Rome 5:17 - Nǫ̀htsı̨ Nı̨htł'è

¹⁷ Eyıt'à dǫ ı̨łè hołı̨ı̨ hòèhtsı̨ ts'ıhɂǫ̀ dǫ hazǫǫ̀ ełaàgede ha ı̨lè. Nǫ̀htsı̨ eyı nahk'e t'asìı deè gogha hayį̀į̀là: Dǫ ı̨łè wet'ǫ̀ǫ̀ Nǫ̀htsı̨ edesǫnıwǫǫ̀ denahk'e goghàyeɂà ha eyıts'ǫ dǫ hazǫǫ̀ wexè geedaa sìı ehkw'ı geedaa k'ę̀ę̀ gııtà ha hǫt'e. Eyı dǫ sìı Zezì-Krı hǫt'e.

Rome 5:17 ပူးပေါင်းရင်းမြစ်များ

Dànì Kèhoį̀wo 2:17

hanìkò ts'ı wet'à nàowo nezı̨ı̨ eyıts'ǫ nàowo nezı̨-le k'èhots'eezǫǫ sìı wets'ǫ shènetı̨ ha-le. Eyı ts'ı wets'ǫ shènetı̨ nı̨dè ełaı̨wı ha hǫt'e,” yèhdı.

Dànì Kèhoį̀wo 3:19

“Ehtł'è nanedlı̨ gots'ǫ̀ nınììtì xè la nàtsoo ghàlaı̨da zǫ t'à shènetı̨ ha. Ehtł'è gots'ǫ nehòlı̨ t'à ehtł'è anet'e, eyıts'ǫ ehtł'è nanedlı̨ ha,” Nǫ̀htsı̨ Adam ts'ǫ̀ hadı.

Dànì Kèhoį̀wo 3:6

Ts'èko, eyı ts'ı wejìecho ts'eɂà gha nezı̨ lanì wegha wègaat'ı̨ xè wegha wèdaat'ı̨. Wet'à gohzǫǫ̀ ahde ha nıwǫ t'à jìecho mǫ̀hdaa neyı̨į̀wa gà yı̨ı̨ɂà. Wedǫǫ̀ yegà nàwoo sìı jìecho mǫ̀hdaa yeghàı̨dì. Ededı̨ sı yı̨ı̨ɂà.

Matthew 25:34

“Eyı tł'axǫǫ̀-ı̨dè k'àowocho dǫ nàgòts'ehnèe nàgeèhzaa sìı gots'ǫ̀ dıı hadı ha, ‘Jǫ aahdè, Setà naxıxè sìghà anıwǫ hǫt'e. Dıı nèè hòèlı̨ gots'ǫ Nǫ̀htsı̨ Wenàowoò k'ę̀ę̀ hòɂǫǫ naxıda sınìhòt'ǫǫ sìı ts'ǫ̀ goyaahdè.

John 10:10

Eeɂį̀ı̨-dǫǫ̀ sìı sahzǫ̀ą deɂį̀ı̨ xè ełaàgòhde zǫ gha at'ı̨, hanìkò sı̨ set'à geeda ha jǫ ahjà, eyıts'ǫ denahk'e gıxè sìghà hòɂǫ gha jǫ ahjà.

Rome 5:12

Dǫ ı̨łè wehołı̨į̀ t'à dıı nèk'e hołı̨ı̨ kèhǫǫ̀wo wek'èts'eezǫ hǫt'e. Hołı̨ı̨ ts'ıhɂǫ̀ eyı dǫ ełaı̨wo, eyıts'ǫ dǫ hazǫǫ̀ hołı̨ı̨ hogehtsı̨ ts'ıhɂǫ̀ wexèht'eè ełaàgede ha hǫt'e.

