Rome 5:14 - Nǫ̀htsı̨ Nı̨htł'è

¹⁴ Hanìkò Adǫ̀ dıı nèk'e nàı̨wo gots'ǫ, Moses ı̨dà gots'ǫ̀ dǫ hazǫǫ̀ ełaàgede ı̨lè. Adǫ̀ Nǫ̀htsı̨ nàowoò nàı̨zhì k'ę̀ę̀ nàowo nàgı̨ı̨zhì-le kò, gıts'ǫ̀ hagòjà. Eyıts'ǫ Adǫ̀ Zezì ı̨łaà nììtła ha ı̨lèe sìı yexèht'eè lanì hǫt'e, į̀łah dǫ łǫ gha t'akwełǫ̀ǫ̀ agı̨ı̨t'e.

Rome 5:14 ပူးပေါင်းရင်းမြစ်များ

Dànì Kèhoį̀wo 19:25

Hanì t'aa eyı kǫ̀godeè nàke eyıts'ǫ ekǫ dèe goı̨tłoa hazǫǫ̀ yedıhòèhtsı̨. Dǫ hazǫǫ̀ ekǫ nàgedèe sìı hazǫǫ̀ godıhòèhtsı̨, eyıts'ǫ dèe k'e t'asìı dehshee hazǫǫ̀ yedıhòèhtsı̨.

Dànì Kèhoį̀wo 4:8

Hagòjà tł'axǫǫ̀ Caın edechı ts'ǫ̀ hadı, “Dèè k'e t'asį̀ı̨ k'ełıìtło,” yèhdı. Dèè k'e k'eget'à ekò Caın hǫtsaa edechı Abel gà nàatła t'à ełaàyį̀ı̨hwho.

Dànì Kèhoį̀wo 7:22

T'asìı hazǫǫ̀ dèè k'e gejìı gı̨ı̨lı̨ı̨ sìı hazǫǫ̀ ełaàgı̨ı̨dè.

Rome 5:12

Dǫ ı̨łè wehołı̨į̀ t'à dıı nèk'e hołı̨ı̨ kèhǫǫ̀wo wek'èts'eezǫ hǫt'e. Hołı̨ı̨ ts'ıhɂǫ̀ eyı dǫ ełaı̨wo, eyıts'ǫ dǫ hazǫǫ̀ hołı̨ı̨ hogehtsı̨ ts'ıhɂǫ̀ wexèht'eè ełaàgede ha hǫt'e.

Rome 5:17

Eyıt'à dǫ ı̨łè hołı̨ı̨ hòèhtsı̨ ts'ıhɂǫ̀ dǫ hazǫǫ̀ ełaàgede ha ı̨lè. Nǫ̀htsı̨ eyı nahk'e t'asìı deè gogha hayį̀į̀là: Dǫ ı̨łè wet'ǫ̀ǫ̀ Nǫ̀htsı̨ edesǫnıwǫǫ̀ denahk'e goghàyeɂà ha eyıts'ǫ dǫ hazǫǫ̀ wexè geedaa sìı ehkw'ı geedaa k'ę̀ę̀ gııtà ha hǫt'e. Eyı dǫ sìı Zezì-Krı hǫt'e.

Rome 5:21

Hanì hòɂǫ t'à hołı̨ı̨ ts'ıhɂǫ̀ dǫ ełaàgede ı̨lè, hanìkò Nǫ̀htsı̨ gots'ǫ̀ sǫnıwǫ t'à ehkw'ı geedaa k'ę̀ę̀ gııtà agole ha, eyıts'ǫ Zezì-Krı wet'ǫ̀ǫ̀ welǫ whìle ts'ǫ̀ geedaà agole ha.

Rome 8:20

T'asìı hazǫǫ̀ hòèlı̨ı̨ sìı xè gots'eèdıì agòjà. Ededı̨ hanì ha gı̨ı̨wǫ-le, eyıts'ǫ hanì edets'ǫ̀ eghàlagı̨ı̨dà-le, hanìkò Nǫ̀htsı̨ sìı hanì gıxè hòɂǫǫ̀ ayį̀į̀là.

Rome 8:22

Dıì gots'ǫ̀ Nǫ̀htsı̨ t'asìı hazǫǫ̀ whehtsı̨ı̨ sìı dagı̨ı̨ɂa hǫt'e, ts'èko webebìa gòhłè ha t'à hǫetse eyı lagǫ̀ht'e wek'èts'eezǫ.

1 Corınth 15:22

Adǫ̀ wets'ıhɂǫ̀, dǫ hazǫǫ̀ ełaàde hǫt'e, eyıts'ǫ Zezì-Krı wets'ıhɂǫ̀, dǫ hazǫǫ̀ nagìdà ha hǫt'e.

1 Corınth 15:45

Dıı hanì dek'eèhtł'è: “Adǫ̀ t'akwełǫ̀ǫ̀ gots'ǫ ne sìı Nǫ̀htsı̨ edaà ayį̀į̀là,” dek'eèhtł'è. Adǫ̀ nǫǫde sìı ı̨nì hǫt'e, wets'ıhɂǫ̀, dǫ eda hǫt'e.

Hebrew 9:27

Dǫ ı̨łàà zǫ ełaàwı ha hǫt'e, eyı tł'axǫǫ̀-ı̨dè Nǫ̀htsı̨ nadąą̀ wesınìyaetı ha.