Rome 3:5 - Nǫ̀htsı̨ Nı̨htł'è

⁵ Ehkw'ı-le eghàlats'eeda nı̨dè Nǫ̀htsı̨ wexè ehkw'ı hòɂǫǫ sìı dǫ ts'ǫ̀ deɂǫ̀ǫ̀ nezı̨į̀ wègoèht'į̀ hǫt'e. Eyı ghǫ dàts'edı welì? Nǫ̀htsı̨ nàgoehkwa nı̨dè gots'ǫ̀ ehkw'ı-le eghàlaeda at'ı̨ dahwhǫ nì? (Hanì daɂeehke nı̨dè dǫ gǫǫzǫ-le laehsı̨.)

Rome 3:5 ပူးပေါင်းရင်းမြစ်များ

Dànì Kèhoį̀wo 18:25

Hanì kǫ̀godeè wedıhoı̨htsı̨ ha honàedı nıìle. Dǫ ehkw'ı geedaa sìı dǫ hołı̨ı̨ k'ę̀ę̀ geedaa xè ełaàgį̀ı̨hde ha dìì. Dǫ ehkw'ı geedaa eyıts'ǫ dǫ hołı̨ı̨ k'ę̀ę̀ geedaa ełèht'eè gıghàlaı̨da ha dìì hǫt'e. Hanì ha honàedı nıìle. Dıı nèk'e t'asìı hazǫǫ̀ yesınìyahtıı elı̨ı̨ sìı ehkw'ı eghàlaeda ha nıìle nì?” Abraham yèhdı.

Rome 12:19

Seàgı̨ą, ek'èt'à dǫ gıts'ǫ̀ hojıì eghàlaahda-le. Nǫ̀htsı̨ ededı̨ dǫ nàgoehkwa ha wets'ǫ̀ hoèlı̨į̀ aahłe. Dıı hanì dek'eèhtł'è: “Sı̨ sìı dǫ ayìı dàgı̨ı̨laa k'èxa hoìla gıghàhoehɂà ha,” gots'ǫ̀ K'àowo hadı, dek'eèhtł'è.

Rome 2:5

Hanìkò naxıkwì nàtso xè naxıdzeè t'à edek'eahłı̨-le t'à, Nǫ̀htsı̨ naxıts'ǫ̀ wek'èch'a aahłà hǫt'e. Nǫ̀htsı̨ edenàowoò ehkw'ıı k'ę̀ę̀ dǫ-sınìyaehtıı-dzęę̀ k'e nı̨dè, deɂǫ̀ǫ̀ hoìla anaxedle ha hǫt'e.

Rome 3:19

Moses wenàowoò k'e ayìı dek'eèhtł'èe sìı dǫ gotł'aà geèhkw'ee sìı gıgha dek'eèhtł'è hǫt'e. Hanì-ı̨dè dǫ wı̨ı̨zìı “Wek'èehsǫ-le,” gedı ha dìì, eyıts'ǫ dıı nèk'e dǫ hazǫǫ̀ dànì gı̨ı̨dàa k'ę̀ę̀ Nǫ̀htsı̨ gosınìyaehtı ha hǫt'e.

Rome 3:7

Dǫ dıı hadı ha sǫnı, “Hołı̨ı̨ nàowoò k'ę̀ę̀ ehda ts'ıhɂǫ̀ Nǫ̀htsı̨ ehkw'ı godee sìı deɂǫ̀ǫ̀ dǫ gık'èezǫ nı̨dè, dǫ deɂǫ̀ǫ̀ gıghàsǫedı ha. Hanì hòɂǫ nı̨dè, dànìghǫ ı̨łaà hołı̨ı̨-hohtsı̨ı̨-dǫǫ̀ k'ę̀ę̀ sesınìyaetı ha?” hadı ha sǫnı.

Rome 4:1

Eyıt'à hanì hòɂǫ nı̨dè gocho Abraham weghǫ dàts'edı lì? Nǫ̀htsı̨ k'ę̀ę̀ dǫ ehkw'ı ts'ı̨ı̨lı̨ı̨ sìı ghǫ ayìı k'èhoèhzà?

Rome 5:8

Hanìkò Nǫ̀htsı̨ sıì goghǫneètǫ t'à dıı hanì gogha eghàlaı̨dà: Įłaà hołı̨ı̨-hots'ehtsı̨ı̨-dǫǫ̀ ats'ı̨ı̨t'e kò Zezì-Krı gogha ełaı̨wo ı̨lè.

Rome 6:1

Hanì hòɂǫ nı̨dè dàts'edı welì? Nǫ̀htsı̨ deɂǫ̀ǫ̀ gots'ǫ̀ sǫnıwǫ t'à k'èdaà hołı̨ı̨ hots'ehtsı̨ ha nì?

Rome 6:19

Naxınì nàtso-le t'à, nezı̨į̀ wenıahdì ha k'ę̀ę̀ hoghànaxeehtǫ. Naxızhį̀į̀ t'à hołı̨ı̨ hoahtsı̨ ı̨lè. Naxınì hołı̨ı̨ nıwǫǫ sìı wek'èaht'e ı̨lè, eyıt'à denahk'e hołı̨ı̨ hoahtsı̨ ı̨lè. Hanìkò dıì sìı naxızhį̀į̀ t'à ehkw'ı eghàlaahda, hanì-ı̨dè degaı k'ę̀ę̀ aahda ha.

