Rome 3:21 - Nǫ̀htsı̨ Nı̨htł'è

²¹ Hanìkò dıì sìı Moses wenàowoò wedę dànì Nǫ̀htsı̨ ehkw'ı agohɂı̨ı̨ sìı wek'èts'eezǫǫ̀ agǫ̀ǫ̀là hǫt'e. Moses wenı̨htł'è eyıts'ǫ nakwenàoɂǫǫ gını̨htł'è k'e eyı ghǫ gogı̨ı̨de ı̨lè.

Rome 3:21 ပူးပေါင်းရင်းမြစ်များ

Dànì Kèhoį̀wo 15:6

Abram, gots'ǫ̀ K'àowo yegha ehkw'ı-adı ts'ıhɂǫ̀ gots'ǫ̀ K'àowo Abram dǫ ehkw'ı edaa gha wııtà ayį̀į̀là.

Luke 24:44

Zezì edecheekeè ts'ǫ̀ hadı, “Įłaà naxıxè wheda ekò eyı weghǫ naxıts'ǫ̀ goıhde ı̨lè: Moses wenı̨htł'è k'e, nakwenàoɂǫǫ gını̨htł'è k'e eyıts'ǫ ts'ejı̨ı̨ enı̨htł'è k'e t'asìı hazǫǫ̀ seghǫ dek'eèhtł'èe sìı wek'ę̀ę̀ agode ha, naxèehsı̨ ı̨lè,” gòhdı.

John 1:45

Phılıp, dǫ ı̨łè Nathanael wìyeh ts'ǫ̀ èhtła, hayèhdı, “Moses, dǫ ı̨łè ghǫ ı̨ı̨tł'è ı̨lèe sìı wegots'į̀hɂǫ. Nakwenàoɂǫǫ sı weghǫ gı̨ı̨tł'è ı̨lè. Joseph weza Zezì wìyeh kǫ̀ta Nazareth gots'ǫ dǫ,” yèhdı.

Zezì Wecheekeèdeè 10:43

Nakwenàoɂǫǫ hazǫǫ̀ weghǫ dıı hagedı ı̨lè, ‘T'aa gıgha ehkw'ı-ahodıı sìı wıızì dahxà gıhołı̨į̀ gıghǫ nahoezhe ha,’ dek'eèhtł'è,” Peter gòhdı.

Zezì Wecheekeèdeè 15:11

Į̀le, hagets'ele ha dìì! Gots'ǫ K'àowo Zezì goxı̨ gots'ǫ̀ sǫnıwǫ t'à edaxàgoı̨laa sìı gogha ehkw'ı hǫt'e. Dǫ eyıì-le xàɂaa ededı̨ sı hanì edaxàgoı̨la hǫt'e,” Peter gòhdı.

Zezì Wecheekeèdeè 26:22

Hanìkò dıı dzęę̀ ts'ǫ̀ Nǫ̀htsı̨ sets'àı̨dì hǫt'e, eyıt'à jǫ nàhwho gà dǫ hazǫǫ̀ wet'àaɂàa eyıts'ǫ wet'àaɂà-le į̀łah gıts'ǫ̀ gohde. Moses eyıts'ǫ nakwenàoɂǫǫ ayìı dàgode ha gedı ı̨lèe sìı k'èch'a gohde nıìle.

Zezì Wecheekeèdeè 28:23

Eyıt'à ı̨łè dzęę̀ k'e Paul xè ełegeèhdì ha gedı. Eyı dzęę̀ k'e dǫ łǫ Paul wekǫ̀ nègı̨ı̨de. K'omǫǫ̀dǫǫ̀ ts'ǫ, xèhts'ǫ̀ gots'ǫ̀ Paul gots'ǫ̀ goı̨de. Nǫ̀htsı̨ wenàowoò ghǫ hoghàgoehtǫ xè deghàà godaedı. Moses wenı̨htł'è eyıts'ǫ nakwenàoɂǫǫ gını̨htł'è k'e Zezì ghǫ dek'eèhtł'èe sìı gıgha ehkw'ı-ahodı agole ha goèhdzà.

