Rome 2:1 - Nǫ̀htsı̨ Nı̨htł'è

¹ Eyıt'à, wek'èts'eezǫ-le, dahdı ha dìì hǫt'e. Dànì dǫ eyıì-le gısınìyaahtıı sìı eyı weghàà edesınìyaahtı hǫt'e, naxı̨ dǫ eyıì-le gısınìyaahtıı sìı hotıì gıxèht'eè eghàlaahda hǫt'e t'à.

Rome 2:1 ပူးပေါင်းရင်းမြစ်များ

Luke 12:14

Eyıt'à Zezì yets'ǫ̀ hadı, “Amìı naxıgha dǫ-sınìyaehtıı-dǫǫ̀ sèhtsı̨?” yèhdı.

Luke 19:22

“K'àowocho hayèhdı, ‘Secheekeè łı̨ı̨ anet'e, neyatıì t'à nesınìyahtı ha! Dǫ dìì aht'e sek'èı̨zǫ. T'asìı nèehɂǫ-le kò t'asìı wets'ǫ ìhchì, eyıts'ǫ t'asìı dehshe gha t'asìı nèehła-le kò t'asìı dèhshǫǫ sìı wets'ǫ ìhchì.

Luke 6:37

“Dǫ sınìyaahtı-le, hanì-ı̨dè naxısınìyaetı ha-le. Dǫ gıdę kò dahwhǫ-le nı̨dè Nǫ̀htsı̨ naxıdę anaxele ha-le. Dǫ ghǫ nahoahłe nı̨dè Nǫ̀htsı̨ naxıghǫ nahoele ha.

Rome 14:22

Eyıt'à eyı weghǫ dànì naxıgha ehkw'ı-ahodıı sìı naxı̨ eyıts'ǫ Nǫ̀htsı̨ sı zǫ wek'èahsǫ welè. Amìı t'asìı wegha ehkw'ı hǫt'e sìı k'ę̀ę̀ eda nı̨dè, wegha sìghà hǫt'e. Eyı dǫ sìı edınì k'èch'a edesınìyahtı nıìle.

Rome 2:2

Dǫ hanì hołı̨ı̨ hogehtsı̨ı̨ sìı Nǫ̀htsı̨ gosınìyaehtı hǫt'e, nàowo ehkw'ıı zǫ k'ę̀ę̀ gosınìyaehtı ha wek'èts'eezǫ hǫt'e.

Rome 2:3

Naxı̨ ekìı dǫ aaht'ee sìı dǫ eyıì-le gıxèht'eè hołı̨ı̨ hoahtsı̨ kò gısınìyaahtı nı̨dè Nǫ̀htsı̨ naxısınìyaehtı ha-le dahwhǫ nì?

Rome 3:9

Eyıt'à edeghǫ dàts'edı welì? Dǫ eyıì-le xàɂaa sìı gınahk'e ts'ı̨ı̨lı̨ nì? Hanì honàedı nıìle! Israel got'ı̨į̀ eyıts'ǫ dǫ eyıì-le xàɂaa hazǫǫ̀ ełèht'eè hołı̨ı̨ gık'e whela, hòt'a hats'edı ı̨lè.

Rome 9:20

Hanìkò ayìıcho aaht'e dahwhǫ t'à hanì Nǫ̀htsı̨ ts'ǫ̀ ek'èt'à goahde welì? “Ededı̨ gòèhtsı̨ı̨ sìı wek'èch'a gots'ede ha nì? ‘Dànìghǫ dıı hanì sèwheęhtsı̨ nǫǫ̀?’ hats'edıì dawets'eehke ha nì?”

1 Corınth 4:5

Eyıt'à eyı nèhòkw'ı kwe t'asìı wesınìyaahtı-le, hanìkò gots'ǫ̀ K'àowo nììtła ts'ǫ̀ naahɂı̨. Togoòtł'òo t'à t'asìı deɂı̨į̀ whelaa sìı wègaat'ı̨į̀ ayele ha, eyıts'ǫ dǫ dàgı̨ı̨wǫ t'à k'ehogı̨ı̨ɂaa sìı wek'èedzǫǫ̀ ayele ha. Eyı dzęę̀ k'e nı̨dè dànì godzeè t'à ehkw'ı nànıts'edèe sìı k'ę̀ę̀ Nǫ̀htsı̨ goghǫ sìghà adı ha.

1 Corınth 7:16

Nı̨ dǫ ts'èkeè nelı̨ı̨ sìı nedǫǫ̀ edaxàwı̨ı̨htè ha hotıì wek'èı̨zǫ nıìle. Nı̨ ts'èko wedǫǫ̀ nelı̨ı̨ sìı nets'èkeè edaxàwı̨ı̨htè ha hotıì wek'èı̨zǫ nıìle.

James 2:20

Gonezǫ-le dìì! Gogha ehkw'ı-ahodı hanìkò wek'ę̀ę̀ ts'eeda-le nı̨dè wet'àhoòɂà nıìle. Dıı weghàà wek'èı̨zǫ anııhłe:

James 4:11

Sèot'ı̨ı̨, ełıızì jıı aahtsı̨-le. Amìı edèot'ı̨ ghǫ gode, hanì-le-ı̨dè yesınìyaehtıı sìı, Nǫ̀htsı̨ nàowoò k'èch'a gode xè yesınìyaehtı hǫt'e. Nǫ̀htsı̨ nàowoò wesınìyaahtı nı̨dè wenàowoò k'ę̀ę̀ aahda nıìle, wek'èch'a goahde hǫt'e.