Rome 7:7

Eyıt'à Moses wenàowoò ghǫ dàts'edı welì? Eyı nàowo hołı̨ı̨ nì ı̨t'e? Hanì nıìle! Ayìı hołı̨ı̨ ne sìı wek'èehsǫ ha-le ı̨lè, hanìkò eyı nàowo zǫ weghàà wek'èehsǫǫ̀ ahjà. “Dǫ t'asìı wets'ǫ sìı weahwhǫ ha-le,” dek'eèhtł'è-le nı̨dè, dǫ eyıì-le wets'ǫ t'asìı ts'ı̨ı̨wǫ nı̨dè ehkw'ı nıìle, eyı deghàà wek'èehsǫ ha-le ı̨lè.

Rome 8:31

Eyıt'à eyı wek'èts'eezǫ nı̨dè weghǫ dàts'edı welì? Nǫ̀htsı̨ goxè hǫt'e nı̨dè amìı gok'èch'a at'ı̨ welì?

Rome 9:30

Eyıt'à ayìı awèts'edı? Dıı awèts'edı hǫt'e: Dǫ Israel got'ı̨į̀ agı̨ı̨t'e-le kò, eyıts'ǫ Nǫ̀htsı̨ gha ehkw'ı agı̨ı̨t'e gha hòtł'ò eghàlagı̨ı̨dà-le kò, gıgha ehkw'ı-ahodı t'à Nǫ̀htsı̨ xè ehkw'ı agı̨ı̨t'eè agejà.

1 Corınth 15:32

Kǫ̀ta Ephesus ekǫ tıts'aàdìı wets'àhoejı̨ı̨ lanıı gık'aıhwho hǫt'e. Ekìı dǫ nàowoò zǫ gha aht'ı̨ nı̨dè t'asìı wı̨ı̨zìı dehnǫ nıìle. Dǫ ełaı̨dèe naìdà-le nı̨dè, “Satsǫ ełaàts'ede ha t'à dıì shèts'ıızhe xè ts'ııdǫ̀,” dehsı̨ ha ı̨lè.

1 Corınth 9:8

Dǫ dànì nànıgedè ghàà zǫ aehsı̨ nıìle. Moses wenàowoò kò eyı wexèht'eè dek'eèhtł'è.

2 Corınth 6:4

Hanìkò t'asìı hazǫǫ̀ ghàlats'eeda weghàà Nǫ̀htsı̨ xàè wecheekeè ats'ı̨ı̨t'ee sìı dǫ gık'èezǫ ha: dànì ts'èwhı̨į̀ dats'ı̨ı̨ɂa t'à, dànì goxè hoìla łǫ t'à, dànì gogha dìì agot'į̀ t'à, dànì goxè hoejı̨ k'ehokw'o t'à;

2 Corınth 7:11

Nǫ̀htsı̨ wınì k'ę̀ę̀ naxıdzeè etse t'à eładı̨į̀ aahjàa sìı wedaànıahdè. Dıì wet'à Nǫ̀htsı̨ gha naxınì nàtsoò ajà, hołı̨ı̨ nàowoò wedę ha dahwhǫǫ̀ aahjà, dǫ hołı̨ı̨ hogehtsı̨ nı̨dè naxık'èch'a hǫt'e, wet'à dajıahdeè laahjà, eyı ts'ıhɂǫ̀ seahɂį̀ ha dahwhǫ, wet'à sedaànıahdè aahjà, t'asìı hazǫǫ̀ ekǫ-le sìı ı̨whąą̀ wesınìyaetı ha dahwhǫ. Eyı hazǫǫ̀ hołı̨ı̨ k'ę̀ę̀ k'ehokw'oo sìı naxı̨ naxıxè agot'ı̨ nıìle naxık'èedzǫǫ̀ aahłà hǫt'e.

Galatıa 2:18

K'achı̨ Moses wenàowoò tł'a ehda ha dehwhǫ nı̨dè, t'asìı wedıhòwhıhtsı̨ı̨ sìı seèhɂı̨ laht'ı̨, eyıts'ǫ nàowo-nàezhìı-dǫǫ̀ aht'e sek'èhoedzǫǫ̀ adehɂı̨.

Galatıa 3:15

Sèot'ı̨ı̨, dzę taàt'eè nàowo wet'à ts'eedaa sìı weghàà hoghànaxeehtǫ ha. Dǫ ełek'ę̀ę̀ nàowo gehtsı̨ xè edıızì dek'enègeɂà nı̨dè dǫ wı̨ı̨zìı eyı nàowo wedę ayele ha nıìle, eyıts'ǫ yatı eładı̨ı̨ weta nèyeɂà ha hòɂǫ nıìle. Eyı lanì Nǫ̀htsı̨ weyatıì xè hagǫ̀ht'e.

John Wenazhıı 15:3

Nǫ̀htsı̨ wecheekeè Moses eyıts'ǫ Sahzǫ̀ą gıts'ǫ shı̨ t'à gejı̨, hagedı, “Gots'ǫ̀ K'àowo t'asìı negha dìì-le anet'e, t'asìı hazǫǫ̀ ghàlaneedàa sìı gogha enıìyah nechàa hǫt'e. Kèhǫǫ̀wo gots'ǫ, welǫ whìle ts'ǫ̀ t'aats'ǫǫ̀ K'àowocho anet'e, eyıts'ǫ nenàowoò sìı ehkw'ı zǫ hǫt'e.

John Wenazhıı 18:20

‘Naxı̨ yak'e dahkw'ee sìı eyı ts'èko wets'ǫ̀ dànàhòwo ts'ıhɂǫ̀ naxınà welè. Naxı̨ hazǫǫ̀ Nǫ̀htsı̨ wets'ǫ dǫ aahłı̨, wecheekeèdeè eyıts'ǫ nakwenàoɂǫǫ aahłı̨ı̨ sìı naxınà welè! Eyı ts'èkojıı dànì naxıts'ǫ̀ eghàlaı̨dà k'èxa Nǫ̀htsı̨ yesınìyaehtı hǫt'e,’ ” hats'edıì hǫt'e.