Rome 5:2 - Nǫ̀htsı̨ Nı̨htł'è

² Zezì-Krı wedahxà eyıts'ǫ goxı̨ gogha ehkw'ı-ahodı t'à Nǫ̀htsı̨ edesǫnıwǫǫ̀ goghàı̨ɂǫǫ sìı dıì wet'à ts'eeda. Nǫ̀htsı̨ wexè enıìyah t'à welǫ whìle ts'ǫ̀ ts'eeda ha goghàhòı̨ɂǫ t'à sıì goınà hǫt'e.

Rome 5:2 ပူးပေါင်းရင်းမြစ်များ

Matthew 25:21

“Wets'ǫ̀ k'àowo hayèhdı, ‘Secheekeè nezı̨ı̨ anet'e, nezı̨į̀ eghàlaneedà! T'asìı łǫ-lea t'à nezı̨į̀ eghàlaneedà k'èxa t'asìı łǫ gha k'àı̨woò anehłe ha. Sexè nınà welè!’ yèhdı.

John 10:7

Eyıt'à Zezì k'achı̨ hadı, “Ehkw'ı anaxèehsı̨, sı̨ sìı sahzǫ̀ą gıgha enìı̨tǫ laaht'e.

John 10:9

Sı̨ enìı̨tǫ laaht'e. Amìı eyı enìı̨tǫ k'è goyaetłaa sìı edaxàweetè ha hǫt'e. Ededı̨ goyaetła xè xàetła ha, hanì-ı̨dè nezı̨į̀ shètı̨ xè wek'èhodì.

John 14:6

Zezì yets'ǫ̀ hadı, “Sı̨ sìı sek'e gǫǫ̀ɂà aht'e, nàowo ehkw'ıı aht'e, eyıts'ǫ wet'à ts'eedaa aht'e. Dǫ wı̨ı̨zìı Setà ts'ǫ̀-etła ha dìì, sı̨ zǫ sek'e gǫǫ̀ɂà hǫt'e.

John 5:24

“Ehkw'ı anaxèehsı̨, amìı seyatıì ıìkw'o xè t'aa sı̨ı̨hɂàa sìı ehkw'ı adı yı̨ı̨hwhǫǫ sìı welǫ whìle ts'ǫ̀ eda ha, eyıts'ǫ hoìla awedle ha-le. Ełaı̨wo gots'ǫ eda ts'ǫ̀ łataèhtła hǫt'e.

Zezì Wecheekeèdeè 14:27

Kǫ̀godeè Antıoch nègı̨ı̨ɂe ekò Nǫ̀htsı̨ wecheekeè hazǫǫ̀ xè ełegıadì. Nǫ̀htsı̨ dànì goxè eghàlaı̨dà eyıts'ǫ dànì Nǫ̀htsı̨ dǫ eyıì-le xàɂaa gınì nàtsoò agǫ̀ǫ̀làa sìı hazǫǫ̀ gots'ǫ̀ hagedı.

Rome 11:20

Eyı sìı ehkw'ı t'ıį̀t'e, Nǫ̀htsı̨ gıgha ehkw'ı adı-le t'à dahchı̨gıatǫ̀ ı̨lè. Naxı̨ Nǫ̀htsı̨ naxıgha ehkw'ı-ahodı t'à, eyı ts'ı wets'ǫ kw'ıhchı̨į̀ aaht'e anaxììdlà hǫt'e. Eyıt'à xàhoahdì-le, hanìkò edeghǫ dahjı̨ welè.

Rome 12:12

Įdaà naxıxè sìghà hòɂǫ ha t'à naxınà welè, naxıgha hoìla nı̨dè wexè ts'èwhı̨į̀ aahda eyıts'ǫ t'aats'ǫǫ̀ yaahtı.

Rome 14:4

Eyı dǫ wets'ǫ̀ k'àowo anet'e nıìle t'à wesınìyaąhtı ha nıìle. Dǫ nezı̨ı̨ elı̨, hanì-le-ı̨dè dǫ nezı̨-le elı̨ı̨ sìı wets'ǫ k'àowo wets'ǫ̀ hoèlı̨ hǫt'e. Gots'ǫ̀ K'àowo dǫ nezı̨ı̨ elı̨į̀ ayele ha dìì-le t'à dǫ nezı̨ı̨ elı̨ k'ę̀ę̀ wııtà ha.

