Rome 16:3 - Nǫ̀htsı̨ Nı̨htł'è

³ Aquıla eyıts'ǫ wets'èkeè Prıscılla segha, “Naxıxè sìghà welè,” gìahdı. Sexè Zezì-Krı gha eghàlageedaa-dǫǫ̀ agı̨ı̨t'e.

Rome 16:3 ပူးပေါင်းရင်းမြစ်များ

Zezì Wecheekeèdeè 18:26

Apollos ełègehdèe-kǫ̀ edèdaedı-le xè dǫ ts'ǫ̀ goı̨de. Prıscılla eyıts'ǫ Aquıla gıìkw'o tł'axǫǫ̀ edekǫ̀ ts'ǫ̀ gok'èehtłaà agı̨į̀là. Nǫ̀htsı̨ wegodıì t'à deghàà gıts'ǫ̀ xàyaı̨htı.

Rome 16:10

Apelles, eyı dǫ Zezì-Krı gha wınì nàtsoo k'ę̀ę̀ eda hotıì wek'èhoedzǫǫ sìı, eyıts'ǫ Arıstobulus eyıts'ǫ dǫ hazǫǫ̀ wekǫ̀ agı̨ı̨t'ee sìı ededı̨ sı gıts'ǫ̀ segha, “Naxıxè sìghà welè,” gìahdı.

Rome 16:4

Gıweè ha kò sexè eghàlagı̨ı̨dà ı̨lè. Sı̨ zǫ masì geehwhǫ nıìle, hanìkò Nǫ̀htsı̨ wecheekeè Israel got'ı̨į̀ agı̨ı̨t'e-le sìı eyı sìı masì gogı̨ı̨hwhǫ hǫt'e.

Rome 16:7

Sèot'ı̨ Andronıcus eyıts'ǫ ts'èko Junıyas ededı̨ sı hagìahdı. Eyı nàke sìı sexè dǫ-danìı̨laa-kǫ̀ geke ı̨lè. Nǫ̀htsı̨ wecheekeèdeè nezı̨į̀ goghǫ gogede eyıts'ǫ sekwe-t'ıì Zezì-Krı gıgha ehkw'ı-ahodı ı̨lè.

Rome 16:9

Urbanus goxè gots'ǫ̀ K'àowo gha eghàlaedaa-dǫǫ̀ elı̨ eyıts'ǫ seàgı̨ą Stakus eyı sı, “Naxıxè sìghà welè,” gìahdı.

Rome 8:1

Hanìkò amìı Zezì-Krı xè aget'ı̨ı̨ sìı ełaàgede gha gısınìyaetı ha-le.

Rome 8:11

Nǫ̀htsı̨ ededı̨ sìı Zezì naìdà ayį̀į̀là hǫt'e, eyıts'ǫ edets'ǫ Yedàyeh Nezı̨ı̨ t'à naxızhį̀į̀ ełaàde ha sìı naìdà ayele ha, Yedàyeh Nezı̨ı̨ naxıdzeè yìı nàdè ne t'à.

Rome 8:2

Zezì-Krı wedahxà Yedàyeh Nezı̨ı̨ wet'à ts'eedaa sìı hołı̨ı̨-nàowoò eyıts'ǫ ełaàts'ewıı nàowoò ch'à edaxàgohtè hǫt'e.

1 Corınth 16:19

Nǫ̀htsı̨ wecheekeè Asıa nèk'e nàgedèe sìı, “Naxıxè sìghà welè,” naxègedı. Aquıla eyıts'ǫ Prıscılla, eyıts'ǫ dǫ gıkǫ̀ yatı gha łą̀ą nègedèe sìı, “Naxıxè sìghà welè,” naxègedı.

2 Corınth 12:2

Hoònǫ-daats'ǫ̀-dı̨ xo ekò Zezì wecheekeè ı̨łè yak'e denahk'e dagǫǫwà ts'ǫ̀ newıìtı̨ ı̨lè. Eyı dǫ edezhį̀į̀ yìı wheda, edezhį̀į̀ yìı wheda-le, wek'èehsǫ-le, Nǫ̀htsı̨ zǫ yek'èezǫ hǫt'e.

2 Corınth 5:17

Eyıt'à dǫ Zezì-Krı xè edaa sìı dǫgòò ìhłè hǫt'e. Wenàowoò zǫą sìı wedę adlà, wenàowogòò wetł'axǫǫ̀ ajà.

Galatıa 1:22

Judea nèk'e dǫ Zezì-Krı gıgha ehkw'ı-ahodıı sìı sek'ègeezǫ-le ı̨lè.

Phılıppı 2:25

Dıì gogha sìı Epaphrodıtus naxıts'ǫ̀ anahłe ha dehwhǫ. Sèot'ı̨ hǫt'e, sexè eghàlaeda eyıts'ǫ sexè godı nezı̨ı̨ ts'àdaedı hǫt'e. Ededı̨ sìı naxıgodıì sets'ǫ̀ nèyı̨ı̨ɂǫ, eyıts'ǫ ayìı segha whìle sìı t'à sets'àdı gha sets'ǫ̀ weahɂà ı̨lè.

Colosse 4:11

Dǫ ı̨łè Zezì eyıts'ǫ Justus sı wìyeh, “Naxıxè sìghà welè,” naxèhdı. Eyı Israel got'ı̨į̀ taı zǫ goxè Nǫ̀htsı̨ Wenàowoò gha eghàlageeda. Nezı̨į̀ sets'àgı̨ı̨dì t'à sedzeè nàtsoò asegį̀į̀là.

2 Tımothy 4:19

Prıscılla eyıts'ǫ Aquıla, eyıts'ǫ Onesıphorus wekǫ̀ dǫ hazǫǫ̀ nàdèe sìı segha “Naxıxè sìghà welè” gìı̨dı.