Rome 6:12 - Nǫ̀htsı̨ Nı̨htł'è

¹² Eyıt'à naxınìłı̨ı̨ t'anıwǫ k'ę̀ę̀ aahda-le. Naxızhį̀į̀ ełaàwı ha sìı hołı̨ı̨ yets'ǫ̀ k'àowo welè-le.

Rome 6:12 ပူးပေါင်းရင်းမြစ်များ

Dànì Kèhoį̀wo 4:7

Ehkw'ı k'ehoı̨ɂa nı̨dè neghǫ sìghà dehwhǫ ha-le nì? Hanìkò ehkw'ı k'ehoı̨ɂa-le nı̨dè hołı̨ı̨ negà nìdaı̨hɂa hǫt'e. Nets'ǫ̀ k'ahowo ha nıwǫ, hanìkò nı̨ sìı wets'ǫ̀ k'àı̨wo ha hǫt'e,” Nǫ̀htsı̨ yèhdı.

Rome 13:14

Hanìkò dıı haaht'ı̨: Gots'ǫ̀ K'àowo Zezì-Krı wınì k'ę̀ę̀ aahda. Dànì gonìłı̨ı̨ k'ę̀ę̀ k'ehots'eɂaa sìı ghǫ nànıahdè-le.

Rome 2:8

Hanìkò dǫ edeghǫ zǫ nànıgedèe sìı, nàowo ehkw'ıı gıgha wedę xè nàowołı̨ı̨ k'ę̀ę̀ geedaa sìı Nǫ̀htsı̨ gots'ǫ̀ sıì wek'èch'a xè dagı̨ı̨ɂaà agole ha.

Rome 5:21

Hanì hòɂǫ t'à hołı̨ı̨ ts'ıhɂǫ̀ dǫ ełaàgede ı̨lè, hanìkò Nǫ̀htsı̨ gots'ǫ̀ sǫnıwǫ t'à ehkw'ı geedaa k'ę̀ę̀ gııtà agole ha, eyıts'ǫ Zezì-Krı wet'ǫ̀ǫ̀ welǫ whìle ts'ǫ̀ geedaà agole ha.

Rome 6:14

K'achı̨ hołı̨ı̨ naxıts'ǫ̀ k'àhowo welè-le, Moses wenàowoò tł'a dahkw'e nıìle t'à, hanìkò Nǫ̀htsı̨ wesǫnıwǫ tł'a dahkw'e hǫt'e.

Rome 6:16

Dǫ naxıts'ǫ̀ k'àhowo ha weghàdèahtè nı̨dè wek'èaht'e ha hǫt'e, wek'èhoahsǫ-le nì? Hołı̨ı̨ dahwhǫǫ sìı naxıts'ǫ̀ k'àhowo nı̨dè wet'à ełaahde ha. Hanìkò Nǫ̀htsı̨ k'èaht'e nı̨dè wet'à ehkw'ı aahda ha hǫt'e.

Rome 8:11

Nǫ̀htsı̨ ededı̨ sìı Zezì naìdà ayį̀į̀là hǫt'e, eyıts'ǫ edets'ǫ Yedàyeh Nezı̨ı̨ t'à naxızhį̀į̀ ełaàde ha sìı naìdà ayele ha, Yedàyeh Nezı̨ı̨ naxıdzeè yìı nàdè ne t'à.

Rome 8:13

Naxınìłı̨ı̨ k'ę̀ę̀ aahda nı̨dè ełaahde ha, hanìkò Yedàyeh Nezı̨ı̨ wedahxà naxızhį̀į̀ wets'ǫ hołı̨ı̨-nàowoò ełaı̨dè aahłà nı̨dè aahda ha,

2 Corınth 4:11

Goxı̨ ı̨łaà ts'eeda et'ıì t'aats'ǫǫ̀ Zezì wets'ıhɂǫ̀ ełaàts'ede ha gogha hòɂǫ hǫt'e, hanì-ı̨dè gozhį̀į̀ ełaàwı ha sìı weyìı Zezì edaa sìı wek'èedzǫǫ̀ ade ha hǫt'e.

2 Corınth 5:4

Įłaà dıı nèk'e nı̨hbàa yìı ts'eeda et'ıì godzeè etse xè dats'ı̨ı̨ɂa hǫt'e. Etets'eèt'ı̨ ha ts'ı̨ı̨wǫ-le, hanìkò yak'e gokǫ̀ yìı nàts'edè ha ts'ı̨ı̨wǫ. Gozhį̀į̀ ełaàwıı sìı gozhį̀į̀ welǫ whìle ts'ǫ̀ eda ts'ǫ̀ łatats'eedè ha ts'ı̨ı̨wǫ.

Galatıa 5:16

Eyıt'à, Yedàyeh Nezı̨ı̨ dahxà aahda ha naxèehsı̨. Haaht'e nı̨dè naxınìłı̨ı̨ t'anıwǫ k'ę̀ę̀ aahda ha nıìle.