Rome 15:13

Nǫ̀htsı̨ edaxàgolee sìı sıì naxınà eyıts'ǫ naxıxè sìghà hòɂǫ ayııle. Nǫ̀htsı̨ naxıgha ehkw'ı adı welè, hanì-ı̨dè Yedàyeh Nezı̨ı̨ wedahxà naxınì deɂǫ̀ǫ̀ nàtsoò ade ha hǫt'e.

Rome 2:7

Dǫ t'aats'ǫǫ̀ Nǫ̀htsı̨ gha nezı̨į̀ k'ehogeɂaa sìı gıxè enıìyah hòɂǫ ha, Nǫ̀htsı̨ goghǫ sìghà anıwǫ ha, eyıts'ǫ welǫ whìle ts'ǫ̀ geeda gha aget'ı̨ hǫt'e. Hanıı dǫ sìı Nǫ̀htsı̨ welǫ whìle ts'ǫ̀ geedaà agole ha hǫt'e.

Rome 3:23

Dǫ hazǫǫ̀ hołı̨ı̨ hogèhtsı̨ hǫt'e. Nǫ̀htsı̨ dànì wexè enıìyah xè degaı wehòhɂǫǫ sìı ts'ǫ nıwà ts'eèhkw'e hǫt'e,

Rome 5:5

Eyı gogha ehkw'ı-ahodı nı̨dè gotł'ahk'e agode ha nıìle. Nǫ̀htsı̨ Yedàyeh Nezı̨ı̨ godzeè yìı nàdè ha goghàhòı̨ɂǫ t'à sıì goghǫneètǫǫ sìı wek'èts'eezǫǫ̀ agǫ̀ǫ̀là.

Rome 8:1

Hanìkò amìı Zezì-Krı xè aget'ı̨ı̨ sìı ełaàgede gha gısınìyaetı ha-le.

Rome 8:24

Eyı wekanıts'eèɂà t'à edaxàgoazha hǫt'e. Ayìı wekanıts'eèɂàa sìı gogha wègaat'ı̨ nı̨dè k'achı̨ wek'enats'eèhɂı̨ ha nıìle, ayìı wekanıts'eèɂàa sìı hòt'a goghǫ̀t'ǫ ne t'à.

1 Corınth 15:1

Sèot'ı̨ı̨, godı nezı̨ı̨ t'à naxıts'ǫ̀ goıhdee sìı wenaahdì ha dehwhǫ. Eyı godı nezı̨ı̨ sìı naxıgha ehkw'ı-ahodı xè hotıì wek'ę̀ę̀ aahda ha dahwhǫ hǫt'e.

2 Corınth 3:18

Goxı̨ sìı goınì k'e ɂehtł'ı̨ whehchìı nıìle, gots'ǫ̀ K'àowo dànì enıìyah elı̨ı̨ sìı gok'e saı̨dı̨ hǫt'e. Gots'ǫ̀ K'àowo, Įnì Degaı elı̨ı̨ sìı godzeè yìı eładı̨į̀ agohɂį̀, eyıt'à denahk'e wexèht'eè ats'et'į̀ agohɂı̨.

2 Corınth 4:17

Whaà-lea gots'ǫ̀ yaazea goxè hoìla hǫt'e, hanìkò wet'à welǫ whìle ts'ǫ̀ goxè sıì enıìyah hòɂǫ gha agot'ı̨ hǫt'e, eyı sìı hazǫǫ̀ t'à denahk'e wet'àaɂà hǫt'e.

Ephesus 2:18

Goxı̨ dǫ nàke xàɂaa ts'ı̨ı̨lı̨ı̨ sìı ededı̨ wet'à Yedàyeh Nezı̨ı̨ goghàı̨ɂǫ t'à, Nǫ̀htsı̨-Gotà ts'ǫ̀ ats'ede ha gogha dìì-le ayį̀į̀là hǫt'e.

Ephesus 3:12

Zezì-Krı wet'ǫ̀ǫ̀ eyıts'ǫ gogha ehkw'ı-ahodı t'à edèdats'eedı-le Nǫ̀htsı̨ ts'ǫ̀ ats'ede ha dìì-le agòjà.