Rome 1:17

Eyı godı nezı̨ı̨ wet'à dànì Nǫ̀htsı̨ ehkw'ı agohɂį̀ı̨ sìı wek'èts'eezǫǫ̀ ats'et'į̀ hǫt'e. Dǫ Nǫ̀htsı̨ gıgha ehkw'ı-ahodıı zǫ t'à ehkw'ı aget'į̀ hǫt'e. Dıı hanì dek'eèhtł'è t'à: “Dǫ ehkw'ı agììdlàa sìı gıgha ehkw'ı-ahodı t'à welǫ whìle ts'ǫ̀ geeda ha hǫt'e,” dek'eèhtł'è.

Rome 1:2

Įdì whaà ekò Nǫ̀htsı̨ Nı̨htł'è k'e nakwenàoɂǫǫ nadąą̀ gogı̨ı̨de t'à Nǫ̀htsı̨ sìı godı nezı̨ı̨ dǫ ts'ǫ̀ ade ha hadı ı̨lè.

Rome 16:26

hanìkò dıì sìı Nǫ̀htsı̨ welǫ whìle ts'ǫ̀ wehòhɂǫǫ sìı wedahxà nakwenàoɂǫǫ egı̨ı̨tł'è t'à wek'èhoedzǫǫ̀ adlà hǫt'e. Hanì-ı̨dè dıı nèk'e dǫ hazǫǫ̀ gıgha ehkw'ı-ahodı xè gık'èı̨t'e ha.

Rome 3:28

Dıı hanì gogha ehkw'ı-ahodı hǫt'e: Dǫ wegha ehkw'ı-ahodı t'à ehkw'ı awììdlà hǫt'e. Moses wenàowoò k'ę̀ę̀ eda t'à ehkw'ıì ade ha nıìle.

Rome 5:19

Dǫ ı̨łè Nǫ̀htsı̨ k'èaı̨t'è-le ts'ıhɂǫ̀ dǫ łǫ hołı̨ı̨-hogehtsı̨ı̨-dǫǫ̀ gı̨ı̨lı̨ı̨ agììdlà, eyıts'ǫ eyı lanì dǫ ı̨łè Nǫ̀htsı̨ k'èaı̨t'è ts'ıhɂǫ̀ dǫ łǫ ehkw'ıì agedle ha.

Rome 5:21

Hanì hòɂǫ t'à hołı̨ı̨ ts'ıhɂǫ̀ dǫ ełaàgede ı̨lè, hanìkò Nǫ̀htsı̨ gots'ǫ̀ sǫnıwǫ t'à ehkw'ı geedaa k'ę̀ę̀ gııtà agole ha, eyıts'ǫ Zezì-Krı wet'ǫ̀ǫ̀ welǫ whìle ts'ǫ̀ geedaà agole ha.

Rome 9:30

Eyıt'à ayìı awèts'edı? Dıı awèts'edı hǫt'e: Dǫ Israel got'ı̨į̀ agı̨ı̨t'e-le kò, eyıts'ǫ Nǫ̀htsı̨ gha ehkw'ı agı̨ı̨t'e gha hòtł'ò eghàlagı̨ı̨dà-le kò, gıgha ehkw'ı-ahodı t'à Nǫ̀htsı̨ xè ehkw'ı agı̨ı̨t'eè agejà.

1 Corınth 1:30

Nǫ̀htsı̨ wets'ıhɂǫ̀ Zezì-Krı wexè aaht'e. Nǫ̀htsı̨ sìı Zezì-Krı t'à gots'ı̨ı̨zǫǫ̀ agǫ̀ǫ̀là, wet'ǫ̀ǫ̀ ehkw'ıì ats'ejà, wet'ǫ̀ǫ̀ degaı ts'ı̨ı̨lı̨, eyıts'ǫ wet'ǫ̀ǫ̀ welǫ whìle ts'ǫ̀ edaxàts'eedè hǫt'e.