Galatıa 5:24

Amìı Zezì-Krı wets'ǫ agı̨ı̨t'ee sìı edenàowoò eyıts'ǫ edekwǫ̀ t'à hołı̨ı̨ k'ę̀ę̀ eghàlageeda ha gı̨ı̨wǫǫ sìı eyı hazǫǫ̀ dechı̨et'aa k'e wedıìtsò agį̀į̀là hǫt'e.

Ephesus 2:3

Goxı̨ sı hołı̨ı̨ k'ę̀ę̀ ts'eedaà ekò gıxèts'ı̨ht'e ı̨lè. Hołı̨ı̨ ghats'eewı eyıts'ǫ gonìłı̨ı̨ t'à dàts'ı̨ı̨wǫǫ sìı k'èats'ı̨ı̨t'e ı̨lè. Dǫ hazǫǫ̀ gıxèht'eè gonìłı̨ı̨ k'èxa nàgoehkwa ha gogha hòɂǫ ı̨lè.

Ephesus 4:22

Įnę̀ę dànì naxınìłı̨ı̨ k'ę̀ę̀ aahda ı̨lèe sìı wek'ę̀ę̀ aahda-le gha hoghànaxeètǫ ı̨lè. Hołı̨ı̨ gha hòtł'ò kànıahɂaa sìı wet'à naxınì wedıhołè hǫt'e.

1 Thessalonıca 4:5

Dǫ Nǫ̀htsı̨ k'ègeezǫ-le lanì naxınìłı̨ı̨ t'anıwǫ k'ę̀ę̀ aahda-le.

2 Tımothy 2:22

Cheko gınàowołı̨ı̨ ch'à edek'ènedì. Ehkw'ı zǫ k'ę̀ę̀ k'ehoı̨ɂa, t'aats'ǫǫ̀ Nǫ̀htsı̨ gha nınì nàtso anehwhǫ, dǫ ghǫneètǫ eyıts'ǫ ts'èwhı̨į̀ k'ehoı̨ɂa. Dǫ hazǫǫ̀ gıdzeè degaı xè Nǫ̀htsı̨ ghǫ gınì nàtsoo agı̨ı̨t'ee sìı hanì geeda hǫt'e.

Tıtus 2:12

Eyı wet'à t'asìı hazǫǫ̀ Nǫ̀htsı̨ wınì k'ę̀ę̀ nıìle sìı, eyıts'ǫ dıı nèk'e t'asìı weghats'eewıı sìı ts'ǫ̀ į̀le ts'edı gha hoghàgoètǫ hǫt'e. Eyıts'ǫ wet'à dıı nèk'e nàowołı̨ı̨ ch'à edek'èts'edì ha, ehkw'ı ts'eeda ha, eyıts'ǫ Nǫ̀htsı̨ wek'ę̀ę̀ ts'eeda ha, wek'èts'eezǫ hǫt'e.

Tıtus 3:3

Įnę̀ę sìı goxı̨ sı gots'ı̨ı̨zǫ-le ı̨lè, ek'èats'ı̨ı̨t'e-le ı̨lè, goghǫyageeɂà eyıts'ǫ gonàowołı̨ı̨ k'ę̀ę̀ zǫ ts'eeda ı̨lè. T'aats'ǫǫ̀ hołı̨ı̨ hots'ehtsı̨ xè ełeghǫ ts'ohots'eedı ı̨lè. Dǫ dzats'ı̨ı̨hwhǫ eyıts'ǫ dǫ godzagı̨ı̨hwhǫ hanì ts'eeda ı̨lè.

1 Peter 1:14

Chekoa edetà k'èı̨t'ee lanì Nǫ̀htsı̨ k'èaht'e. Įnę̀ę godı nezı̨ı̨ k'èahsǫ-le ekò naxınìłı̨ı̨ k'ę̀ę̀ k'ehoahɂa ı̨lè, hanìkò dıì sìı hanì aahda ha nıìle.

1 Peter 2:11

Seàgı̨ą, dıı nèk'e ts'ǫ dǫ gıta xàhtǫ laaht'e t'à hołı̨ı̨ naxıdą̀ązhį̀ı̨ k'alawoo sìı wek'ę̀ę̀ aahda ha-le naxıghǫ hòtł'ò hahwhǫ.

Jude 1:16

Eyı dǫ sìı t'aats'ǫǫ̀ sǫagedı xè dǫ k'e nìdahogeeɂàa dǫǫ̀ agı̨ı̨t'e, eyıts'ǫ edınìłı̨ı̨ k'ę̀ę̀ k'ehogeɂa. Edeghǫ xàdahogedì eyıts'ǫ edegha sìghà hogehtsı̨ zǫ gha dǫ ts'ǫ̀ nezı̨į̀ agedı.

Jude 1:18

Dıı hanaxègedı ı̨lè, “Nǫǫde dzęę̀ ts'ǫ̀ whaà-le nı̨dè, eghageedlòo-dǫǫ̀ edınìłı̨ı̨ k'ę̀ę̀ geedaa sìı naxıta agede ha,” gedı ı̨lè.