Rome 6:13 - Nǫ̀htsı̨ Nı̨htł'è

¹³ Naxızhį̀į̀ wı̨ı̨zìı t'à hołı̨ı̨ hoahtsı̨-le, wet'à hołı̨ı̨ k'ę̀ę̀ k'ehoahɂa-le. Hanìkò dǫ ełaı̨dèe gots'ǫ naìdà laaht'e lanì naxızhį̀į̀ hazǫǫ̀ t'à Nǫ̀htsı̨ ghàdeahtè, eyıts'ǫ naxızhį̀į̀ t'à Nǫ̀htsı̨ gha ehkw'ı eghàlaahda.

Rome 6:13 ပူးပေါင်းရင်းမြစ်များ

Luke 15:24

Seza sìı ełaı̨wo ı̨lè, hanìkò dıì eda. Dıkǫehtła ı̨lè, hanìkò dıì wenagòt'ǫ,’ gòhdı. Eyıt'à wegha nàsı̨ hogèhtsı̨.

Luke 15:32

Goınà xè sǫts'ı̨ı̨wǫ ha t'ıį̀t'e. Nechı wewhìle ı̨lè, hanìkò dıì edaà anajà. Dıkǫehtła ı̨lè, hanìkò dıì wenagòt'ǫ,’ yèhdı,” Zezì hadıì goxè godo.

John 5:24

“Ehkw'ı anaxèehsı̨, amìı seyatıì ıìkw'o xè t'aa sı̨ı̨hɂàa sìı ehkw'ı adı yı̨ı̨hwhǫǫ sìı welǫ whìle ts'ǫ̀ eda ha, eyıts'ǫ hoìla awedle ha-le. Ełaı̨wo gots'ǫ eda ts'ǫ̀ łataèhtła hǫt'e.

Rome 1:29

T'asìı hazǫǫ̀ wejıı zǫ gı̨ı̨wǫǫ̀ agejà. Sıì egedì-le agejà eyıts'ǫ sıì gınìłı̨ı̨. Sıì ts'ohogeedı, ełaàłegede, ełets'ǫ̀ nàyagehtı, ełeghǫyageeɂà, eyıts'ǫ hołı̨ı̨ k'ę̀ę̀ k'ehogeɂa. Ełeghǫ nezı̨į̀ gogede-le,

Rome 12:1

Eyıt'à sèot'ı̨ı̨, Nǫ̀htsı̨ etegoòɂı̨ wek'èts'eezǫ ne t'à dıı haehsı̨į̀ naxıghǫnàdaehtì: Naxızhį̀į̀ hazǫǫ̀ t'à Nǫ̀htsı̨ ghàdeahtè eyıts'ǫ wegha zǫ aahda. Degaı k'ę̀ę̀ aahda welè, Nǫ̀htsı̨ wınì k'ę̀ę̀ hoahtsı̨ welè. Haaht'e nı̨dè Nǫ̀htsı̨ wegha nezı̨į̀ k'ehoahɂa ha hǫt'e.

Rome 6:11

Eyı xèht'eè naxı̨ sı hołı̨ı̨ ts'ǫ̀ ełaahde k'ę̀ę̀ ededaànıahdè. Hanìkò Zezì-Krı wet'ǫ̀ǫ̀ Nǫ̀htsı̨ gha aahda k'ę̀ę̀ ededaànıahdè.

Rome 6:16

Dǫ naxıts'ǫ̀ k'àhowo ha weghàdèahtè nı̨dè wek'èaht'e ha hǫt'e, wek'èhoahsǫ-le nì? Hołı̨ı̨ dahwhǫǫ sìı naxıts'ǫ̀ k'àhowo nı̨dè wet'à ełaahde ha. Hanìkò Nǫ̀htsı̨ k'èaht'e nı̨dè wet'à ehkw'ı aahda ha hǫt'e.

Rome 6:19

Naxınì nàtso-le t'à, nezı̨į̀ wenıahdì ha k'ę̀ę̀ hoghànaxeehtǫ. Naxızhį̀į̀ t'à hołı̨ı̨ hoahtsı̨ ı̨lè. Naxınì hołı̨ı̨ nıwǫǫ sìı wek'èaht'e ı̨lè, eyıt'à denahk'e hołı̨ı̨ hoahtsı̨ ı̨lè. Hanìkò dıì sìı naxızhį̀į̀ t'à ehkw'ı eghàlaahda, hanì-ı̨dè degaı k'ę̀ę̀ aahda ha.

