Rome 4:4 - Nǫ̀htsı̨ Nı̨htł'è

⁴ Dǫ eghàlaeda nı̨dè wek'èxa wets'àɂeedì hǫt'e. Eghàlaeda k'èxa sǫǫ̀mba weghǫ̀zhaa sìı ekìı weghǫ̀zha nıìle, hanìkò eyı sǫǫ̀mba k'èxa eghàlaı̨da t'à weghǫ̀zha hǫt'e.

Rome 4:4 ပူးပေါင်းရင်းမြစ်များ

Rome 11:35

“Dǫ Nǫ̀htsı̨ ghà-t'asìı-yį̀į̀ɂǫ t'à Nǫ̀htsı̨ ek'èt'à yets'ǫ̀ɂeehdì ha nì? Dǫ wı̨ı̨zìı-le!” dek'eèhtł'è.

Rome 11:6

Wesǫnıwǫ ts'ıhɂǫ̀ hanì gots'ǫ̀ eghàlaı̨dà nı̨dè, wegha nezı̨į̀ hots'èhtsı̨ k'èxa agǫ̀ǫ̀là nıìle. Nezı̨į̀ hots'èhtsı̨ k'èxa gòį̀hchì nı̨dè, Nǫ̀htsı̨ wesǫnıwǫ ts'ıhɂǫ̀ gòį̀hchì ts'edı ha dìì.

Rome 3:24

hanìkò Nǫ̀htsı̨ wesǫnıwǫ ts'ıhɂǫ̀ t'asìı k'èxa-le ehkw'ıì agǫ̀ǫ̀là. Zezì-Krı wet'ǫ̀ǫ̀ Nǫ̀htsı̨ edaxàgole.

Rome 9:32

Dànìghǫ ehkw'ıì agede ha dìì? Moses wenàowoò k'ègedì wet'ǫ̀ǫ̀ ehkw'ıì agede ha gı̨ı̨wǫ ı̨lè, hanìkò Nǫ̀htsı̨ gıgha ehkw'ı-ahodı-le t'à ehkw'ıì agede ha dìì. “Kwe wek'edats'ıìtàa” sìı wetegeètł'ıì lagejà.