Rome 4:17 - Nǫ̀htsı̨ Nı̨htł'è

¹⁷ Dıı hanì dek'eèhtł'è k'ę̀ę̀, “Dǫ hazǫǫ̀ xàɂaa gha gotà nèwhıhtsı̨ hǫt'e,” dek'eèhtł'è. Nǫ̀htsı̨ sìı dǫ ełaı̨dèe nagìdà agohɂı̨, eyıts'ǫ dǫ t'asìı gı̨ı̨lı̨-le sìı gıt'àaɂàa agohɂı̨ hǫt'e. Ededı̨ Abraham gha ehkw'ı adı t'à gotà elı̨į̀ ayį̀į̀là hǫt'e.

Rome 4:17 ပူးပေါင်းရင်းမြစ်များ

Dànì Kèhoį̀wo 17:16

Wexè sìghà hòɂǫǫ̀ ahłe ha. Ededı̨ nezaa nìhtè ahłe ha hǫt'e. Dǫ xàɂaa łǫ gha gomǫ elı̨į̀ awehłe ha, wets'ıhɂǫ̀ k'àowocho łǫ gǫ̀hłı̨ ha, hanì wexè sìghà hòɂǫǫ̀ agohłe ha,” Nǫ̀htsı̨ Abraham ts'ǫ̀ hadı.

Dànì Kèhoį̀wo 17:20

Ishmael weghǫ dàı̨dıı sìı neèhkw'ǫ hǫt'e. Ededı̨ sı wexè sìghà hòɂǫǫ̀ agohłe ha. Wets'ıhɂǫ̀ǫ-dǫǫ̀ gıtłǫǫ̀ agehłe ha. K'àowocho hoònǫ-daats'ǫ̀-nàke sìı gha gocho elı̨ ha. Wets'ıhɂǫ̀ǫ-dǫǫ̀ dǫdeè gı̨ı̨lı̨ ha.

Dànì Kèhoį̀wo 28:3

Nǫ̀htsı̨ t'asìı wegha dìì-le sìı nexè sìghà ayııle, eyıts'ǫ dǫ xàgeèɂaa łǫ nets'ǫ xàhohwhıì ayııle.

Matthew 3:9

‘Abraham gotà hǫt'e,’ dahdı t'à, naxıxè t'asagode ha-le dahwhǫ nì? Nǫ̀htsı̨ sìı jǫ kwe whela t'à Abraham gha chekoa ehtsı̨ ha dìì nıìle.

John 5:21

Gotà dǫ ełaı̨dèe sìı naìdà xè geedaà agohɂı̨. Eyı xèht'eè Weza wegha sìghà k'ę̀ę̀ dǫ eda ha nıwǫǫ sìı hagohɂı̨ hǫt'e.

John 5:25

Ehkw'ı anaxèehsı̨, whaà-le-t'ıì, hòt'a jǫ nèhòı̨wo hǫt'e, dǫ ełaàgı̨ı̨dè lagı̨ı̨t'ee sìı Nǫ̀htsı̨ Weza gode gıìkw'o ha. Dǫ egıìkw'oo sìı geeda ha.

John 6:63

Yedàyeh Nezı̨ı̨ wet'à ts'eeda hǫt'e, dǫ wezhį̀į̀ t'asìı elı̨ nıìle. Ayìı ghǫ gohdee sìı Yedàyeh Nezı̨ı̨ wets'ǫ hǫt'e, eyı yatı wet'à ts'eeda hǫt'e.

Zezì Wecheekeèdeè 15:18

Eyı sìı whaà gots'ǫ dǫ gık'èezǫ hǫt'e.

Rome 3:29

Nǫ̀htsı̨ sìı Israel got'ı̨į̀ gogha zǫ Nǫ̀htsı̨ elı̨ nì? Asį̀į̀ dǫ eyıì-le xàɂaa, ededı̨ sı gogha Nǫ̀htsı̨ elı̨ nì? Hęɂę, Nǫ̀htsı̨ ı̨łè zǫ gǫ̀hłı̨ ts'ıhɂǫ̀, dǫ eyıì-le xàɂaa ededı̨ sı gogha Nǫ̀htsı̨ elı̨ hǫt'e.

Rome 4:18

Chekoa wets'ǫ ha wegha ahxe whìle kò, Abraham Nǫ̀htsı̨ dàyèhdı ı̨lèe sìı wegha ehkw'ı-ahodı. Eyıt'à dǫ łǫ xàɂaa gha gotà whelı̨. Nǫ̀htsı̨ dıı hayèhdı ı̨lè, “Nets'ıhɂǫ̀ǫ-dǫǫ̀ gı̨ı̨lı̨ı̨ sìı whǫ̀ laàtłǫ lagı̨ı̨t'e ha,” yèhdı ı̨lèe sìı wek'ę̀ę̀ agòjà.

Rome 4:2

Abraham nezı̨į̀ eghàlaı̨dà k'èxa ehkw'ı awììdlà nı̨dè yeghǫ xàdahodì ha dìì-le ı̨lè. Hanìkò Nǫ̀htsı̨ nadąą̀ edeghǫ xàdahodì ha dìì.

