Rome 2:8 - Nǫ̀htsı̨ Nı̨htł'è

⁸ Hanìkò dǫ edeghǫ zǫ nànıgedèe sìı, nàowo ehkw'ıı gıgha wedę xè nàowołı̨ı̨ k'ę̀ę̀ geedaa sìı Nǫ̀htsı̨ gots'ǫ̀ sıì wek'èch'a xè dagı̨ı̨ɂaà agole ha.

Rome 2:8 ပူးပေါင်းရင်းမြစ်များ

Rome 1:18

Nǫ̀htsı̨, amìı yek'èch'a eghàlaedaa sìı yesınìyaehtı ha yak'e gots'ǫ wek'èedzǫǫ̀ ayį̀į̀là hǫt'e. Dǫ hołı̨ı̨ hogehtsı̨ ts'ıhɂǫ̀ Nǫ̀htsı̨ wek'èch'a t'à, hołı̨ı̨ k'èxa nàgoehkwa ha. Dǫ gınàowołı̨ı̨ t'à nàowo ehkw'ıı k'èch'a eghàlageeda.

Rome 10:16

Hanìkò Israel got'ı̨į̀ hazǫǫ̀ godı nezı̨ı̨ gıgha ehkw'ı-ahodı nıìle. Nakwenàoɂǫǫ Isaıah dıı hadı ı̨lè, “Sets'ǫ̀ K'àowo, amìı goyatıì gıgha ehkw'ı-ahodı?” hadı, dek'eèhtł'è.

Rome 15:18

Edeghǫ xàdahohdì ha dehwhǫ-le. Zezì-Krı sı̨ set'à ayìı ghàlaı̨dàa sìı eyı zǫ weghǫ xàdahohdì ha dehwhǫ. Dǫ eyıì-le xàɂaa ts'ǫ̀ goıhdeè asį̀į̀là t'à, ayìı dàhłà eyıts'ǫ ayìı dàehsı̨ ts'ıhɂǫ̀ dǫ eyıì-le xàɂaa sìı Nǫ̀htsı̨ ts'ǫ̀ agèhłà xè gık'èı̨t'eè agejà.

Rome 6:17

Hołı̨ı̨ naxınì ts'ǫ̀ k'àhowo k'ę̀ę̀ zǫ eghàlaahda ı̨lè, hanìkò godı nezı̨ı̨ hoghànaxeètǫ ekò hotıì naxıdzeè t'à wek'èaht'e dahwhǫǫ̀ aahjà, eyı gha Nǫ̀htsı̨ masì wets'ı̨ı̨hwhǫ hǫt'e.

Rome 9:22

Eyı lanì Nǫ̀htsı̨ wexè hòɂǫ hǫt'e. Nǫ̀htsı̨ dǫ ts'ǫ̀ wek'èch'a gık'èezǫ ha, eyıts'ǫ dànì t'asìı wegha dìì-le wexè hòɂǫǫ sìı dǫ gık'èezǫ ha nıwǫ nı̨dè wets'ǫ̀ hoèlı̨ hǫt'e. Whaà gots'ǫ dǫ xè wek'èch'a kò goxè ts'èwhı̨į̀ nıwǫ ı̨lè, hanìkò godıhohtsı̨ ha nıwǫ nı̨dè ededı̨ wets'ǫ̀ hoèlı̨ hǫt'e.

1 Corınth 11:16

Dǫ eyı ghǫ ełets'ǫ̀ nàyagehtı ha gı̨ı̨wǫ nı̨dè, goxı̨ gogha eyıts'ǫ Nǫ̀htsı̨ wecheekeè hazǫǫ̀ gıgha nàowo eyıì-le gǫ̀hłı̨ nıìle.

2 Corınth 12:20

Naxıts'àwhıhtła nı̨dè sınì k'ę̀ę̀ aaht'e ha-le sǫnı, eyıts'ǫ sı̨ sı naxınì k'ę̀ę̀ aht'e ha-le sǫnı, eyı weghǫ nànıhwho hǫt'e. Ełek'èch'a aahdı ha sǫnı, ełeghǫ ts'oxoahdı ha sǫnı, naxık'èch'a t'à naxınì nàìtło ha sǫnı, ełek'èch'a aahda ha sǫnı, ełeghǫ goahde ha sǫnı, xàhoahdì ha sǫnı, eyıts'ǫ naxıxè hoı̨zı̨ hòɂǫ ha-le sǫnı, eyı hazǫǫ̀ ghǫ hòtł'ò nànıhwho hǫt'e.

Galatıa 5:20

nǫ̀htsı̨ hòèlı̨ı̨ ts'ǫ̀ yats'ehtıı, ı̨k'ǫǫ̀ k'alats'edèe; ełedzats'ı̨ı̨hwhǫǫ, ełek'èch'a ts'eedaa, ełeghǫ ts'ohots'eedıı, goınì nàìtłoo, dǫ nahk'e ts'ı̨ı̨lı̨ ts'ı̨ı̨wǫǫ, ełek'èch'a eghàlats'eedaa,

Phılıppı 1:17

Dǫ seghǫ ts'ohogeedıı sìı Zezì-Krı wegodıì t'à gogede, hanìkò edegha aget'ı̨, gıdzeè ehkw'ıı t'à agedı nıìle. Dǫ-danìı̨laa-kǫ̀ whıhda et'ıì segha hoìla xàgeeta gha aget'ı̨.

