Rome 4:11 - Nǫ̀htsı̨ Nı̨htł'è

¹¹ Eyı tł'axǫǫ̀ k'ǫǫ̀t'a Abraham wekwǫ̀ nàat'a hǫt'e. Abraham wegha ehkw'ı-ahodı t'à wekwǫ̀ nàat'a hǫt'e. Eyıts'ǫ Nǫ̀htsı̨ ehkw'ı edaa k'ę̀ę̀ yııhtàa sìı wekwǫ̀ nàat'a weghàà wek'èhoedzǫ gha adlà hǫt'e. Hanìkò wekwǫ̀ nàat'a kwe-t'ıì Nǫ̀htsı̨ ehkw'ı edaa k'ę̀ę̀ yııhtà ı̨lè. Hanì ts'ıhɂǫ̀ dǫ gıkwǫ̀ nàt'à-le kò gıgha ehkw'ı-ahodıı sìı Abraham hazǫǫ̀ gogha gotà elı̨ lanì hǫt'e. Hanì-ı̨dè Nǫ̀htsı̨ sìı eyı dǫ hazǫǫ̀ ehkw'ı geedaa k'ę̀ę̀ goıhtà hǫt'e.

Rome 4:11 ပူးပေါင်းရင်းမြစ်များ

Dànì Kèhoį̀wo 17:24

Abraham łǫǫ̀tǫènǫ-daats'ǫ̀-łǫǫ̀tǫ (99) weghoò ekò wekwǫ̀ nàat'a ı̨lè.

Matthew 16:16

Sımon-Peter Zezì ts'ǫ̀ hadı, “Nı̨ sìı Chrıst anet'e. Nı̨ sìı Nǫ̀htsı̨ edaa weza anet'e,” yèhdı.

Matthew 8:11

Hazǫǫ̀ nèk'e gots'ǫ dǫ łǫ, Nǫ̀htsı̨ Wenàowoò k'ę̀ę̀ hòɂǫǫ k'è goyageedè ha. Ekǫ Abraham, Isaac eyıts'ǫ Jacob xè shègezhe ha.

Luke 19:9

Zezì yets'ǫ̀ hadı, “Dıı dzęę̀ k'e jǫ kǫ̀ gots'ǫ dǫ edaxàwhede hǫt'e. Dıı dǫ ededı̨ sı Abraham gots'ǫ dǫ hǫt'e.

John 3:33

Amìı ehkw'ı adı yı̨ı̨hwhǫǫ sìı ‘Nǫ̀htsı̨ ehkw'ı hǫt'e,’ hadı hǫt'e.

John 3:36

Amìı Nǫ̀htsı̨ Weza ehkw'ı adı yı̨ı̨hwhǫǫ sìı welǫ whìle ts'ǫ̀ eda ha. Amìı Weza nıwǫ-le sìı welǫ whìle ts'ǫ̀ eda ha-le, Nǫ̀htsı̨ hoìla yeghàhòɂà ha sìı wedawheɂǫ hǫt'e,” John-Baptıst edecheekeè gòhdı.

John 6:35

Eyıt'à Zezì edeghǫ dıı hadıì xàyaı̨htı, “Sı̨ eyı łèt'è wet'à ts'eedaa aht'e. Amìı sets'ǫ̀ at'ı̨ı̨ sìı k'achı̨ deèhdì hǫı̨lı̨ ha-le, eyıts'ǫ amìı wegha ehkw'ı aehsı̨ı̨ sìı k'achı̨ tı ghaewı ha-le.

John 6:40

Dǫ hazǫǫ̀ Weza ts'ǫ̀ nageɂa xè gıgha ehkw'ı ahodıı sìı welǫ whìle ts'ǫ̀ geeda ha, Setà hanì ha nıwǫ hǫt'e. Amìı ehkw'ı aehsı̨ sı̨ı̨hwhǫǫ sìı nǫǫde dzęę̀ k'e nı̨dè naìdà awehłe ha,” Zezì hadı edeghǫ gode.

John 6:47

Ehkw'ı anaxèehsı̨, amìı ehkw'ı adı sı̨ı̨hwhǫǫ sìı welǫ whìle ts'ǫ̀ edaa sìı hòt'a weghǫ̀t'ǫ hǫt'e.

John 8:33

Dǫ hagıìhdı, “Abraham wets'ıhɂǫ̀ǫ-dǫǫ̀ ats'ı̨ı̨t'e, dǫ wı̨ı̨zìı gots'ǫ̀ k'àowo gòı̨lè nıìle. Eyıt'à dànìghǫ, t'asìı wı̨ı̨zìı naxıts'ǫ̀ k'àowo ha nıìle, nı̨ı̨dı?” gıìhdı.

