Rome 2:21 - Nǫ̀htsı̨ Nı̨htł'è

²¹ Ekò naxı̨ dǫ eyıì-le hoghàgıahtǫ nı̨dè dànìghǫ hoghàdeahtǫ-le? Ets'eeɂį̀ k'èch'a goahde nı̨dè dànıt'à naxı̨ èhłı̨ aahɂį̀?

Rome 2:21 ပူးပေါင်းရင်းမြစ်များ

Matthew 21:13

Hagòhdı, “Dıı hanì dek'eèhtł'è hǫt'e: ‘Sekǫ̀ yats'ehtıı k'è gha gòɂǫ hǫt'e,’ hanìkò naxı̨ sìı ‘egeeɂį̀ı̨-dǫǫ̀ gha kǫ̀’ gòwhahtsı̨ hǫt'e,” gòhdı.

Luke 11:46

Zezì yets'ǫ̀ hadı, “Naxı̨ Nǫ̀htsı̨-yatıì-k'èahdìı-dǫǫ̀ yàahłı̨ı̨ sìı naxıgha hoìla ha! T'asìı nedàa dǫ k'e nìahłe, gıgha nedà t'à ı̨kaa nagıage whìle. Hanìkò naxı̨ sìı naxılakw'ǫǫ̀ ı̨łàet'ea t'à gıts'àahdı nıìle.

Luke 12:47

“Eyı dǫ, wets'ǫ k'àowo dànıwǫ yek'èezǫ kò yınì k'ę̀ę̀ eghàlaeda-le xè yegha ts'atà wheda-le nı̨dè hòtł'ò nàweekwa ha hǫt'e.

Luke 19:22

“K'àowocho hayèhdı, ‘Secheekeè łı̨ı̨ anet'e, neyatıì t'à nesınìyahtı ha! Dǫ dìì aht'e sek'èı̨zǫ. T'asìı nèehɂǫ-le kò t'asìı wets'ǫ ìhchì, eyıts'ǫ t'asìı dehshe gha t'asìı nèehła-le kò t'asìı dèhshǫǫ sìı wets'ǫ ìhchì.

Luke 4:23

Zezì gots'ǫ̀ hadı, “Dıı hasèahdı ha wek'èehsǫ, ‘Nàèdı-k'èezǫǫ k'aàt'ıì adı̨ı̨le. Kǫ̀ta Capernaum ekǫ ayìı ghàlaneedàa sìı jǫ nekǫ̀ta sı hanele,’ sèahdı ha hǫt'e.

1 Corınth 9:27

Į̀le, sezhį̀į̀ sek'èı̨t'e xè segha eghàlaedaà ahɂı̨. Hanì-ı̨dè godı nezı̨ı̨ t'à dǫ ts'ǫ̀ goıhde tł'axǫǫ̀ nı̨dè, t'asìı deè ts'eehnè gha sedę asedle ha nıìle.

Galatıa 6:13

Ededı̨ gıkwǫ̀ nàat'àa dǫǫ̀ agı̨ı̨t'e kò Moses wenàowoò k'èagı̨ı̨t'e nıìle, hanìkò ı̨łaà naxıkwǫ̀ nàt'à ahłe naxègedı, hanì-ı̨dè naxıkwǫ̀ ghǫ xàdahogedì ha gı̨ı̨wǫ.