2 Corınth 3:9

Nàowo wet'à dǫ ełaàgede gha gısınìyaetıı sìı enıìyah hǫt'e nı̨dè, nàowo nezı̨ı̨ wet'à ehkw'ı agòìdlàa sìı dàı̨hcho ts'ǫ̀ wenahk'e enıìyah dèè elı̨!

2 Corınth 5:21

Zezì wehołı̨į̀ whìle sìı Nǫ̀htsı̨ gogha hołı̨ı̨ wek'e whelaà ayį̀į̀là, hanì-ı̨dè Zezì wet'ǫ̀ǫ̀ Nǫ̀htsı̨ ehkw'ı ts'eedaà agole ha.

Galatıa 3:8

Nǫ̀htsı̨, dǫ Israel got'ı̨į̀ agı̨ı̨t'e-le sìı gıgha ehkw'ı-ahodı nı̨dè ehkw'ıì agole ha, whaà gots'ǫ hanì Nǫ̀htsı̨ Nı̨htł'è k'e dek'eèhtł'è ı̨lè. Eyı Nı̨htł'è k'e godı nezı̨ı̨ weghǫ dıı hanì nadąą̀ dek'eèhtł'è: Nǫ̀htsı̨ Abraham ts'ǫ̀ dıı hadı: “Nı̨ net'à dǫ hazǫǫ̀ xàɂaa gıxè sìghà agode ha,” dek'eèhtł'è.

Galatıa 5:5

Hanìkò Zezì-Krı gogha ehkw'ı-ahodı nı̨dè wets'ǫ Įnì Degaı goxè wehòhɂǫ hǫt'e eyıts'ǫ deghàà ehkw'ıì ats'ede ha wek'èts'eezǫ. Hotıì eyı dzęę̀ danats'eèhɂı̨ hǫt'e.

1 Peter 1:10

Nǫ̀htsı̨ edesǫnıwǫǫ̀ naxıghàyeɂà ha sìı whaà gots'ǫ nakwenàoɂǫǫ eyı ghǫ gogı̨ı̨de ı̨lè. Dàht'e k'e eyıts'ǫ dànì Nǫ̀htsı̨ hayele ha sìı gıgòhɂà ha gı̨ı̨wǫ t'à hòtł'ò gıghǫ nànıgedè xè hotıì gıxàeta ı̨lè. Zezì-Krı wets'ǫ Inì Degaı dıı hagòhdı ı̨lè: “Nǫǫde nı̨dè Zezì-Krı daı̨ɂa ha hǫt'e eyı tł'axǫǫ̀ nı̨dè wexè enıìyah hòɂǫ agode ha hǫt'e.” Yedàyeh Nezı̨ı̨ gots'ǫ̀ hadı ı̨lè, hanìkò dàht'e dzęę̀ k'e eyıts'ǫ edı̨į̀ hagode ha sìı gık'èezǫ-le.

2 Peter 1:1

Sı̨ Sımon-Peter, Zezì-Krı wegha eghàlaehda eyıts'ǫ wecheekeèdeè aht'e. Dǫ Nǫ̀htsı̨ gıgha ehkw'ı-ahodıì agììdlàa sìı gıts'ǫ̀ aatł'è hǫt'e. Nǫ̀htsı̨ eyıts'ǫ Zezì-Krı Edaxàgolee gıts'ıhɂǫ̀ ehkw'ı aahdaa k'ę̀ę̀ naxııtà hǫt'e. Goxı̨ gogha ehkw'ı-ahodıì agòìdlàa sìı gogha t'asìı wet'àaɂàa deè hǫt'e, eyı xèht'eè naxı̨ sı naxıgha t'asìı wet'àaɂàa deè hǫt'e.