Rome 7:23

hanìkò nàowołı̨ı̨ sezhį̀į̀ yìı eghàlaedaa sìı nàowo nezı̨ı̨ sedzeè yìı wheɂǫǫ k'èch'a eghàlaeda wek'èehsǫ. Hołı̨ı̨-nàowoò seyìı eghàlaedaa sìı sets'ǫ̀ k'àhowo t'à sedaàtǫ laaht'e.

Rome 7:5

Goınìłı̨ı̨ gots'ǫ̀ k'àhowo ekò, Moses wenàowoò weghǫ ets'ıìkw'o t'à gonìłı̨ı̨ yek'èch'a eghàlaeda ha nıwǫ. Eyıts'ǫ gozhį̀į̀ t'à hołı̨ı̨ hots'èhtsı̨ı̨, gonìłı̨ı̨ k'ę̀ę̀ eghàlats'eeda ı̨lèe sìı wet'à ełaàts'ede ı̨lè.

1 Corınth 6:15

Naxızhį̀į̀ sìı Zezì-Krı wets'ǫ hǫt'e wek'èahsǫ-le nì? Eyıt'à gozhį̀į̀ Zezì wets'ǫ ne sìı ts'èkojıı t'à whetı̨į̀ ats'ele ha nì? Į̀le, hats'et'ı̨ ha honàedı nıìle!

1 Corınth 6:20

T'asìı deè t'à nàgoèdì hǫt'e. Eyıt'à naxızhį̀į̀ t'à Nǫ̀htsı̨ ts'ǫ̀ nezı̨į̀ aahda.

1 Corınth 6:9

Dǫ wejıı sìı Nǫ̀htsı̨ Wenàowoò k'ę̀ę̀ hòɂǫǫ sìı gıghàhòt'à ha nıìle wek'èahsǫ-le nì? Edeghǫyaahɂà sǫ̀ǫ̀. Dǫ edezhį̀į̀ t'à hołı̨ı̨ k'alagedèe, dǫ nǫ̀htsı̨ą hòèlı̨ı̨ ts'ǫ̀ yagehtıı, dǫ ełexè hołı̨ı̨ hogehtsı̨ı̨, sǫǫ̀mba k'èxa dǫzhìı et'ıì ełexè aget'ı̨ı̨, eyıts'ǫ dǫzhìı hołı̨ı̨ k'ę̀ę̀ ełek'alagedèe,

2 Corınth 10:4

Goxı̨ wet'à ełets'egǫǫ sìı dıı nèk'e dǫ gıt'à ełegegǫǫ sìı xèht'eè nıìle. Į̀le, ełèht'eè nıìle! Nǫ̀htsı̨ wets'ǫ wet'à ełets'egǫǫ nàtsoò agohɂı̨ı̨ sìı wet'à wehłı̨ı̨ wenàowoò nàtsoo sìı hazǫǫ̀ wedıhots'ehtsı̨ hǫt'e.

2 Corınth 5:14

Zezì-Krı goghǫneètǫ t'à hanì wegha eghàlats'eeda ha ts'ı̨ı̨wǫ. Dǫ ı̨łè dǫ hazǫǫ̀ gha ełaı̨wo, eyıt'à dǫ hazǫǫ̀ ełaı̨dè hǫt'e, eyı gogha ehkw'ı-ahodı t'à ats'et'ı̨.

2 Corınth 5:15

Ededı̨ sìı dǫ hazǫǫ̀ gha ełaı̨wo t'à, dǫ geedaa sìı edegha geeda ha nıìle hanìkò amìı gogha ełaı̨woo eyıts'ǫ gogha naìdàa sìı wegha geeda ha hǫt'e.

2 Corınth 8:5

Haı̨hcho ts'ǫ̀ dǫ ts'àgedı ha ts'ı̨ı̨wǫ-le ı̨lè. T'akwełǫ̀ǫ̀ gots'ǫ̀ K'àowo ghàdegį̀ı̨la, eyı tł'axǫǫ̀ Nǫ̀htsı̨ wınì k'ę̀ę̀ goxı̨ sı goghàdegį̀ı̨la.

Ephesus 2:5

Zezì-Krı wexè nats'ìdà agǫ̀ǫ̀là. Hołı̨ı̨ hots'èhtsı̨ t'à dǫ ełaı̨dèe lats'ı̨ı̨t'e ı̨lè kò ts'eedaà agǫ̀ǫ̀là. Eyıt'à Nǫ̀htsı̨ gots'ǫ̀ sǫnıwǫ ts'ıhɂǫ̀ edaxàts'ı̨ı̨de hǫt'e.