Rome 10:11

Nǫ̀htsı̨ Nı̨htł'è k'e dıı hanì dek'eèhtł'è, “Amìı wegha ehkw'ı-ahodıı sìı ayìı danaèhɂı̨ı̨ sìı weghǫ̀t'à ha hǫt'e,” dek'eèhtł'è.

Rome 10:4

Zezì-Krı Moses wenàowoò deghàà yeghàlaı̨dà hǫt'e. Hajà t'à dǫ gıgha ehkw'ı-ahodıı sìı ehkw'ıì agede ha.

Rome 10:6

Hanìkò gogha ehkw'ı-ahodı t'à ehkw'ı agòìdlà nı̨dè, dıı hats'edı ha: “ ‘Amìı ı̨dòo yak'e ts'ǫ̀ ade ha, (Zezì-Krı hodàts'eechı ha t'à)?’ naxıdzeè yìı haahdı-le,” edèts'edı ha.

Rome 3:22

Amìı Zezì-Krı yegha ehkw'ı adıı sìı Nǫ̀htsı̨ ehkw'ı ayehɂı̨ hǫt'e. Israel got'ı̨į̀ eyıts'ǫ dǫ eyıì-le xàɂaa hazǫǫ̀ gıgha ełèht'eè hǫt'e, gıgha nàowo eładı̨ı̨ gǫ̀hłı̨-le.

Rome 3:26

Dànì wexè ehkw'ı ats'ede ha sìı dıì wek'èts'eezǫ ha t'à hanì eghàlaı̨dà hǫt'e. Eyıt'à ehkw'ı dıı hanì dǫ sınìyaehtı ha hǫt'e: amìı Zezì yegha ehkw'ı adıı sìı ehkw'ı k'ę̀ę̀ ayele ha hǫt'e.

Rome 3:30

Israel got'ı̨į̀ gıkwǫ̀ nàt'àa gı̨ı̨lı̨ı̨ sìı Zezì gıgha ehkw'ı-ahodı t'à ehkw'ıì agole ha hǫt'e, eyıts'ǫ dǫ eyıì-le xàɂaa gıkwǫ̀ nàt'à-le sìı ededı̨ sı Zezì gıgha ehkw'ı-ahodı t'à ehkw'ı geedaa k'ę̀ę̀ agole ha hǫt'e.

Rome 4:10

Nǫ̀htsı̨ Abraham ehkw'ı edaa k'ę̀ę̀ yııhtà ekò asį̀į̀ hòt'a wekwǫ̀ nàat'a ı̨lè? Į̀le, wekwǫ̀ nàat'a kwe Nǫ̀htsı̨ ehkw'ı edaa k'ę̀ę̀ yııhtà ı̨lè.

Rome 9:30

Eyıt'à ayìı awèts'edı? Dıı awèts'edı hǫt'e: Dǫ Israel got'ı̨į̀ agı̨ı̨t'e-le kò, eyıts'ǫ Nǫ̀htsı̨ gha ehkw'ı agı̨ı̨t'e gha hòtł'ò eghàlagı̨ı̨dà-le kò, gıgha ehkw'ı-ahodı t'à Nǫ̀htsı̨ xè ehkw'ı agı̨ı̨t'eè agejà.

Rome 9:33

Eyı kwe weghǫ dıı hanì dek'eèhtł'è: “Hotıì aàhkw'o, Jerusalem ekǫ kwe wheɂǫǫ̀ ahłà, wet'à dǫ łǫ wetegeetł'ì lagede ha, hanìkò amìı eyı kwe ghǫ wınì nàtsoo sìı į̀į̀zhaelı̨į̀ awedle hǫı̨lı̨ ha nıìle,” dek'eèhtł'è.

Rome 9:6

Nǫ̀htsı̨ weyatıì k'ę̀ę̀ agòjà-le ts'ı̨ı̨wǫ nı̨dè ehkw'ı ats'ı̨ı̨wǫ nıìle. Israel wets'ıhɂǫ̀ǫ-dǫǫ̀ gı̨ı̨lı̨ı̨ sìı hazǫǫ̀ Israel got'ı̨į̀ gha gııtà nıìle.

2 Corınth 1:22

eyıts'ǫ wets'ǫ ats'ı̨ı̨t'e wek'èhoedzǫǫ̀ ayį̀į̀là. Eyıt'à edets'ǫ Įnì Degaı godzeè yìı nàdè ayį̀į̀là, wet'à gogha sǫǫ̀mba nìı̨ɂǫ lanì, eyı weghàà ı̨daà ayìı godawhelaa sìı hotıì goghǫ̀t'à ha wek'èhoedzǫǫ̀ ayį̀į̀là.

Galatıa 3:22

Hanìkò Nǫ̀htsı̨ Nı̨htł'è k'e, dǫ hazǫǫ̀ hołı̨ı̨ nàowoò gıts'ǫ̀ k'ahowo, dek'eèhtł'è. Hanì ts'ıhɂǫ̀ Zezì-Krı gogha ehkw'ı-ahodı nı̨dè eyı Nǫ̀htsı̨ yatı whehtsı̨ı̨ sìı goghǫ̀t'à ha hǫt'e.

