Rome 2:5 - Nǫ̀htsı̨ Nı̨htł'è

⁵ Hanìkò naxıkwì nàtso xè naxıdzeè t'à edek'eahłı̨-le t'à, Nǫ̀htsı̨ naxıts'ǫ̀ wek'èch'a aahłà hǫt'e. Nǫ̀htsı̨ edenàowoò ehkw'ıı k'ę̀ę̀ dǫ-sınìyaehtıı-dzęę̀ k'e nı̨dè, deɂǫ̀ǫ̀ hoìla anaxedle ha hǫt'e.

Rome 2:5 ပူးပေါင်းရင်းမြစ်များ

Rome 1:18

Nǫ̀htsı̨, amìı yek'èch'a eghàlaedaa sìı yesınìyaehtı ha yak'e gots'ǫ wek'èedzǫǫ̀ ayį̀į̀là hǫt'e. Dǫ hołı̨ı̨ hogehtsı̨ ts'ıhɂǫ̀ Nǫ̀htsı̨ wek'èch'a t'à, hołı̨ı̨ k'èxa nàgoehkwa ha. Dǫ gınàowołı̨ı̨ t'à nàowo ehkw'ıı k'èch'a eghàlageeda.

Rome 11:25

Sèot'ı̨ı̨, dıı t'asìı enıìyah deɂı̨į̀ wheɂǫǫ sìı wek'èahsǫ ha naxeehwhǫ. Hanì-ı̨dè xàhoahdì aahde ha nıìle. Israel got'ı̨į̀ agı̨ı̨t'e-le gıta gots'ǫ dǫ hazǫǫ̀ edaxàgeedè gots'ǫ̀, Israel got'ı̨į̀ gıkwì dezhì ha.

Rome 9:22

Eyı lanì Nǫ̀htsı̨ wexè hòɂǫ hǫt'e. Nǫ̀htsı̨ dǫ ts'ǫ̀ wek'èch'a gık'èezǫ ha, eyıts'ǫ dànì t'asìı wegha dìì-le wexè hòɂǫǫ sìı dǫ gık'èezǫ ha nıwǫ nı̨dè wets'ǫ̀ hoèlı̨ hǫt'e. Whaà gots'ǫ dǫ xè wek'èch'a kò goxè ts'èwhı̨į̀ nıwǫ ı̨lè, hanìkò godıhohtsı̨ ha nıwǫ nı̨dè ededı̨ wets'ǫ̀ hoèlı̨ hǫt'e.

2 Corınth 5:10

Ehkw'ı anaxèehsı̨, goxı̨ hazǫǫ̀ Zezì-Krı wenadąą̀ nìts'edè gà gosınìyaehtı ha hǫt'e. Dǫ hazǫǫ̀ ı̨łaà edezhį̀į̀ yìı geeda et'ıì ayìı hogehtsı̨ k'èxa gıghàhòt'à ha. Ehkw'ı gı̨ı̨dà, hanì-le-ı̨dè ehkw'ı gı̨ı̨dà-le k'èxa goghàhòɂà ha.

2 Thessalonıca 1:5

Eyı hazǫǫ̀ weghàà Nǫ̀htsı̨ ehkw'ı naxısınìyaehtıı sìı wek'èts'eezǫ hǫt'e. Nǫ̀htsı̨ Wenàowoò k'ę̀ę̀ hòɂǫǫ sìı gha daahɂaà anaxììdlà t'à ekǫ goyaahde ha edegha deahnǫ k'ę̀ę̀ naxııtà.

Hebrew 3:13

Hanìkò ı̨łaà “dıı dzęè” ts'edı et'ıì dzę taàt'eè ełınì nàtsoò ałaahɂı̨. Hałaahɂı̨ nı̨dè naxıta dǫ wı̨ı̨zìı weghǫyahoeɂà t'à Nǫ̀htsı̨ ts'ǫ̀ wedzeè dezhì ade ha nıìle.