Rome 5:15

Hanìkò Nǫ̀htsı̨ ayìı goghàı̨ɂǫǫ sìı eyıts'ǫ dànì hołı̨ı̨ dıı nèk'e ts'ǫ̀ ajàa sìı xèht'eè nıìle. Dǫ ı̨łàet'ee zǫ wehołı̨į̀ ts'ıhɂǫ̀ dǫ łǫ ełaı̨dè, hanìkò Nǫ̀htsı̨ wesǫnıwǫ t'à eyı nahk'e t'asìı deè gogha hayį̀į̀là: dǫ ı̨łè gots'ǫ̀ ayį̀į̀là, eyı dǫ wesǫnıwǫ t'à dǫ łǫ gıhołı̨į̀ gıghǫ nahoazha; eyı dǫ sìı Zezì-Krı hǫt'e.

Rome 5:20

Dǫ deɂǫ̀ǫ̀ hołı̨ı̨ hogehtsı̨ı̨ wek'èhoedzǫ gha Moses wenàowoò goghǫ̀t'ǫ ı̨lè. Dǫ deɂǫ̀ǫ̀ hołı̨ı̨ hogehtsı̨ nı̨dè Nǫ̀htsı̨ denahk'e gots'ǫ̀ sǫnıwǫǫ̀ ajà.

Rome 6:14

K'achı̨ hołı̨ı̨ naxıts'ǫ̀ k'àhowo welè-le, Moses wenàowoò tł'a dahkw'e nıìle t'à, hanìkò Nǫ̀htsı̨ wesǫnıwǫ tł'a dahkw'e hǫt'e.

Rome 6:23

Hołı̨ı̨ hots'ehtsı̨ k'èxa ełaàts'ede hǫt'e. Hanìkò gots'ǫ̀ K'àowo Zezì-Krı wet'ǫ̀ǫ̀ Nǫ̀htsı̨ welǫ whìle ts'ǫ̀ ts'eedaà agǫ̀ǫ̀là hǫt'e.

Rome 8:39

Įdòo yat'a k'àhogedèe, ı̨zhıì dèè gotł'a k'àhogedèe eyıts'ǫ Nǫ̀htsı̨ t'asìı hazǫǫ̀ whehtsı̨ gots'ǫ t'asìı wı̨ı̨zìı sìı Nǫ̀htsı̨ dànì goghǫneètǫ ch'à ı̨łak'aà agogele ha dìì hǫt'e, gots'ǫ̀ K'àowo Zezì-Krı wets'ıhɂǫ̀.

1 Corınth 15:49

Dıı nèk'e gots'ǫ dǫ t'akwełǫ̀ǫ̀ wehòèlı̨ı̨ sìı wexèht'eè gògaat'ı̨ hǫt'e, eyı lanì dǫ yak'e gots'ǫ ne sìı wexèht'eè gògaat'ı̨ ha.

1 Corınth 4:8

Hòt'a t'asìı hazǫǫ̀ naxıts'ǫ dahwhǫ nì? Naxı̨ hòt'a dǫ ahxee wheahłı̨ dahwhǫ nì? Godę kò k'àowocho wheahłı̨ dahwhǫ nì? Xàè k'àowocho wheahłı̨ nı̨dè dehwhǫ, hanì-ı̨dè goxı̨ naxıxè k'àowocho ts'ı̨ı̨lı̨ ha!

1 Tımothy 1:14

Zezì-Krı wets'ıhɂǫ̀ Nǫ̀htsı̨ deɂǫ̀ǫ̀ sets'ǫ̀ sǫnıwǫ t'à segha ehkw'ı-ahodıì asį̀į̀là eyıts'ǫ dǫ ghǫneehtǫǫ̀ asį̀į̀là.

2 Tımothy 2:12

Dats'ı̨ı̨ɂa kò weghǫ goınì nàtso ats'ı̨ı̨hwhǫ nı̨dè, wexè k'ahots'edè ha hǫt'e. Wek'èts'eezǫ-le ts'edı nı̨dè ededı̨ sı gok'èezǫ-le hadı ha.

