Rome 5:11 - Nǫ̀htsı̨ Nı̨htł'è

¹¹ Eyıts'ǫ gots'ǫ̀ K'àowo Zezì-Krı wet'ǫ̀ǫ̀ goghǫ nahoazha ne t'à, Nǫ̀htsı̨ wexè ts'èwhı̨į̀ ts'eeda ghǫ goınà hǫt'e.

Rome 5:11 ပူးပေါင်းရင်းမြစ်များ

Luke 1:46

Mary hadı, “Sedzeè t'à Nǫ̀htsı̨ ghàsǫehdı

John 1:12

Hanìkò dǫ hazǫǫ̀ ehkw'ı adı gı̨ı̨hwhǫ xè wexè aget'ı̨ ha gı̨ı̨wǫǫ sìı Nǫ̀htsı̨ weza gı̨ı̨lı̨ k'ę̀ę̀ gııtà agǫ̀ǫ̀là.

Rome 11:15

Nǫ̀htsı̨ Israel got'ı̨į̀ ɂǫ̀goèhde t'à dıı nèk'e dǫ Nǫ̀htsı̨ xè ts'èwhı̨į̀ geedaà agejà hǫt'e. Ekò Israel got'ı̨į̀ Nǫ̀htsı̨ nagòchì nı̨dè weghǫ enıìyah nechà ha hǫt'e; ełaàgı̨ı̨dè gots'ǫ nagìdà lagede ha.

Rome 2:17

Ekò naxı̨ Israel got'ı̨į̀ ats'ı̨ı̨t'e dahdı xè Moses wenàowoò k'ę̀ę̀ aahda t'à naxıgha t'asagǫ̀ht'e-le dahwhǫ nì? Nǫ̀htsı̨ wets'ǫ dǫ aaht'e dahwhǫ t'à xàdahoahdì ha nì?

Rome 5:1

Eyıt'à gogha ehkw'ı-ahodı ts'ıhɂǫ̀ ehkw'ı agòìdlà, eyıts'ǫ gots'ǫ̀ K'àowo Zezì-Krı wets'ıhɂǫ̀ Nǫ̀htsı̨ wexè ts'èwhı̨į̀ ts'eeda.

Rome 5:10

Įłaà Nǫ̀htsı̨ wek'èch'a ts'eeda ekò weza gogha ełaı̨wo t'à Nǫ̀htsı̨ wexè ts'èwhı̨į̀ ts'eedaà agǫ̀ǫ̀là. Nǫ̀htsı̨ wexè ts'èwhı̨į̀ ts'eeda agòìdlà zǫǫ̀-le, dıì Zezì wexè ts'eeda t'à denahk'e edaxàgole ha hǫt'e.

Rome 5:3

Eyı zǫ weghǫ goınà nıìle, hanìkò goxè hoìla t'à dats'ı̨ı̨ɂa nı̨dè weghǫ goınà hǫt'e. Dats'ı̨ı̨ɂa nı̨dè wet'à denahk'e goınì nàtso at'į̀ wek'èts'eezǫ,

Rome 8:23

T'asìı hòèlı̨ı̨ zǫ hanì dagı̨ı̨ɂa nıìle, goxı̨ sı Yedàyeh Nezı̨ı̨ hòt'a goyìı eghàlaeda ats'ı̨ı̨t'ee sìı godzeè t'à hǫts'eetse hǫt'e. Łǫ̀ǫ̀ Nǫ̀htsı̨ weza ts'ı̨ı̨lı̨ ha gòìhchı ha, eyıts'ǫ gozhį̀į̀ deghàà edaxàzhe ha wekanıts'eèɂà xè wek'enats'eèhɂı̨.

Rome 9:10

Eyı zǫǫ̀-le, Rebekah weza gıtà ı̨łè zǫ ı̨lè, eyı sìı gocho Isaac hǫt'e.