Rome 8:11

Nǫ̀htsı̨ ededı̨ sìı Zezì naìdà ayį̀į̀là hǫt'e, eyıts'ǫ edets'ǫ Yedàyeh Nezı̨ı̨ t'à naxızhį̀į̀ ełaàde ha sìı naìdà ayele ha, Yedàyeh Nezı̨ı̨ naxıdzeè yìı nàdè ne t'à.

Rome 9:11

Gıza ełèchǫekèa gıgǫ̀hłı̨ kwe, ehkw'ı hogehtsı̨ hanì-le-ı̨dè ekǫ-le hogehtsı̨ kwe-t'ıì Nǫ̀htsı̨ Rebekah ts'ǫ̀ dıı hadı ı̨lè, “Goı̨de sìı gochı gha eghàlaeda ha,” yèhdı ı̨lè. Eyı weghàà Nǫ̀htsı̨ dǫ ayìı hòèhtsı̨ı̨ sìı weghàà dǫ ìhchı nıìle wek'èts'eezǫ, hanìkò Nǫ̀htsı̨ edınì k'ę̀ę̀ dǫ ìhchı hǫt'e.

Rome 9:26

Eyıts'ǫ dıı hanì dek'eèhtł'è: “Nǫ̀htsı̨ edı̨į̀ nèk'e dǫ gots'ǫ̀ dıı hadı, ‘Sets'ǫ dǫ aaht'e nıìle,’ gòhdı ı̨lèe sìı, eyı nèk'e et'ıì, ‘Nǫ̀htsı̨ Edaa weza agı̨ı̨t'e,’ gòhdı ha,” dek'eèhtł'è.

1 Corınth 1:28

Eyıts'ǫ dǫ t'asìı gı̨ı̨lı̨-le lanıı, dıı nèk'e ts'ǫ dǫ godzagı̨ı̨hwhǫǫ sìı Nǫ̀htsı̨ gòìhchı hǫt'e. Hanıı dǫ sìı gıt'à dǫ t'asìı aht'e edegeewǫǫ sìı Nǫ̀htsı̨ t'asìı gı̨ı̨lı̨-le agole ha.

1 Corınth 15:45

Dıı hanì dek'eèhtł'è: “Adǫ̀ t'akwełǫ̀ǫ̀ gots'ǫ ne sìı Nǫ̀htsı̨ edaà ayį̀į̀là,” dek'eèhtł'è. Adǫ̀ nǫǫde sìı ı̨nì hǫt'e, wets'ıhɂǫ̀, dǫ eda hǫt'e.

1 Tımothy 6:13

Nǫ̀htsı̨ wet'à t'asìı hazǫǫ̀ edaa sìı wenadąą̀, eyıts'ǫ Zezì-Krı, k'àowo Pılate yesınìyaehtı ekò edeghǫ ehkw'ı yets'ǫ̀ xàyaı̨htı ı̨lèe sìı wenadąą̀ dıı yatı nàtsoo neghàehɂǫ hǫt'e:

Hebrew 11:12

Eyıt'à Abraham ełaı̨wo k'ę̀ę̀ wııtà kò, wets'ıhɂǫ̀ǫ-dǫǫ̀ gı̨ı̨tłǫǫ̀ ajà t'à yat'a whǫ̀ dawhelaa lageètłǫ eyıts'ǫ tabàa ewaà xètłǫ lagejà.

Hebrew 11:3

Gogha ehkw'ı-ahodı t'à Nǫ̀htsı̨ edeyatıì t'à dèè, yat'a eyıts'ǫ t'asìı hazǫǫ̀ whehtsı̨ wek'èts'eezǫ hǫt'e. Hanì t'à t'asìı wègaat'ı̨ı̨ sìı t'asìı wègaat'ı̨ı̨ t'à hòèlı̨ nıìle.

Hebrew 11:7

Nǫ̀htsı̨ dàgode ha sìı ghǫ nadąą̀ Noah ts'ǫ̀ goı̨de ekò Noah wegha ehkw'ı-ahodı ı̨lè. Nǫ̀htsı̨ k'èch'a welè sǫ̀ǫ̀ nıwǫ t'à edets'èkeè eyıts'ǫ edeza edaxàgole ha elàcho whehtsı̨. Noah wegha ehkw'ı-ahodı t'à, dıı nèk'e dǫ ełaàgede gha gısınìyaetı ha wek'èhoedzǫ ayį̀į̀là eyıts'ǫ wegha ehkw'ı-ahodı t'à ehkw'ı eda k'ę̀ę̀ Nǫ̀htsı̨ yı̨ı̨htà.

1 Peter 2:10

Įnę̀ę Nǫ̀htsı̨ wets'ǫ dǫ aaht'e-le ı̨lè, hanìkò dıì sìı Nǫ̀htsı̨ wets'ǫ aaht'e. Įnę̀ę etenaxeèɂı̨-le ı̨lè, hanìkò dıì sìı etenaxeèɂı̨ hǫt'e.

2 Peter 3:8

Seàgı̨ą, dıı t'asìı ı̨łè wenaahdì-le sǫ̀ǫ̀: Nǫ̀htsı̨ wegha ı̨łè dzęę̀ sìı ı̨łè-lemì xo lanì hǫt'e, eyıts'ǫ ı̨łè-lemì xo sìı wegha dzę ı̨łè lanì hǫt'e.