Hebrew 3:15

Dıı hanì dek'eèhtł'è k'ę̀ę̀, “Dıı dzęę̀ k'e Nǫ̀htsı̨ weyatıì aàhkw'ǫ nı̨dè, naxıcho gı̨į̀hdzà lanì wets'ǫ̀ naxıdzeè dezhì aahłe-le,” dek'eèhtł'è.

Hebrew 4:7

Eyıt'à Nǫ̀htsı̨ k'achı̨ ı̨łàà dzę ı̨łè eyı gha wheɂǫ ayį̀į̀là, eyı dzęę̀ sìı “dıı dzęę̀ k'e” yèhdıì yıızı hǫt'e. Whaà hoòwo tł'axǫǫ̀ gocho Davıd t'à dǫ ts'ǫ̀ goı̨de hadı, “Dıı dzęę̀ k'e weyatıì aàhkw'ǫ nı̨dè, Nǫ̀htsı̨ ts'ǫ̀ naxıdzeè dezhì aahłe-le,” dek'eèhtł'è.

James 5:3

Naxıts'ǫ sǫǫ̀mbaekwo eyıts'ǫ sǫǫ̀mba degoo hazǫǫ̀ ek'eèhtsǫ̀ ajà. T'asìı hazǫǫ̀ ek'eèhtsǫ̀ǫ sìı weghàà t'asìı ghǫ aahdı-le ı̨lèe naxık'èhoedzǫ ha. Kǫ̀ t'à naxıkwǫ̀ k'eek'ǫ̀ lanì ha. Nǫǫde dzęę̀ gha t'asìı hazǫǫ̀ xàɂaa nàwhahtsı̨ hǫt'e.

2 Peter 2:9

Hanì hòɂǫ nı̨dè gots'ǫ̀ K'àowo dǫ Nǫ̀htsı̨ wınì k'ę̀ę̀ geedaa sìı dànì hoìla ch'à edaxàgohtè ha sìı yek'èezǫ hǫt'e, hanìkò amìı ehkw'ı geeda-le sìı nàgoehkwa hǫt'e eyıts'ǫ gısınìyaetıı dzęę̀ gha gok'èdì.

2 Peter 3:7

Nǫ̀htsı̨ weyatıì et'ıì t'à yak'e eyıts'ǫ dıı nèk'e gok'eek'ǫ̀ gha wek'èhodì hǫt'e. T'asìı hazǫǫ̀ wesınìyaetıı dzęę̀ k'e ts'ǫ̀ wek'èhodì, eyıts'ǫ ekìıyeè k'e nı̨dè dǫ hazǫǫ̀ Nǫ̀htsı̨ k'èch'a geedaa sìı gıdıhołè ha.

Jude 1:6

Eyıts'ǫ yak'eet'ı̨į̀ mǫ̀hdaa gıts'ǫ̀ dàgòjàa sìı eyı sı wenaahdì. Dànì k'ahogedè ha gıghàhòt'ǫǫ sìı gıghàehdı ı̨lè. Eyı yak'eet'ı̨łı̨ı̨ sìı welǫ whìle ts'ǫ̀ satsǫ̀tł'ıì gık'e whela xè Nǫ̀htsı̨ togoòtł'òo yìı gok'èdì, eyıts'ǫ nǫǫde dzęę̀ k'e Nǫ̀htsı̨ gosınìyaehtı ha hǫt'e.

John Wenazhıı 2:21

Eyı ts'èko hołı̨ı̨ nàowoò k'ę̀ę̀ eghàlaedaa sìı edek'eelı̨ ha weghàhòehɂǫ ı̨lè, hanìkò hanıwǫ-le.

John Wenazhıı 6:17

Hòt'a hoìla agogelee dzęę̀ weghǫnìhoı̨wo hǫt'e. Dànì edaxàts'ı̨ı̨de welì?” gedıì gezeh.