1 Corınth 10:16

Lıbò wek'eèyats'ehtı xè weghǫ Nǫ̀htsı̨ masì wets'ı̨ı̨hwhǫ nı̨dè Zezì wedoò gogha xàı̨tł'ıı sìı wexè ats'et'ı̨ gha goıtà hǫt'e. Eyıts'ǫ łèt'è tàts'eezhìı xè weghǫ shèts'ezhe nı̨dè Zezì-Krı goghàdį̀htı̨ı̨ sìı wexè ats'et'ı̨ hǫt'e.

2 Corınth 8:19

Eyı zǫǫ̀-le, sǫǫ̀mba dǫ degaı ts'ǫ̀ ts'ewa gha goxè ade ha Nǫ̀htsı̨ wecheekeè eyı dǫ gį̀į̀hchì hǫt'e. Eyı sǫǫ̀mba gıghàts'ewa ha sìı, wet'à Nǫ̀htsı̨ ghàsǫhoedı eyıts'ǫ sıì gıts'àts'edı ha ts'ı̨ı̨wǫǫ sìı gık'èezǫ gha ats'et'ı̨.

Galatıa 4:9

Hanìkò dıì sìı Nǫ̀htsı̨ k'èahsǫ, hanì-le-ı̨dè Nǫ̀htsı̨ naxık'èezǫ t'à dànìghǫ nàowo wet'à nàgotso-le xè etehoòt'ı̨ı̨ sìı ts'ǫ̀ anaahde ha dahwhǫ? K'achı̨ eyı xèht'eè nàowo tł'a dahkw'e ha dahwhǫ nì?

Galatıa 5:22

Ekò Yedàyeh Nezı̨ı̨ t'à ts'eeda nı̨dè, dıı hanì nezı̨į̀ k'ehots'eɂa ha: ełeghǫnets'eètǫǫ, goınàa, ts'èwhı̨ ts'ı̨ı̨wǫǫ, ełexè ts'èwhı̨į̀ hots'ehɂǫǫ, etełets'eèɂı̨ı̨, ełets'ǫ̀ dǫ nezı̨ı̨ ts'ı̨ı̨lı̨ı̨, ełets'ǫ̀ ehkw'ı ts'eedaa,

Phılıppı 3:1

Sèot'ı̨ı̨, hòt'a gots'ǫ̀ K'àowo wets'ıhɂǫ̀ naxınà welè! Įdì dànaxèehsı̨ ı̨lèe sìı wet'à k'achı̨ naxıts'ǫ̀ naehtł'è ha sìı segha t'asanìle, hotıì wek'èahsǫ ha naxıgha wet'àaɂà hǫt'e.

Phılıppı 3:3

Goxı̨ sìı hòt'a gokwǫ̀ nàat'a ı̨lè lanì, eyıts'ǫ Nǫ̀htsı̨ wets'ǫ Įnì Degaı wedahxà Nǫ̀htsı̨ ts'ǫ̀ yats'ehtı. Zezì-Krı weghàsǫts'eedı t'à, t'asìı deè ts'ı̨ı̨lı̨ı̨ sìı weghǫ xàhots'edì nıìle.

Phılıppı 4:4

Gots'ǫ̀ K'àowo wexè t'aats'ǫǫ̀ naxınà welè. K'achı̨ hanaxèehsı̨ ha: Naxınà welè!

Colosse 2:6

Eyıt'à, Zezì-Krı naxıts'ǫ̀ K'àowo elı̨ı̨ aahłà k'ę̀ę̀ t'aats'ǫǫ̀ wexè aahda.

1 Peter 1:8

Weahɂı̨ gǫ̀hłı̨-le, hanìkò weghǫnıahtǫ eyıts'ǫ dıì naxıgha wègaat'ı̨-le kò, naxıgha ehkw'ı adı. Eyı ts'ıhɂǫ̀ sıì naxınà xè naxıgha enıìyah dìì.