Rome 16:23 - Nǫ̀htsı̨ Nı̨htł'è

²³ Gaıus, sı̨ eyıts'ǫ Nǫ̀htsı̨ wecheekeè hazǫǫ̀ wekǫ̀ gots'ǫ̀ enìxàı̨tǫ t'à weghǫ masì ts'ı̨ı̨wǫǫ sìı, “Naxıxè sìghà welè,” naxèhdı. Erastus, kǫ̀ta gha sǫǫ̀mba k'èdìı elı̨ eyıts'ǫ gòet'ı̨ Quartus, “Naxıxè sìghà welè,” naxègedı.

Rome 16:23 ပူးပေါင်းရင်းမြစ်များ

Zezì Wecheekeèdeè 19:22

Tımothy eyıts'ǫ Erastus, eyı nàke geet'eè Paul ts'àgedıı sìı Macedonıa nèk'e ts'ǫ̀ goèhɂà, ededı̨ t'aa Asıa nèk'e whaà-lea ts'ǫ̀ ekǫ aı̨t'è.

Zezì Wecheekeèdeè 19:29

Whaà-le-t'ıì kǫ̀ta hazǫǫ̀ dǫ nìdahogı̨į̀hdè. Dǫ nàke Gaıus eyıts'ǫ Arıstarchus, Paul xè Macedonıa nàgedè ı̨lèe sìı dagogıachì. Ełegeèhdìı-k'è gǫchàa ts'ǫ̀ gogeèwa.

Zezì Wecheekeèdeè 20:4

Dǫ gıxè at'ı̨ı̨ sìı Berea got'ı̨į̀ Pyrhus weza, Sopater wìyeh, eyıts'ǫ Thessalonıca got'ı̨į̀ nàke Arıstarchus eyıts'ǫ Secundus, eyıts'ǫ Derbe got'ı̨į̀ Gaıus. Tımothy, Asıa got'ı̨į̀ Tychıcus eyıts'ǫ Trophımus goxè aget'ı̨.

Rome 16:24

Zezì-Krı wegodıì nezı̨ı̨ naxıghàehɂǫǫ sìı wet'à Nǫ̀htsı̨ naxınì nàtsoò ayele ha dìì-le hǫt'e. Eyı godı nezı̨ı̨ sìı ı̨nę̀ę whaà gots'ǫ dǫ ts'ǫ̀ deɂı̨į̀ wheɂǫ ı̨lè,

1 Corınth 1:14

Naxıta gots'ǫ dǫ gık'ètaèhdzǫ-le ı̨lè, eyı gha masì dehwhǫ. Crıspus eyıts'ǫ Gaıus ededı̨ zǫ gık'ètaèhdzǫ ı̨lè.

2 Tımothy 4:20

Erastus kǫ̀ta Corınth aìda, eyıts'ǫ kǫ̀ta Mıletus ekǫ Trophımus eyaelı̨ t'à sexè ajà-le.