Phılıppı 2:3

Wet'à nezı̨į̀ naxìgaat'ı̨ ha dahwhǫ t'à edegha zǫ t'asìı haahɂı̨-le, hanìkò k'èeweèt'ı̨ laaht'e xè edenahk'e dǫ eyıì-le gıdaànıahdè.

2 Thessalonıca 1:8

Ekò nı̨dè dǫ Nǫ̀htsı̨ k'ègeezǫ-le xè gots'ǫ̀ K'àowo Zezì wegodıì nezı̨ı̨ k'èagı̨ı̨t'e-le sìı dagı̨ı̨ɂaà agole ha.

Tıtus 3:9

Hanìkò ezhı̨ne nàowoò t'à ełets'ǫ̀ nàyats'ehtıı sìı eyıts'ǫ gocho gıızì dek'eèhtł'è k'èts'edìı sìı wedę anele. Moses wenàowoò ghǫ nàyaı̨htı-le, hats'edıı sìı wet'àhots'eehwhı nıìle eyıts'ǫ wet'àaɂà nıìle.

Hebrew 10:27

eyıt'à dǫ Nǫ̀htsı̨ dzagı̨ı̨hwhǫǫ sìı Nǫ̀htsı̨ nàgoehkwa ha eyıts'ǫ kǫ̀ nàtsoo t'à gık'eek'ǫ̀ ha gıdawheɂǫ t'à sıì geejı̨ hǫt'e.

Hebrew 11:8

Abraham Nǫ̀htsı̨ nǫǫde nı̨dè dèè eyıì-le yeghàɂà ha sìı ekǫ ts'ǫ̀ aąde yèhdı yets'ǫ̀ goı̨de ekò Abraham wegha ehkw'ı-ahodı ı̨lè. Edı̨į̀ ts'ǫ̀ at'ı̨ı̨ sìı yek'èezǫ-le kò Nǫ̀htsı̨ k'èı̨t'e ts'ıhɂǫ̀ ekǫ ts'ǫ̀ ajà ı̨lè.

Hebrew 5:9

Denahk'e elı̨ awììdlà tł'axǫǫ̀, dǫ hazǫǫ̀ yek'èı̨t'ee sìı welǫ whìle ts'ǫ̀ Edaxàgolee whelı̨.

James 3:14

Hanìkò ełeghǫ ts'oxoahdı xè dǫ wet'àaɂàa edaahtsı̨ nı̨dè goahsǫ nıìle. Edeghǫ xàdahoahdì-le, eyıts'ǫ nàowo ehkw'ıı sìı wedę aahłe-le.

James 3:16

Dǫ ełeghǫ sıì ts'ohogeedı xè gıt'àhoòɂà edegeetsı̨ nı̨dè dǫ xè nàdahoowo hǫt'e, eyıts'ǫ hołı̨ı̨ hazǫǫ̀ xàɂaa hogehtsı̨ hǫt'e.

1 Peter 3:1

Ts'èko gı̨ı̨lı̨ı̨ sìı ededǫǫ̀ k'èagı̨ı̨t'e ha hǫt'e. Hanì-ı̨dè gıdǫǫ̀ godı nezı̨ı̨ gıgha ehkw'ı-ahodı-le nı̨dè gıts'èkeè gıt'ǫ̀ǫ̀ gıgha ehkw'ı-ahodıì agode ha sǫnı. Gıgha ehkw'ı-ahodıì agejà nı̨dè gıts'èkeè gots'ǫ̀ dàgedıı sìı ts'ıhɂǫ̀ nıìle, hanìkò gots'ǫ̀ dànì geeda ts'ıhɂǫ̀ gıgha ehkw'ı-ahodıì agede ha.

1 Peter 4:17

Hòt'a dǫ hazǫǫ̀ gısınìyaetı ha nìkw'o; Nǫ̀htsı̨ wets'ǫ dǫ sìı t'akwełǫ̀ǫ̀ gısınìyaetı ha hǫt'e. Goxı̨ t'akwełǫ̀ǫ̀ gosınìyaetı ha nı̨dè dǫ Nǫ̀htsı̨ wegodıì nezı̨ı̨ k'ę̀ę̀ geeda-le sìı gıxè dàgǫ̀ht'e ha sǫnı?

John Wenazhıı 14:10

Nǫ̀htsı̨ hòtł'ò nàyeehkwa ha. Nǫ̀htsı̨ sıì wets'ǫ̀ wek'èch'a t'à hòtł'ò daı̨ɂa yeghàhòɂà ha. Sahzǫ̀ą eyıts'ǫ yak'eet'ı̨į̀ gınadąą̀ kwe dèk'ǫ̀ǫ t'à daı̨ɂaà awedle ha hǫt'e.

John Wenazhıı 16:19

Kǫ̀godeè Babylon taı ts'ǫ̀ łats'ıgoı̨dla eyıts'ǫ dıı nèk'e kǫ̀godeè hazǫǫ̀ nàgoı̨tł'ı. Nǫ̀htsı̨ sìı Babylon got'ı̨į̀ gıhołı̨į̀ yenadì t'à eyı k'èxa nàgoı̨hkwa. Nǫ̀htsı̨ gots'ǫ̀ wek'èch'a t'à hòtł'ò dagı̨ı̨ɂa ha goghàhòı̨ɂǫ.