Galatıa 3:29

Zezì-Krı wets'ǫ aaht'e nı̨dè Abraham wets'ıhɂǫ̀ǫ-dǫǫ̀ aaht'e, eyıts'ǫ Nǫ̀htsı̨ edeyatıì Abraham ghàı̨ɂǫǫ sìı naxıghaelı̨ ha.

Galatıa 3:7

Eyıt'à, dǫ hazǫǫ̀ Nǫ̀htsı̨ gıgha ehkw'ı adıı sìı Abraham wets'ıhɂǫ̀ǫ-dǫǫ̀ agı̨ı̨t'e k'ę̀ę̀ gııtà hǫt'e. Eyı wenıahdì welì.

Galatıa 5:5

Hanìkò Zezì-Krı gogha ehkw'ı-ahodı nı̨dè wets'ǫ Įnì Degaı goxè wehòhɂǫ hǫt'e eyıts'ǫ deghàà ehkw'ıì ats'ede ha wek'èts'eezǫ. Hotıì eyı dzęę̀ danats'eèhɂı̨ hǫt'e.

Galatıa 6:16

Dǫ hazǫǫ̀ eyı nàowo k'ę̀ę̀ geedaa sìı gıxè sìghà welè, eyıts'ǫ Nǫ̀htsı̨ etegoòɂı̨ welè. Xàè Nǫ̀htsı̨ wets'ǫ Israel got'ı̨į̀ agı̨ı̨t'e.

Ephesus 1:13

Naxı̨ sı yatı ehkw'ıı ghǫ aàhkw'ǫ eyıts'ǫ godı nezı̨ı̨ wet'à dànì edaxàahdè ha weghǫ aàhkw'ǫ t'à Zezì-Krı wexè ı̨łè laahjà. Naxıgha ehkw'ı-ahodıì aahjà ekò, Nǫ̀htsı̨ Yedàyeh Nezı̨ı̨ goghàyeɂà ha dı ı̨lèe sìı wet'à naxık'e nàekwı̨ lanì hǫt'e, eyı weghàà Zezì-Krı wets'ǫ aaht'e naxık'èhoedzǫ.

Ephesus 4:30

Eyıts'ǫ Nǫ̀htsı̨ wets'ǫ Įnì Degaı sìı wedzeè nànııtì aweahłe-le. Ededı̨ sìı weghàà Nǫ̀htsı̨ wets'ǫ dǫ aaht'e eyıts'ǫ nǫǫde dzęę̀ k'e edaxànaxeetè gha naxık'èhoedzǫ hǫt'e.

Hebrew 11:7

Nǫ̀htsı̨ dàgode ha sìı ghǫ nadąą̀ Noah ts'ǫ̀ goı̨de ekò Noah wegha ehkw'ı-ahodı ı̨lè. Nǫ̀htsı̨ k'èch'a welè sǫ̀ǫ̀ nıwǫ t'à edets'èkeè eyıts'ǫ edeza edaxàgole ha elàcho whehtsı̨. Noah wegha ehkw'ı-ahodı t'à, dıı nèk'e dǫ ełaàgede gha gısınìyaetı ha wek'èhoedzǫ ayį̀į̀là eyıts'ǫ wegha ehkw'ı-ahodı t'à ehkw'ı eda k'ę̀ę̀ Nǫ̀htsı̨ yı̨ı̨htà.

2 Peter 1:1

Sı̨ Sımon-Peter, Zezì-Krı wegha eghàlaehda eyıts'ǫ wecheekeèdeè aht'e. Dǫ Nǫ̀htsı̨ gıgha ehkw'ı-ahodıì agììdlàa sìı gıts'ǫ̀ aatł'è hǫt'e. Nǫ̀htsı̨ eyıts'ǫ Zezì-Krı Edaxàgolee gıts'ıhɂǫ̀ ehkw'ı aahdaa k'ę̀ę̀ naxııtà hǫt'e. Goxı̨ gogha ehkw'ı-ahodıì agòìdlàa sìı gogha t'asìı wet'àaɂàa deè hǫt'e, eyı xèht'eè naxı̨ sı naxıgha t'asìı wet'àaɂàa deè hǫt'e.

John Wenazhıı 9:4

Yatı gıghǫ̀t'ǫǫ hagìts'edı, “Dıı nèk'e tł'oh, ı̨t'ǫ̀ą xàɂaa eyıts'ǫ ts'ı wı̨ı̨zìı wedıhoahtsı̨ ha-le. Hanìkò amìı Nǫ̀htsı̨ nı̨htł'è gıts'abeè k'e nàekwı̨-le sìı eyı zǫ dagı̨ı̨ɂaà agıahłe ha,” gìts'edı.