Rome 2:15 - Nǫ̀htsı̨ Nı̨htł'è

¹⁵ Dànì nàowo k'ę̀ę̀ geeda ha sìı gıdzeè yìı wheɂǫ hǫt'e. Eyıt'à xàè gıdzeè et'ıì t'à nànıgedè eyıts'ǫ edek'e nìdahogeeɂà hǫt'e, ekǫ-le eghàlagı̨ı̨dà nı̨dè eyıts'ǫ ehkw'ı eghàlagı̨ı̨dà nı̨dè ededzeè yìı gık'èezǫ hǫt'e.)

Rome 2:15 ပူးပေါင်းရင်းမြစ်များ

Dànì Kèhoį̀wo 20:5

Abraham ededı̨ xàè, ‘Sedè hǫt'e,’ sèhdı, eyıts'ǫ Sarah ededı̨ sı, ‘Sı̨ı̨de hǫt'e,’ sèhdı. Eyıt'à t'asìı wı̨ı̨zìı ghǫ nànıhwho-le xè hanì eghàlaıhdà hǫt'e. Ekǫ-le hòwhıhtsı̨ nıìle,” yèhdı.

John 8:9

Zezì hanì gots'ǫ̀ xàyaı̨htı egıìkw'o ekò hazǫǫ̀ ełek'èdaà nageèhde, ǫhdah gı̨ı̨lı̨ı̨ sìı t'akwełǫ̀ǫ̀ agejà. Zezì ededı̨ zǫ aìda, eyıts'ǫ ts'èko ı̨łaà eyı nàwo.

Zezì Wecheekeèdeè 23:1

Paul, k'aodèe ehkw'ı goghàeda xè hagòhdı, “Sèot'ı̨ı̨, dıı dzęę̀ ts'ǫ̀ Nǫ̀htsı̨ dànıwǫǫ sìı k'ę̀ę̀ sedzeè t'à ehkw'ı eghàlaıhdà, wek'èehsǫ hǫt'e,” gòhdı.

Zezì Wecheekeèdeè 24:16

Goxè hanì hòɂǫ ha t'à Nǫ̀htsı̨ wenadąą̀ eyıts'ǫ dǫ gınadąą̀ sınì ehkw'ı t'à eghàlaehda ha dehwhǫ.

Rome 2:14

(Ehkw'ı t'à, dǫ eyıì-le xàɂaa sìı Moses wenàowoò gıghǫ̀t'ǫ-le kò ededı̨ whatsǫǫ̀ edınì dahxà nàowodeè k'ę̀ę̀ ehkw'ı k'ehogeɂa hǫt'e. Nàowodeè gıts'ǫ-le kò edınì t'à edegha nàowo gı̨ı̨lı̨.

Rome 2:27

Dǫ wekwǫ̀ nàt'à-le kò Moses wenàowoò k'èı̨t'ee sìı naxı̨ Israel got'ı̨į̀ yàahłı̨ı̨ sìı naxısınìyagehtı ha hǫt'e. Moses wenàowoò naxıgha enı̨htł'è k'e dek'eèhtł'è eyıts'ǫ naxıkwǫ̀ nàat'a kò ı̨łaà Moses wenàowoò k'èaht'e nıìle, eyıt'à nàowo-nàahzhìı-dǫǫ̀ aaht'e.

Rome 9:1

Zezì-Krı wedahxà ehkw'ı gohde, naxıts'ǫ̀ hohts'ì nıìle. Yedàyeh Nezı̨ı̨ sınì ts'ǫ̀ k'àowo ne t'à, ayìı segha ehkw'ıı sìı wek'ę̀ę̀ naxıts'ǫ̀ gohde ha:

2 Corınth 1:12

Godzeè t'à nàowo degaı k'ę̀ę̀ eyıts'ǫ ehkw'ı k'ę̀ę̀ eghàlats'ı̨ı̨dà wek'èts'eezǫ hǫt'e. Nǫ̀htsı̨ wek'ę̀ę̀ dıı nèk'e dǫ gıta eyıts'ǫ naxıta hanì denahk'e eghàlats'ı̨ı̨dà hǫt'e. Dıı nèk'e gots'ǫ wet'à gots'ı̨ı̨zǫǫ nàowoò k'ę̀ę̀ ats'ı̨ı̨t'į̀ nıìle, Nǫ̀htsı̨ wesǫnıwǫ k'ę̀ę̀ ats'ı̨ı̨t'į̀ hǫt'e. Eyı weghǫ xàdahots'edì ha dìì-le.

2 Corınth 5:11

Eyıt'à dànì gots'ǫ̀ K'àowo wek'èats'ı̨ı̨t'e ha wek'èts'eezǫ t'à, dǫ ładı̨į̀ agede ha gıghǫdats'eehnè ha hots'eèhdzà. Dànì ts'eedaa sìı Nǫ̀htsı̨ wegha hotıì nezı̨į̀ wègaat'ı̨ hǫt'e, eyıts'ǫ naxı̨ sı naxınì gha hotıì nezı̨į̀ wègaat'ı̨ nı̨dè dehwhǫ.

1 Tımothy 4:2

Dǫ negezı̨-le sìı eyı nàowo dǫ hoghàgogeehtǫ hǫt'e. Eyı dǫ nezı̨į̀ gìgaat'ı̨ hanìkò hogets'ì agı̨ı̨t'e. Gınì ełaı̨dèe lanì, ayìı ehkw'ıı eyıts'ǫ ayìı ekǫ-le sìı gınıehdì-le.

Tıtus 1:15

Amìı gıdzeè degaı lanıı sìı t'asìı hazǫǫ̀ gıgha degaı hǫt'e. Hanìkò amìı gınìłı̨ı̨ xè gıgha ehkw'ı-ahodı-le sìı t'asìı hazǫǫ̀ gıgha hołı̨ı̨ hǫt'e. Ededzeè eyıts'ǫ edınì t'à hołı̨ı̨ nàowoò zǫ gı̨ı̨wǫ.