Ephesus 5:14

Eyı dzęę̀ sìı wet'à t'asìı hazǫǫ̀ wègaat'ı̨ at'į̀ hǫt'e. Eyıt'à dıı hanì dek'eèhtł'è, “Nı̨ wheętı̨ı̨ sìı ts'enewı, naìdà anede, hanì-ı̨dè Zezì-Krı dzęh nek'e nı̨ı̨dı̨į̀ ayele ha,” dek'eèhtł'è.

Phılıppı 1:20

T'asìı wı̨ı̨zìı t'à edeghǫ į̀į̀zhaehłı̨ ha-le sìı ghǫ hòtł'ò aahwhǫ hǫt'e hanìkò t'aats'ǫǫ̀ Zezì-Krı wegha sınì nàtso xè wegha hòtł'ò eghàlaehda ha dehwhǫ. Ehda, ehda-le, sezhį̀į̀ t'à t'aats'ǫǫ̀ Zezì-Krı weghàsǫhoedı ha dehwhǫ.

Colosse 2:13

Naxıhołı̨į̀ ts'ıhɂǫ̀ dǫ ełaı̨dèe laaht'e eyıts'ǫ naxınìłı̨ı̨ k'ę̀ę̀ aahda ekò k'e Nǫ̀htsı̨-Gotà, Zezì-Krı wexè naàhdà anaxììdlà hǫt'e. Gohołı̨į̀ hazǫǫ̀ goghǫ nahoı̨la.

Colosse 3:5

Eyıt'à dıı nèk'e gots'ǫ hołı̨ı̨ nàowoò naxıts'ǫ̀ k'àowo-le aahłe. Dıı hołı̨ı̨ nàowoò hǫt'e: gozhį̀į̀ t'à hołı̨ı̨ k'alats'edèe, gonìłı̨ı̨, hołı̨ı̨ ghats'eewı, eyıts'ǫ t'asìı ghǫ ets'edì-le. T'asìı gha ets'edì-le sìı gogha nǫ̀htsı̨ elı̨į̀ at'į̀ hǫt'e.

2 Thessalonıca 2:12

Eyı dǫ hazǫǫ̀ nàowo ehkw'ıı gıgha ehkw'ı-ahodı-le, hanìkò t'asìı wejıı zǫ ts'ǫ̀ nàgetso xè hołı̨ı̨ gıgha nezı̨, eyıt'à ełaàgede gha gısınìyaetı ha hǫt'e.

2 Tımothy 2:15

Nǫ̀htsı̨ wınì k'ę̀ę̀ eghàlaı̨da gha hòtł'ò edı̨į̀hdzà. Dǫ yegha nezı̨į̀ eghàlaı̨dàa sìı edeghǫ į̀į̀zhaelı̨ nıìle, eyıts'ǫ yatı ehkw'ıı sìı nezı̨į̀ dǫ hoghàehtǫ hǫt'e.

James 4:1

Ayìı ts'ıhɂǫ̀ ełets'ǫ̀ ààhch'e xè ełek'èch'a aahdı? Naxıdzeè yìı hołı̨ı̨ nàowoò naxık'alawo t'à ełets'ǫ̀ ààhch'e hǫt'e.

1 Peter 2:24

Ededı̨ sìı edezhį̀į̀ t'à dechı̨et'aa k'e ts'ǫ̀ gohołı̨į̀ edexè ayį̀į̀là hǫt'e. Hanì-ı̨dè hołı̨ı̨ ts'ǫ̀ ełaàts'ede ha, hanìkò ehkw'ı k'ehots'eɂa gha ts'eedaà ats'ede ha; eyıts'ǫ wekaà wek'e whela t'à k'aàt'ıì anaxììdlà hǫt'e.

1 Peter 4:2

Eyı ts'ıhɂǫ̀ dıı nèk'e eda gots'ǫ̀ wınìłı̨ı̨ k'ę̀ę̀ eda-le, hanìkò Nǫ̀htsı̨ wınì k'ę̀ę̀ eda.

1 John 1:9

Gohołı̨į̀ ghǫ Nǫ̀htsı̨ ts'ǫ̀ hǫdets'eedè nı̨dè edeyatıì k'èdì ha eyıts'ǫ ehkw'ı gosınìyaehtı ha: goghǫ nahoele xè Zezì wedoò t'à gohołı̨į̀ k'enaetse.