̀là nıìle. Nezı̨į̀ hots'èhtsı̨ k'èxa gòį̀hchì nı̨dè, Nǫ̀htsı̨ wesǫnıwǫ ts'ıhɂǫ̀ gòį̀hchì ts'edı ha dìì.

Rome 4:16

Eyıt'à Nǫ̀htsı̨ gogha ehkw'ı adı nı̨dè, Nǫ̀htsı̨ ayìı goghàɂà ha dıı sìı goghǫet'a ha hǫt'e. Nǫ̀htsı̨ gots'ǫ̀ wesǫnıwǫ ts'ıhɂǫ̀ goghàyeɂà hǫt'e, eyıts'ǫ dǫ hazǫǫ̀ Abraham wets'ıhɂǫ̀ǫ-dǫǫ̀ agı̨ı̨t'ee sìı hanì gıxè hòɂǫ ha hǫt'e. Hanìkò dǫ Moses wenàowoò gıghǫ̀t'ǫ zǫ gha nıìle, Abraham k'ę̀ę̀ Nǫ̀htsı̨ gıgha ehkw'ı-ahodıı sìı ededı̨ sı gıgha hǫt'e. Eyıt'à Abraham hazǫǫ̀ gogha gotà elı̨ hǫt'e.

Rome 5:17

Eyıt'à dǫ ı̨łè hołı̨ı̨ hòèhtsı̨ ts'ıhɂǫ̀ dǫ hazǫǫ̀ ełaàgede ha ı̨lè. Nǫ̀htsı̨ eyı nahk'e t'asìı deè gogha hayį̀į̀là: Dǫ ı̨łè wet'ǫ̀ǫ̀ Nǫ̀htsı̨ edesǫnıwǫǫ̀ denahk'e goghàyeɂà ha eyıts'ǫ dǫ hazǫǫ̀ wexè geedaa sìı ehkw'ı geedaa k'ę̀ę̀ gııtà ha hǫt'e. Eyı dǫ sìı Zezì-Krı hǫt'e.

Rome 5:18

Eyıt'à dǫ ı̨łè hołı̨ı̨ hòèhtsı̨ ts'ıhɂǫ̀ dǫ hazǫǫ̀ hoìla agììdlà, eyı xèht'eè lanì dǫ ı̨łè ehkw'ı eghàlaı̨da t'à dǫ hazǫǫ̀ gıhołı̨į̀ gıghǫ nahoazhaà agììdlà, eyıts'ǫ welǫ whìle ts'ǫ̀ geedaà agedle ha.

Rome 6:12

Eyıt'à naxınìłı̨ı̨ t'anıwǫ k'ę̀ę̀ aahda-le. Naxızhį̀į̀ ełaàwı ha sìı hołı̨ı̨ yets'ǫ̀ k'àowo welè-le.

Rome 6:15

Goxè hagǫ̀ht'e nı̨dè, dàts'ejà lì? Nàowo tł'a ts'eèhkw'e-le hanìkò Nǫ̀htsı̨ wesǫnıwǫ tł'a ts'eèhkw'e t'à k'èdaà hołı̨ı̨ hots'ehtsı̨ ha nì? Hanì ha honàedı nıìle!

Rome 8:12

Eyıt'à sèot'ı̨ı̨, Yedàyeh Nezı̨ı̨ wek'ę̀ę̀ ts'eeda ha hǫt'e, gonìłı̨ı̨ k'ę̀ę̀ ts'eeda ha nıìle.

Rome 8:2

Zezì-Krı wedahxà Yedàyeh Nezı̨ı̨ wet'à ts'eedaa sìı hołı̨ı̨-nàowoò eyıts'ǫ ełaàts'ewıı nàowoò ch'à edaxàgohtè hǫt'e.

Galatıa 3:23

Gogha ehkw'ı-ahodı kwe sìı Moses wenàowoò tł'a ts'eèhkw'e ı̨lè eyıts'ǫ wets'ǫ̀ dagoetł'ı̨ lats'ı̨ı̨t'e ı̨lè. Zezì-Krı gogha ehkw'ı-ahodı ha sìı Nǫ̀htsı̨ wek'èts'eezǫǫ̀ agǫ̀ǫ̀là gots'ǫ̀, godanìı̨tǫ lats'ı̨ı̨t'e ı̨lè.

Galatıa 4:21

Naxı̨ Moses wenàowoò k'ę̀ę̀ aahda ha dahwhǫǫ sìı eyı nàowo dàhodıì-ahodıı sìı asį̀į̀ deghàà wenıahdì?

Galatıa 5:18

Hanìkò Yedàyeh Nezı̨ı̨ k'enaxehɂı̨ nı̨dè, Moses wenàowoò tł'a dahkw'e nıìle.

Tıtus 2:14

Ededı̨ sìı gohołı̨į̀ k'èxa ełaı̨woò adììdlà, wet'à gonàowołı̨ı̨ hazǫǫ̀ ch'à edaxàgoazha hǫt'e. Edegha degaı gòèhtsı̨, xàè wegha ts'ı̨ı̨lı̨ ha agǫ̀ǫ̀là eyıts'ǫ ayìı nezı̨ı̨ sìı weghǫ hòtł'ò ats'ı̨ı̨wǫ ha agǫ̀ǫ̀là.

Hebrew 8:10

Įdaà nı̨dè dıı hanì Israel got'ı̨į̀ gıxè nakenahòdlı̨ı̨ wegòò ehtsı̨ ha. Senàowoò gınì yìı wheɂǫ ahłe ha, eyıts'ǫ gıdzeè k'e dek'eèhtł'è ahłe ha. Gınǫ̀htsı̨ ehłı̨ ha eyıts'ǫ ededı̨ sets'ǫ dǫ gı̨ı̨lı̨ ha.