Ephesus 6:13

Eyıt'à Nǫ̀htsı̨ wets'ǫ eghǫǫ-dǫǫ̀ yàahłı̨ k'ę̀ę̀ ełets'egǫǫ-goht'ǫǫ̀ hazǫǫ̀ yìahdè xè sı̨į̀daahkw'e, hanì-ı̨dè t'asìıłı̨ı̨ naxık'alagedè nı̨dè, nàahtso xè gıts'ǫǫ̀hk'e naahzha ha dìì-le. Eyı hazǫǫ̀ haahłà tł'axǫǫ̀ nı̨dè, gıghǫahnè ha hǫt'e.

2 Thessalonıca 2:16

Nǫ̀htsı̨-Gotà goghǫneètǫǫ sìı wesǫnıwǫ t'à welǫ whìle ts'ǫ̀ ts'eeda ha edeyatıì nàtsoo goghàı̨ɂǫ, eyıts'ǫ wet'à goınì nàtsoò agǫ̀ǫ̀là. Gots'ǫ̀ K'àowo Zezì-Krı xàè ededı̨ eyıts'ǫ Nǫ̀htsı̨-Gotà

Hebrew 3:6

Hanìkò Zezì-Krı, Nǫ̀htsı̨ Weza elı̨ k'ę̀ę̀ Edetà k'èı̨t'e xè ededı̨ Nǫ̀htsı̨ wekǫ̀ gots'ǫ dǫ ts'ǫ̀ K'àowo hǫt'e. Nǫǫde ts'ǫ̀ goınì dejı̨-le xè gogha ehkw'ı-ahodı ts'edı nı̨dè Nǫ̀htsı̨ wekǫ̀ gots'ǫ dǫ ats'ı̨ı̨t'e.

Hebrew 6:18

Nǫ̀htsı̨ sìı t'asìı nàke ładı̨į̀ adle ha-le t'à yatı whehtsı̨ hǫt'e, eyı weghàà Nǫ̀htsı̨ hots'ì ha honàedı nıìle wek'èts'eezǫ. Goxı̨ hoìla ch'à edaxàgoeze gha Nǫ̀htsı̨ ts'ǫ̀ kwı̨ts'eèhdee sìı eyı ghǫ goınì nàtso welì.

1 Peter 3:18

Įłàà zǫ Zezì-Krı hołı̨ı̨ hazǫǫ̀ k'èxa ełaı̨wo hǫt'e eyıts'ǫ k'achı̨ hanade ha nıìle. Ededı̨ ehkw'ı elı̨ı̨ sìı naxı̨ ehkw'ı aaht'e-le gha ełaı̨wo, eyıt'à Nǫ̀htsı̨ ts'ǫ̀ anaxį̀į̀là. Wezhį̀į̀ ełaàgıìhwho, hanìkò Yedàyeh Nezı̨ı̨ t'à naìdà awììdlà hǫt'e,

John Wenazhıı 21:11

Nǫ̀htsı̨ wets'ǫ enıìyah deè eyı kǫ̀godeè k'e saı̨dı̨. Sǫǫ̀mbakweè dètìı lanì wèdaat'ı̨, eyıts'ǫ eja sı lanì wenı̨ı̨dàà xègaat'ı̨.

John Wenazhıı 21:23

Eyı kǫ̀godeè sìı Nǫ̀htsı̨ wets'ǫ enıìyah deè wek'e saı̨dı̨ t'à sa eyıts'ǫ adzęzah wek'e daaɂa-le kò t'asanìle. Hazǫǫ̀ ts'ǫ̀ wek'e dzęh agǫ̀ht'e eyıts'ǫ Sahzǫ̀ą sìı gogha ek'aèk'ǫ dèk'ǫ̀ǫ elı̨ lanì.

John Wenazhıı 21:3

Daèhchı̨cho gots'ǫ hòtł'ò dıı hats'edıì hǫt'e, “Jǫ gots'ǫ ı̨daà Nǫ̀htsı̨ dǫ ta nàdè ha t'à wekǫ̀ dǫ nı wheɂǫ ha. Wets'ǫ dǫ gı̨ı̨lı̨ ha, Nǫ̀htsı̨ ededı̨ goxè nàdè ha, eyıts'ǫ Gonǫ̀htsı̨ elı̨ ha hǫt'e.

John Wenazhıı 3:21

“T'aa hołı̨ı̨ ghǫehnèe sìı sedaèhchı̨cho k'e segà whedaà awehłe ha. Sı̨ hołı̨ı̨ ghǫèhnǫ t'à Setà wedaèhchı̨cho k'e wegà whıhdaà asììdlà hǫt'e.