James 2:5

Sèot'ı̨ı̨, seàhkw'ǫ: dǫ-teèt'ı̨ı̨ gı̨ı̨lı̨ı̨ sìı gıgha ehkw'ı-ahodı ha Nǫ̀htsı̨ gòį̀hchì hǫt'e, eyıt'à gıxè sìghà hòɂǫ hǫt'e. Dıı nèk'e gogha dǫ-teèt'ı̨ı̨ gı̨ı̨lı̨ı̨ kò, Nǫ̀htsı̨ goghǫ dıı hadı, “Gıgha ehkw'ı aehsı̨ xè seghǫnegeètǫ t'à dǫ ahxee gı̨ı̨lı̨ ha eyıts'ǫ senàowoò k'ę̀ę̀ hòɂǫǫ gıghǫ̀t'à ha,” hadı.

1 Peter 2:9

Hanìkò naxı̨ sìı naxììchì hǫt'e, Nǫ̀htsı̨ wedahxà yahtıı aaht'e, Nǫ̀htsı̨ wets'ǫ aaht'e eyıts'ǫ dǫ degaı aaht'e. Eyı ts'ıhɂǫ̀ Nǫ̀htsı̨ ghàsǫahdı; ededı̨ sìı togoòtł'òo yìı gots'ǫ dzęh nı̨ı̨dı̨ı̨ ts'ǫ̀ naxıkayaı̨htı hǫt'e.

John Wenazhıı 1:6

Wetà Nǫ̀htsı̨ gha eghàlats'eeda ha t'à, dǫ ı̨łè lats'ı̨ı̨t'e xè yahtıı ts'ı̨ı̨lı̨į̀ agǫ̀ǫ̀là. Zezì-Krı weghàsǫts'eedı eyıts'ǫ welǫ whìle ts'ǫ̀ k'àowocho nàtso welè! Amen.

John Wenazhıı 20:4

Eyı tł'axǫǫ̀ daèhchı̨cho łǫ wègoèht'į̀, dǫ sınìyagehtı ha gıghàhòt'ǫǫ sìı gık'e dèhkw'e. Eyıts'ǫ dǫ łǫ gıdą̀ązhį̀ı̨ senadąą̀ wègoèht'į̀. Zezì wegodıì eyıts'ǫ Nǫ̀htsı̨ weyatıì t'à gogede k'èxa gıkwì k'egı̨ı̨hkàa sìı agı̨ı̨t'e. Tıts'aàdìı nechàa eyıts'ǫ kwe wek'ę̀ę̀ hòèlı̨ ts'ǫ̀ nàgògı̨ı̨hgè-le eyıts'ǫ gıts'abeè eyıts'ǫ gılà k'e tıts'aàdìı nechàa wıızì dek'eèhtł'è-le agı̨ı̨t'e. Eyı dǫ hazǫǫ̀ nagìdà, eyıts'ǫ ı̨łè-lemì xo gots'ǫ̀ Chrıst wexè k'aodèe gı̨ı̨lı̨.

John Wenazhıı 20:6

Eyı t'akwełǫ̀ǫ̀ dǫ nagìdàa sìı degaı agı̨ı̨t'e eyıts'ǫ gıxè sìghà agǫ̀ht'e. K'achı̨ ełaàgııde ha nıìle, hanìkò Nǫ̀htsı̨ wets'ǫ yahtıı gı̨ı̨lı̨ ha eyıts'ǫ ı̨łè-lemì xo gots'ǫ̀ wexè k'àowo gı̨ı̨lı̨ ha.

John Wenazhıı 22:5

To agode ha nıìle. Nǫ̀htsı̨ ededı̨ sìı gok'e daaɂa ha ne t'à, dǫ wı̨ı̨zìı ek'aèk'ǫ nıwǫ ha nıìle eyıts'ǫ dǫ wı̨ı̨zìı sadeè nıwǫ ha nıìle. Eyıts'ǫ welǫ whìle ts'ǫ̀ k'àowo gı̨ı̨lı̨ ha.

John Wenazhıı 3:21

“T'aa hołı̨ı̨ ghǫehnèe sìı sedaèhchı̨cho k'e segà whedaà awehłe ha. Sı̨ hołı̨ı̨ ghǫèhnǫ t'à Setà wedaèhchı̨cho k'e wegà whıhdaà asììdlà hǫt'e.