Rome 4:15 - Nǫ̀htsı̨ Nı̨htł'è

¹⁵ Moses wenàowoò k'èats'ı̨ı̨t'e-le nı̨dè nàgoehkwa ha hǫt'e. Hanìkò eyı nàowo gǫ̀hłı̨-le nı̨dè nàgoehkwa ha nıìle, eyı nàowo k'èch'a hots'ehtsı̨-le t'à.

Rome 4:15 ပူးပေါင်းရင်းမြစ်များ

John 15:22

Jǫ ahjà-le xè gıts'ǫ̀ goıhde-le nı̨dè gıhołı̨į̀ gık'e whela ha-le ı̨lè. Hanìkò dıì, seyatıì k'ègeezǫ t'à ‘hołı̨ı̨ hots'èhtsı̨-le,’ gedı ha dìì.

John 3:36

Amìı Nǫ̀htsı̨ Weza ehkw'ı adı yı̨ı̨hwhǫǫ sìı welǫ whìle ts'ǫ̀ eda ha. Amìı Weza nıwǫ-le sìı welǫ whìle ts'ǫ̀ eda ha-le, Nǫ̀htsı̨ hoìla yeghàhòɂà ha sìı wedawheɂǫ hǫt'e,” John-Baptıst edecheekeè gòhdı.

Rome 1:17

Eyı godı nezı̨ı̨ wet'à dànì Nǫ̀htsı̨ ehkw'ı agohɂį̀ı̨ sìı wek'èts'eezǫǫ̀ ats'et'į̀ hǫt'e. Dǫ Nǫ̀htsı̨ gıgha ehkw'ı-ahodıı zǫ t'à ehkw'ı aget'į̀ hǫt'e. Dıı hanì dek'eèhtł'è t'à: “Dǫ ehkw'ı agììdlàa sìı gıgha ehkw'ı-ahodı t'à welǫ whìle ts'ǫ̀ geeda ha hǫt'e,” dek'eèhtł'è.

Rome 5:13

Eyıt'à Moses wenàowoò goghǫ̀za kwe, hołı̨ı̨ dıı nèk'e wheɂǫ ı̨lè. Hanìkò eyı nàowo gǫ̀hłı̨-le nı̨dè, hołı̨ı̨ hots'èhtsı̨ı̨ sìı gots'ǫ̀ nawııtà ha-le ı̨lè.

1 Corınth 15:56

Gohołı̨į̀ k'èxa ełaàts'ede eyıt'à dats'ı̨ı̨ɂa hǫt'e, eyıts'ǫ Moses wenàowoò ts'ıhɂǫ̀ gohołı̨į̀ k'èxa gosınìyaetı hǫt'e.

Galatıa 3:10

Dǫ hazǫǫ̀ Moses wenàowoò k'ègedì t'à ehkw'ıì agede ha gı̨ı̨wǫǫ sìı hoìla agedle ha hǫt'e. Dıı hanì dek'eèhtł'è, “Dǫ hazǫǫ̀ Moses wenı̨htł'è k'e t'asìı hazǫǫ̀ dek'eèhtł'èe sìı t'aats'ǫǫ̀ gık'èı̨t'e-le nı̨dè wek'èxa hoìla agedle ha hǫt'e,” dek'eèhtł'è.

Galatıa 3:19

Hanì hòɂǫ nı̨dè Moses nàowo weghǫ̀zhaa sìı ayìı gha adlà? Nǫ̀htsı̨ edeyatıì Abraham ghàı̨ɂǫ tł'axǫǫ̀ eyı nàowo wek'ę̀ę̀ hòɂǫǫ̀ agòjà. Eyıt'à eyı “Abraham wets'ıhɂǫ̀ǫ-dǫǫ̀” nììtła gots'ǫ̀ Moses wenàowoò weghàà dǫ hołı̨ı̨ hogehtsı̨ gık'èezǫ gha adlà hǫt'e. Eyı nàowo sìı yak'eet'ı̨į̀ t'à Moses ts'ǫ̀ nììt'ǫ hǫt'e. Moses dǫ gha eyıts'ǫ Nǫ̀htsı̨ gha tanı whedaa elı̨ı̨ sìı wek'ę̀ę̀ hòɂǫǫ̀ ayį̀į̀là.

Ephesus 5:6

Hots'ets'ìı yatıì t'à dǫ naxıghǫyagııɂà sǫ̀ǫ̀. Dǫ hanì eghàlageeda t'à Nǫ̀htsı̨ k'èagı̨ı̨t'e-le sìı Nǫ̀htsı̨ nàgoehkwa ha hǫt'e.

Colosse 3:6

Dǫ eyı hanıı hołı̨ı̨ k'alagedè ts'ıhɂǫ̀ Nǫ̀htsı̨ nàgoehkwa ha hǫt'e.

1 John 3:4

Amìı hołı̨ı̨ hohtsı̨ı̨ sìı Nǫ̀htsı̨ nàowoò k'eezhì hǫt'e, hołı̨ı̨ t'à ts'eedaa sìı Nǫ̀htsı̨ nàowoò k'èch'a ts'eeda hǫt'e.

John Wenazhıı 19:15

Eyı dǫ gık'èè gıadèe sìı behcho dènıı wewà gots'ǫ xàı̨ɂa. Yet'à dıı nèk'e dǫ hazǫǫ̀ ghǫehnè ha. “Eyıts'ǫ satsǫ̀-geh t'à dǫ hazǫǫ̀ ts'ǫ̀ K'àowo elı̨ ha.” Nǫ̀htsı̨ t'asìı wegha dìì-le sìı wek'èch'a t'à, tǫhcho yìı t'asìı whelaa sìı tàtsǫyeèhɂe ha.